დასავლეთთან 30 წლიანმა პარტნიორობამ საქართველო მძიმე კრიზისიდან გამოიყვანა - ირაკლი მაჩიტაძე
17:41 / 07.08.2024
როგორ ასწავლიდნენ ისტორიას საბჭოთა პერიოდის სკოლებში? - კითხვის
პასუხად მწერალი ირაკლი მაჩიტაძე საქართველოს ისტორიის კონკრეტული
ეპიზოდების სკოლაში სწავლების პრაქტიკას იხსენებს და რუსულ-საბჭოთა
გამოცდილებაზე საუბრობს, რომელიც მისი თქმით, რუსეთის ისტორიას
წარმოაჩენდა, როგორც საერთო "სამშობლოს" ისტორიას, ხოლო
საქართველოს ისტორია ისწავლებოდა, როგორც მეორეხარისხოვანი
დანამატი.
თუმცა, რაც ისწავლებოდა, მწერლის აზრით, ისიც ფრაგმენტული,
გამოტოვებული, სხვაგვარად ინტერპრეტირებული და რუსულ სისტემას
მორგებული იყო. "საქართველოს ისტორიის ის ფრაგმენტული სწავლებაც
აწყობილი იყო ისე, როგორც ქართველი ერის "სწრაფვა" რუსეთისკენ. თითქოს
რუსეთამდე ყველაფერი ცუდად იყო, ამიტომ რუსეთთან ყოფნა, დიდ ძმასთან
ყოფნა იყო მთავარი მიზანი. დასავლურ ღირებულებებთან ერთობა, დასავლურ
კულტურასთან, ფასეულობებთან ერთობა, ეს საერთოდ გამქრალი იყო.
განსაკუთრებული გულმოდგინებით ისწავლებოდა გეორგიევსკის ტრაქტატი,
როგორც "ხსნა" და 1921 წლის ოკუპაცია, როგორც "დიადი განთიადი"
საქართველოს ისტორიაში",- ამბობს მწერალი.
მწერლის თქმით, ტრაქტატი, რომელიც საქართველოსთვის თითქოს სასარგებლო
იყო, ძალიან დამამცირებელ 13 პუნქტს ეყრდნობოდა. ხელშეკრულება
შეიცავდა ეპიზოდს, სადაც რუსეთი საქართველოს დაცვას იღებდა საკუთარ
თავზე, თუმცა ესეც არ სრულდებოდა. რუსეთმა პრაქტიკულად ყველა
პუნქტი დაარღვია და საქართველო არაერთხელ მარტო დატოვა მტრის წინაშე.
"მაგალითად, 1795 წელს აღა მაჰმად ხანს უფლება მისცა თბილისის
განადგურების დ ა აღმოსავლეთ საქართველოს დაწიოკების. რუსეთი ერეკლე
მეფეს გვერდით არ დაუდგა არადა ეს ხელშეკრულებით ევალებოდა", - ამბობს
მწერალი.
რუსეთი ისტორიის ყველა ეპიზოდში არასანდო პარტნიორია. იგი საუკუნეების
განმავლობაში არღვევს და არ ითვალისწინებს არც ერთი ხელშეკრულებით
ნაკისრ ვალდებულებას. ამის შეხსენება მწერალს განსაკუთრებით
მნიშვნელოვნად მიაჩნია დღეს, როდესაც საქართველო ისევ გზაგასაყარზე
აღმოჩნდა და ისევ უწევს არჩევანის გაკეთება დასავლეთსა და ჩრდილოეთს
შორის.
"რუსეთთან ურთიერთობა ყოველთვის ძალით იყო თავსმოხვეული, ეფუძნებოდა
ანექსიას, ოკუპაციას და ყველა სხვა ფორმის ძალადობას. ევროპა კი
ბუნებრივი წიაღია, ქართული იდენტობის ნაწილი. დასავლეთთან 30 წლიანმა
პარტნიორობამ საქართველო მძიმე კრიზისიდან გამოიყვანა და სრულფასოვან
სახელმწიფოდ აქცია. რუსეთს კი არ სჭირდება დამოუკიდებლი და ძლიერი
საქართველო", - ამბობს ირაკლი მაჩიტაძე. მწერლის თქმით, საქართველოს
იტორიული არჩევანი დასავლეთია, რომელთანაც ჩვენს ქვეყანას
ღირებულებითი ერთობა აკავშირებს.
რუსეთის არასანდოობას კი ორი საუკუნის წინაც ხვდებოდნენ დიდი
მოღვაწეები. მათ შორის იმერეთის მეფე სოლომონ მეორე, რომელმაც ზუსტად
გამოიცნო რუსეთის რეალური ზრახვები.
როგორ უნდა მისცენ ამომრჩევლებმა ხმა 26 ოქტომბრის საპარლამენტო
არჩევნებზე, რომელიც ელექტრონული წესით ტარდება - რა იციან ქუთაისში?
- "ქუთაისიპოსტმა" მოსახლეობის გამოკითხვა ჩაატარა.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები