ქუთაისიპოსტი

პირველად იმერეთის რეგიონში, ტყიბულის მუნიციპალიტეტში, ლეგენდარული იტალიური ჯგუფის RICCHI E POVERI-ის კონცერტი გაიმართება.
ჯგუფი ტყიბულის ცენტრალურ მოედანზე ყველასთვის ცნობილ ჰიტებს შეასრულებს. 

კონცერტი 15 ნოემბერს, 18:00 საათზე გაიმართება და მასზე დასწრება თავისუფალია.

რა დაუჯდება ტყიბულის მუნიციპალიტეტის მერიას ჯგუფის ჩამოყვანა უცნობია. მერიის პრესსამსახურში აღნიშნულთან დაკავშირებით გვითხრეს, რომ ინფორმაცია უნდა გამოვითხოვოთ. 

იტალიური პოპ ჯგუფი 1967 წელს შეიქმნა და განსაკუთრებულ პოპულარობას 1970-1980-იან წლებში მიაღწია. ჯგუფს არსებობის მანძილზე 22 მილიონზე მეტი ალბომი აქვს გაყიდული.

„რიკი ე პოვერი“ წერდა სიმღერებს იტალიურ და ესპანურ ენებზე. იტალიურ ჰიტებს შორის არის „Mamma Maria“,„Made in Italy“, „M’innamoro di te“, „Se m’innamoro“.