ქუთაისიპოსტი

"ასე ქაოსურად თუკი გაგრძელდა ქალაქში მშენებლობები, ათი წლის შემდეგ აქ იქნება ჯოჯოხეთი, ვერც ისუნთქებ და ფეხითაც ვერ გაივლი", - გვიყვება ტურიზმის სფეროს სპეციალისტი, კონსტანტინე ჭარხალაშვილი.
იგი წლების განმავლობაში ქუთაისში, ტურიზმის დეპარტამენის ხელმძღვანელი იყო. იხსენებს, რომ ქალაქში ჩამოსულ უცხოელ ტურისტს ისტორიული ატრაქციები და სიძველეები ხიბლავდა.

დღეს კი, ამბობს, რომ ქუთაისში ეს  სიძვლეები ნადგურდება. მიაჩნია, რომ მშენებლობებს არ უნდა შეეწიროს  ქალაქის არც ისესახე, არც ისტორია და არც სილამაზე.

"ჩვენ უკვე მივიღეთ საშინელება, როდესაც სინაგოგის წინ (გაპონოვის ქუჩა) ამხელა სასტუმრო რომ წამოჭიმეს. კი ბატონო ქალაქში მშენებლობები უნდა იყოს, მაგრამ მე არ ვიცი რა არის ეს. ის რაც დღეს ქუთაისში ხდება ამ კუთხით, არის სრულიად უგემოვნობა", - აღნიშნავს ჭარხალაშვილი.

მისი თქმით, ათეული წლების წინ, ე.წ. ებრაელების უბანი განსაკუთრებული იყო. თითქმის ერთნაირი ზომის და ულამაზესი ფასადის მქონე შენობებით, რომელსაც უძველესი ეკლესებია გადაჰყურებდა. ახლა, მაღლმა შენობებმა დაფარა ქალაქის და სიძველის ულამაზესი ხედები.

კონსტანტინე ჭარხალაშვილს გუწლი წყდება, რომ ქუთაისში არ გამოიძებნა ერთი ადამიანიც კი, რომელიც ქალაქის სიძველეებზე იზრუნებდა.

"ქალაქებს მერია იმიტომ ჰყავს, რომ თავს უყრის სპეციალისტებს, რომელიც ქუთაისში ძალიან ბევრია. იქნებ შევკრიბოთ ეს ხალხი და ვკითხოთ რა ეშველება ქალაქს და როგორი უნდა იყოს მისი ხვალინდელი დღე. რთულია ამის გაკეთება? ათასს სისულელეში რომ ვხარჯავთ ფულს, განა ნაკლებად მნიშვნელოვანია ეს?!", - განმარტავს ჭარხალაშვილი.

ის თვლის, რომ ქალაქს სტრატეგიული განვითარების გეგმა უნდა უნდა ჰქონდეს, რომელიც, თავის მხრივ, ურბანულ განვითარებასაც გულისხმობს.