ახალი ამბები
"ახალგაზრდა იურისტთა ასოციაციის" თავმჯდომარის ნონა ქურდოვანიძის თქმით, სასამართლომ, შესაძლოა საქმეს მნიშვნელოვანი ზეგავლენის მქონე საქმის სტატუსი მიანიჭოს, რაც მხოლოდ იმ შემთხვევაში ხდება, როცა საჩივარი ადამიანის უფლებათა დაცვის თვალსაზრისით, გამორჩეულად მნიშვნელოვან საკითხებს ეხება.
სტრასბურგის სასამართლომ "რუსული კანონის" წინააღმდეგ საერთო საჩივრის განხილვა დაიწყო
16:00 / 27.03.2025
სტრასბურგის ადამიანის უფლებათა
ევროპულმა სასამართლომ რუსული კანონის წინააღმდეგ, ქართული
არასამთავრობო და მედიაორგანიზაციების ერთობლივი საჩივრის განხილვა
დაიწყო.
"ახალგაზრდა იურისტთა ასოციაციის" თავმჯდომარის ნონა ქურდოვანიძის თქმით, სასამართლომ, შესაძლოა საქმეს მნიშვნელოვანი ზეგავლენის მქონე საქმის სტატუსი მიანიჭოს, რაც მხოლოდ იმ შემთხვევაში ხდება, როცა საჩივარი ადამიანის უფლებათა დაცვის თვალსაზრისით, გამორჩეულად მნიშვნელოვან საკითხებს ეხება.
"სტრასბურგის სასამართლომ გვაცნობა,
რომ დაიწყო რუსული კანონის წინააღმდეგ სამოქალაქო საზოგადოების,
მედიაორგანიზაციების და ფიზიკური პირების მიერ გაგზავნილი საქმის
განხილვა. საჩივარი შეეხება ისეთი მუხლების დარღვევას, როგორიც არის
გაერთიანების თავისუფლება, გამოხატვის თავისუფლება, პირადი და ოჯახური
ცხოვრების დაცულობის უფლება, დისკრიმინაციის აკრძალვის მუხლი, ასევე
სამართლებრივი დაცვის ქმედითი საშუალებების უფლება და უფლებათა
შეზღუდვის გამოყენების ფარგლები. სასამართლომ, შესაძლოა საქმეს
მნიშვნელოვანი ზეგავლენის მქონე საქმის სტატუსი მიანიჭოს. ამასთან
დაკავშირებით არის საუბარი კორესპონდენციაში, რომელიც მივიღეთ.
მსგავსი სტატუსი ენიჭება ისეთ საქმეებს, რომელიც ადამიანის უფლებათა
დაცვის გამორჩეულად მნიშვნელოვან საკითხებს ეხება", - განაცხადა ნონა
ქურდოვანიძემ.
მისი თქმით, სტრასბურგის
სასამართლოში საჩივრის გაგზავნის შემდგომ, "ქართული ოცნების" მიერ
არასამთავრობო და მედიაორგანიზაციებზე ზეწოლა კიდევ უფრო
იზრდებოდა.
"საჩივრის გაგზავნის შემდგომ,
გაგრძელდა იმ სამოქალაქო ორგანიზაციების დევნა, რომელსაც ადგილი
ჰქონდა კანონის მიღების დროსაც, ამის ერთ-ერთი დადასტურებაა ე.წ.
"ფარას" ხელახალი ინიცირება. ყველასთვის ცნობილია, რომ სინამდვილეში,
აშშ-ში მოქმედი კანონი დამოუკიდებელი არასამთავრობო ორგანიზაციებისა
და თავისუფალი მედიის წინააღმდეგ არ არის მიმართული., ხოლო "ქართული
ოცნების" მიერ ამ საკითხის ხელახალი ინიცირება არის რუსული კანონის
შენიღბვა. იმედი გვაქვს, რომ სწრაფად მოხდება ამ საკითხის განხილვა და
ეს პოზიტიურ როლს შეასრულებს პროცესში, რომელიც ახლა მიმდინარეობს, -
განაცხადა ნონა ქურდოვანიძემ.
არასამთავრობო და
მედიაორგანიზაციებმა, სხვა ფიზიკურ პირებთან ერთად, "ქართული ოცნების"
მიერ ინიცირებული "რუსული კანონის" წინააღმდეგ საჩივარი, სტრასბურგის
სასამართლოში 2024 წლის 17 ოქტომბერს გააგზავნეს.
მსგავსი სიახლეები
12:00 / 30.03.2025
ქუთაისის ცენტრალური ბულვარის დაანონსებულ გახსნამდე ერთი თვეა
დარჩენილი - "ოცნების" ხელისუფლების ბოლო
დაპირებით, ბულვარი 2 მაისს, გვირილობის დღესასწაულზე უნდა
გაიხსნას.
17:34 / 29.03.2025
მაღაროელები ქალაქიდან გასასვლელების პიკეტირებას
იწყებენ.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები