ქუთაისიპოსტი

ლატვიაში სასწავლებლად წასულმა ქუთაისელმა სტუდენტმა, ევროპული განათლების მიღების შემდეგ, მშობლიურ მხარეში პრობლემის მოგვარება ითავა.
საბა ხუჯაძე თვლის, რომ ევროპიდან, მიღებული პროფესიული ცოდნის გარდა, გაზრდილი სამოქალაქო პასუხისმგებლობით დაბრუნდა. შედეგად, მან საიას ქუთაისის ფილიალთან ერთად თერჯოლის მუნიციპალიტეტის რამდნიმე სოფელში, მათ შორის, ჭალასთავში სასმელი წყლის მიწოდების პრობლემაზე დაიწყო ზრუნვა.

სტუდენტის თქმით, ის, რომ თერჯოლის სოფლებში სასიცოცხლოდ მნიშვნელოვანი პრობლემა ათეული წელი არ გვარდებოდა, იმ ადგილობრივი მოსახლების ბრალია, რომლებსაც ნაკლებად აქვთ მოქალაქეობრივი პასუხისმგებლობა.

„ის, რომ საქმე დაძრულია და გარემოს დასცვის სამინისტროდან თერჯოლის მუნიციპალიტეტს აქვს მიღებული ბრძანება საკითხის მოგავრებაზე, ეს ნიშნავს, რომ პრობლემა მოგვარდება და ეს არის დამსახურება ევროპული განათლების, რადგან, სწორედ იქ მასწავლეს სწორი მოქალაქეობა და კრიტიკული აზროვნება“, - ამბობს სტუდენტი.

საბა ხუჯაძემ ევროპული განათლება საბერძნეთში, სლოვაკეთში, ლიტვასა და ლატვიაში მიიღო. ის ევროპაში საერთაშორისო საჯარო სამართალს დაეუფალა, ასევე, გაიარა კურსები ევროკავშირის ადმინისტრაციული სამართლის მიმართულებით.

„ევროპული განათლება არის ხარისხიანი განათლება. ევროპა ღიაა კრიტიკული აზრისთვის. იქ მიღებული განათლებიდან და გამოცდილებიდან გამომდინარე, კიდევ უფრო გაიზარდა ჩემში დემოკრატიის, სოციალური შეგნების, სამოქალაქო პასუხისმგებლობის თუ სხვა ფუნდამენტურის ღირებულებების აღქმის ხარისხი“, - ამბოს საბა.

მისი თქმით, ევროპული განათლება ძალიან მნიშვნელოვანია, იმისათვის, რომ შენს ქვეყანაში სასიკეთო საქმეები აკეთო, შეცვალო გარემო უკეთესობისკენ და მიიღო შემხვედრი კრიტიკული აზრი.