ქუთაისიპოსტი

იმერეთში და ზოგადად, საქართველოში დაცულ ტერიტორიებზე ტურისტებისთვის და ადგილობრივებისთვის განსხავებული ფასი მოქმედებს.
მაგალითად, სათაფლიის მღვიმეში შესვლა სხვა ქვეყნის მოქალაქეებისთვის 15 ლარი ღირს.

ზრდასრული, საქართველოს მოქალაქეებისთვის შვიდი, 6 წლამდე ასაკის ბავშვებისთვის უფასოა, ხოლო სტუდენტებისა და სკოლის მოსწავლეებისთვის 5 ლარი.
მიუხედავად განსხვავებული ფასებისა, სათაფლიასა თუ სხვა დაცულ ტერიტორიას ყოველდღიურად უამრავი ვიზიტორი სტუმრობს. მათმა უმრავლესობამ დღეს ჩვენგან პირველად გაიგო, რომ მათ ამის დასათვალიერებლად ორმაგი ფასის გადახდა უწევთ:



დაცული ტერიტორიების სააგენტოს ინფორმაციით, დაცულ ტერიტორიებზე ვიზიტორთა რაოდენობა მიმდინარე წლის პირველ რვა თვეში წინა წლის ანალოგიურ პერიოდთან შედარებით 32%-ით გაიზარდა და 726 296 შეადგინა. 

აქედან, ვიზიტორთა 58 % (423 528) ქართველია, 42 % (302 768) კი უცხოელი. წინა წელთან შედარებით ქართველი ვიზიტორების რაოდენობა 28%-ით, ხოლო უცხოელების - 38%-ითაა გაზრდილი. 

მხოლოდ აგვისტოს თვეში დაცული ტერიტორიები 227 541-მა დამთვალიერებელმა მოინახულა, რაც 43 000-ით მეტია, ვიდრე შარშან.

ჯამში, 2017 წლის პირველ რვა თვეში ტურისტული სერვისებიდან მიღებული შემოსავლები 73%-ით გაიზარდა და 2 956 645 ლარი შეადგინა.