ბლოგები
"ბარსელონას" ფანი: ლეო მესიმ თქვა მე არავინ გამომიგზავნიაო...
ბევრ რამეს კარგავს ფეხბურთი დღესაც. ყოველ შემთხვევაში გულშემატკივართა ერთ ნაწილს ასე მიაჩნია.მათი რწმენით ტოტალიზატორმა ფეხბურთი პრაგმატულ, ფულზე ორიენტირებულ სანახაობად აქცია. გულდაწყვეტილი გულშემატკივარი საუბრობს გაყიდულ, ტოტალიზატორებთან შეთანხმებულ მატჩებზე. დაკავებულია შეთქმულების თეორიების გაშიფვრით - თუ ვინ და რამდენად გაყიდა ესა თუ ის მატჩი და რამდენი მილიონის მოგება ნახა ამით
ფულის მოგებაზე ორიენტირებული გახდა გულშემატკივართა მეორე ნაწილიც. ქომაგი აღარ უყურებს მატჩს გულშემატკივრისა და ფეხბურთის მოყვარულის გადასახედიდან, არ იღებს სიამოვნებას მატჩის თვალყურის დევნებით,არ ამჩნევს ფეხბურთის სილამაზეს და მიმართულია მხოლოდ შედეგზე. ფეხბურთს ეცლება მიმზიდველობა, იდუმალება, განსაკუთრებულობა რაც მას სპორტის მეფედ აქცევს. მაყურებელი გადართული ხდება ექსპრესებისა და ფსონი სისტემების გამოცნობაზე და დიდი კუშის მოგებაზე. ასეთ ვითარებაში აღარც პელეა ფეხბურთის მეფე, არც რონალდუ ზეციდან წარმოგზავნილი და აღარც მესი მესია. მათი ღვთაებრიობა ანეკდოტების თემა ხდება.
და სწორედ ასეთ რულ ვითარებაში, როდესაც მსოფლიო ფეხბურთს ასე უჭირს აჰა, ქართველებმა გამონახეს ფეხბურთის გადარჩენის გზა. აღნიშნული გზა არ გამოიხატა არც ახალი საფეხბურთო სისტემის ან სტილის შეთავაზებით მსოფლიოსთვის,არც ონლაინტოტალიზატორების სისტემის გამანადგურებელი ვირუსის გაშვებით ქსელში, არამედ ფეხბურთისთვის იმ იდუმალების დაბრუნებით, რაც მას ახალმა დროებამ და ტოტალიზატორებმა წაართვეს. ქართულ ფეხბურთში ღვთაებრივი ელემენტი გაძლიერდა. ქართული გუნდები ტაძრებისთვის ხატების შეწირვისა და კურთხევების მიღების რეჟიმში გადაერთნენ.მაგალითად, გორის "დილამ" ბაგრატის ტაძარს შესწირა ხატი, ახლახან ცნობილი გახდა რომ ქუთაისის "ტორპედომ" ბაგრატის ტაძრის უკან არსებულ წმინდა გიორგის ტაძარს შესწირა ხატი. მანამდე საქართველოს ფეხბურთის ნაკრების ახლადდანიშნულმა მწვრთნელმა კახა ცხადაძემ პატრიარქისგან მიიღო ლოცვა - კურთხევა. ასე თუ გაარგძელეს მალე მართლაც შეიძლება გაჩნდეს ღვთის ხელი ქართულ ფეხბურთშიც (როცა ფეხით ვერ თამაშობ განსაკუთრებით ხდება ამის საჭიროება, მითუმეტეს რომ ასეთი წინამორბედი გყავს მარადონას სახით). თანაც ღვთაებრიობა ბევრ საქმეს გააკეთებს, მისი სახელით ბევრი მატჩი გამართლდება (ისე როგორც ღმერთის სახელით ბევრი ომი მართლდებოდა). უფრო სწორად გამართლდება ბევრი მატჩის შედეგი და მივიღებთ ნოვაციას - ღვთაებრივ წაგებებს. მართალია წაგებული ხარ და ბოლო ადგილზე იმყოფები, მაგრამ სამაგიეროდ ღვთაებრვად ხარ წაგებული, იმ ვიღაც ერეტიკოსივით ფულზე და მოგებაზე კი არ გადაირიე, არამედ ძველი კეთილი ფეხბურთი დააბრუნე..
ამის შემდეგ სხვა თვალით შევხედავთ ძველ წაგებულ მატჩებსაც, ცხოვრება გახდება საამური და იბერიაც გაბრწყინდება.
ეკა კუხალაშვილის ბლოგი - მარადონას ხელი და ღვთაებრივი წაგებები ქართულ ფეხბურთში
13:53 / 09.03.2015
მადრიდის "რეალის" ქომაგი: ქრიშტიანუ რონალდუ ღმერთის გამოგზავნილია,
"ბარსელონას" ფანი: ლეო მესიმ თქვა მე არავინ გამომიგზავნიაო...
ასეთი ანეკდოტიც არსებობს ფეხბურთელებზე. ანეკდოტებთან ერთად არსებობს ფხბურთელთა საკრალიზაციის შემთხვევებიც. თანაც არა მარტო ფეხბურთელის გაღმერთებით, არამედ მათი სხეულის ნაწილებისთვის სხვადასხვა ღვთაებრივი სტატიუსის მინიჭებითაც. მარადონამ ხომ 1986 წლის მსოფლიო ჩემპიონატის მეოთხედფინალში ინგლისთან შეხვედრისას ცნობილი გოლი ხელით გაიტანა. აღნიშნულ გოლს ლეგიტიმურობა "ხელის ღვთაებრიობით" მიენიჭა. ეს სტატუსი გაამაგრა მარადონას მიერ ამავე მატჩში გატანილმა მეორე გოლმა (უკვე ფეხით), რომელიც თავისი გამორჩეულობის გამო საუკუნის გოლად შეფასდა. და მთლად ეჭვშეუხრელ ჭეშმარიტებად აქცია ჩემპიონატის ფინალმა - არგენტინა მსოფლიო ჩემპიონი გახდა. რომ არა "ღმერთის ხელი" არგენტინა და შეიძლება მსოფლიო ბევრ რამეს დაკარგავდა.
ბევრ რამეს კარგავს ფეხბურთი დღესაც. ყოველ შემთხვევაში გულშემატკივართა ერთ ნაწილს ასე მიაჩნია.მათი რწმენით ტოტალიზატორმა ფეხბურთი პრაგმატულ, ფულზე ორიენტირებულ სანახაობად აქცია. გულდაწყვეტილი გულშემატკივარი საუბრობს გაყიდულ, ტოტალიზატორებთან შეთანხმებულ მატჩებზე. დაკავებულია შეთქმულების თეორიების გაშიფვრით - თუ ვინ და რამდენად გაყიდა ესა თუ ის მატჩი და რამდენი მილიონის მოგება ნახა ამით
ფულის მოგებაზე ორიენტირებული გახდა გულშემატკივართა მეორე ნაწილიც. ქომაგი აღარ უყურებს მატჩს გულშემატკივრისა და ფეხბურთის მოყვარულის გადასახედიდან, არ იღებს სიამოვნებას მატჩის თვალყურის დევნებით,არ ამჩნევს ფეხბურთის სილამაზეს და მიმართულია მხოლოდ შედეგზე. ფეხბურთს ეცლება მიმზიდველობა, იდუმალება, განსაკუთრებულობა რაც მას სპორტის მეფედ აქცევს. მაყურებელი გადართული ხდება ექსპრესებისა და ფსონი სისტემების გამოცნობაზე და დიდი კუშის მოგებაზე. ასეთ ვითარებაში აღარც პელეა ფეხბურთის მეფე, არც რონალდუ ზეციდან წარმოგზავნილი და აღარც მესი მესია. მათი ღვთაებრიობა ანეკდოტების თემა ხდება.
და სწორედ ასეთ რულ ვითარებაში, როდესაც მსოფლიო ფეხბურთს ასე უჭირს აჰა, ქართველებმა გამონახეს ფეხბურთის გადარჩენის გზა. აღნიშნული გზა არ გამოიხატა არც ახალი საფეხბურთო სისტემის ან სტილის შეთავაზებით მსოფლიოსთვის,არც ონლაინტოტალიზატორების სისტემის გამანადგურებელი ვირუსის გაშვებით ქსელში, არამედ ფეხბურთისთვის იმ იდუმალების დაბრუნებით, რაც მას ახალმა დროებამ და ტოტალიზატორებმა წაართვეს. ქართულ ფეხბურთში ღვთაებრივი ელემენტი გაძლიერდა. ქართული გუნდები ტაძრებისთვის ხატების შეწირვისა და კურთხევების მიღების რეჟიმში გადაერთნენ.მაგალითად, გორის "დილამ" ბაგრატის ტაძარს შესწირა ხატი, ახლახან ცნობილი გახდა რომ ქუთაისის "ტორპედომ" ბაგრატის ტაძრის უკან არსებულ წმინდა გიორგის ტაძარს შესწირა ხატი. მანამდე საქართველოს ფეხბურთის ნაკრების ახლადდანიშნულმა მწვრთნელმა კახა ცხადაძემ პატრიარქისგან მიიღო ლოცვა - კურთხევა. ასე თუ გაარგძელეს მალე მართლაც შეიძლება გაჩნდეს ღვთის ხელი ქართულ ფეხბურთშიც (როცა ფეხით ვერ თამაშობ განსაკუთრებით ხდება ამის საჭიროება, მითუმეტეს რომ ასეთი წინამორბედი გყავს მარადონას სახით). თანაც ღვთაებრიობა ბევრ საქმეს გააკეთებს, მისი სახელით ბევრი მატჩი გამართლდება (ისე როგორც ღმერთის სახელით ბევრი ომი მართლდებოდა). უფრო სწორად გამართლდება ბევრი მატჩის შედეგი და მივიღებთ ნოვაციას - ღვთაებრივ წაგებებს. მართალია წაგებული ხარ და ბოლო ადგილზე იმყოფები, მაგრამ სამაგიეროდ ღვთაებრვად ხარ წაგებული, იმ ვიღაც ერეტიკოსივით ფულზე და მოგებაზე კი არ გადაირიე, არამედ ძველი კეთილი ფეხბურთი დააბრუნე..
ამის შემდეგ სხვა თვალით შევხედავთ ძველ წაგებულ მატჩებსაც, ცხოვრება გახდება საამური და იბერიაც გაბრწყინდება.
მსგავსი სიახლეები
17:48 / 03.05.2024
"გვირილობა" იგივე "ქუთაისქალაქობა" "თბილისობისგან" განსხვავებით
საბჭოთა პერიოდში არ დაბადებულა.
15:31 / 14.01.2024
მოდის ახალი ტენდენციებიდან მნიშვნელოვანი, რაც ყურადღებას იპყრობს
პირველი ისაა, რომ ფერებში დომინაციას წითელი იღებს, მეორე კი ის, რომ
ოვერსაიზების ერა დასრულდა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები