ახალი ამბები
მაღაროელებმა დედაქალაქში დღეს, 24 მარტს, გადმოინაცვლეს.
ისინი მთავრობის კანცელარიასთან საქართველოს დროშებით, ბანერებითა ("მაღარო ქვეყანას, მოგება ხალხს") და შეძახილებით "ჭიათურას გაუმარჯოს" მივიდნენ.
"პირველი და აუცილებელი მოთხოვნაა ის, რომ სამი თვის დავალიანება ხელფასებისა, ბანკების და სადაზღვეოს პრობლემები უნდა მოგვარდეს. ეს არის სასიცოცხლოდ მნიშვნელოვანი დღეს ჭიათურისთვის. შემდეგი მოთხოვნაა, მთავრობამ გადაიბაროს პასუხისმგებლობა. კომპანია "ჯორჯიან მანგანეზმა" დატოვოს ჭიათურა და მუშათა კლასის წარმომადგენლობა უნდა იყოს ჩართული მაღაროების დაგეგმარების და სახელმძღვანელო მართვის ნაწილში",- განაცხადა მაღაროელმა ტარიელ მიქაცაძემ.
მაღაროელების სოლიდარობის აქციას შეუერთდნენ შუქრუთელებიც, რომელთა თქმითაც "ჯორჯიან მანგენეზმა" ადამიანები შიმშილისთვის გაწირა, რადგან იქ დასაქმებულები მხოლოდ კომპანიის ხელფასზე იყვნენ დამოკიდებული. მათ პროცესებში სახელმწიფოს ჩართვა კიდევ ერთხელ მოითხოვეს.
"კომპანია ადგა და ერთი სმს-ის საშუალებით დაემშვიდობა 3600-მდე ადამიანს, დარჩენილ დავალიანებასაც არ ურიცხავს მათ. ჩვენ წლებია ვითხოვთ, სახელმწიფომ გადადგას ქმედითი ნაბიჯები, თუმცა ამ დრომდე, სამწუხაროდ, კომუნიკაციაზე არავინ გამოსულა. ამიტომ ჩამოვედით აქ, რახან ამათ არ იკადრეს, რომ იქ [ჭიათურაში] მოსულიყვნენ და თავის მოქალაქეებს გასაუბრებოდნენ არსებულ პრობლემებზე. ჩამოვედით მთავრობის კანცელარიასთან და იმედია, აქ მაინც გადადგამენ შესაბამის ნაბიჯს და გამოგვეხმაურებიან. მოვა მთავრობის წარმომადგენელი, შეგვხვდება და უშუალოდ ჩვენგან მოისმენს ჭიათურაში არსებულ მდგომარეობას და პრობლემებს, რადგან მათი განცხადებები მხოლოდ კომპანიის მიწოდებულ ინფორმაციას ეფუძნება",- განმარტა შუქრუთის მკვიდრმა, გიორგი ნეფარიძემ.
მაღაროელები როგორც დედაქალაქში, ასევე ჭიათურაში უწყვეტ აქციებს აანონსებენ, მანამ სანამ მათი მოთხოვნები სრულად არ დაკმაყოფილდება.
ჭიათურაში საპროტესტო აქციები 28 თებერვლიდან დაიწყო. მაღაროელები, ადგილობრივებთან ერთად, მადნის მომპოვებელი კომპანიის "ჯორჯიან მანგანეზისთვის" ლიცენზიის ჩამორთმევას და საწარმოების სახელმწიფოს მართვაში გადაცემას ითხოვენ. მშრომელები ხუთი თვეა უმუშევრები არიან, ბოლო ორი თვე კი ხელფასიც არ აუღიათ.
"ჯორჯიან მანგანეზის" მიერ საწარმოების დახურვის შემდეგ, 3500-ზე მეტი მაღაროელი და მათი ოჯახები შემოსავლის გარეშე დარჩნენ. ჭიათურელებს აღარ აქვთ საკვების ფული, ვერ იხდიან კომუნალურ გადასახადებს და ბანკის ვალებს. ქალაქი, რომლის მოსახლეობის უმრავლესობა მაღაროშია დასაქმებული, სოციალურ-ეკონომიკური კრიზისის წინაშეა.
კომპანია "ჯორჯიან მანგანეზმა", რომელიც ჭიათურაში 2006 წლიდან მოიპოვებს წიაღისეულს, 7 მარტს განაცხადა, რომ მაღაროებში სამუშაოები აღარ განახლდება, ერთ კვირაში კი სასამართლოს, საწარმოს გაკოტრების აღიარების მოთხოვნით მიმართა.
ფოტო: ნეტგაზეთი
"კომუნიკაციაზე არავინ გამოსულა,ამიტომ ჩამოვედით აქ" - მაღაროელების აქცია თბილისში
14:23 / 24.03.2025
თბილისში, მთავრობის ადმინისტრაციასთან, ჭიათურელი მაღაროელების
სოლიდარობის აქცია მიმდინარეობს.
მაღაროელებმა დედაქალაქში დღეს, 24 მარტს, გადმოინაცვლეს.
მას შემდეგ რაც მათი 25-დღიანი პროტესტით ხელისუფლება არ დაინტერესდა,
მშრომელებმა გადაწყვიტეს, "ოცნების" წარმომადგენლებისთვის თავიანთი
ხმა უფრო ახლოდან მიეწვდინათ.
ისინი მთავრობის კანცელარიასთან საქართველოს დროშებით, ბანერებითა ("მაღარო ქვეყანას, მოგება ხალხს") და შეძახილებით "ჭიათურას გაუმარჯოს" მივიდნენ.
"პირველი და აუცილებელი მოთხოვნაა ის, რომ სამი თვის დავალიანება ხელფასებისა, ბანკების და სადაზღვეოს პრობლემები უნდა მოგვარდეს. ეს არის სასიცოცხლოდ მნიშვნელოვანი დღეს ჭიათურისთვის. შემდეგი მოთხოვნაა, მთავრობამ გადაიბაროს პასუხისმგებლობა. კომპანია "ჯორჯიან მანგანეზმა" დატოვოს ჭიათურა და მუშათა კლასის წარმომადგენლობა უნდა იყოს ჩართული მაღაროების დაგეგმარების და სახელმძღვანელო მართვის ნაწილში",- განაცხადა მაღაროელმა ტარიელ მიქაცაძემ.
მაღაროელების სოლიდარობის აქციას შეუერთდნენ შუქრუთელებიც, რომელთა თქმითაც "ჯორჯიან მანგენეზმა" ადამიანები შიმშილისთვის გაწირა, რადგან იქ დასაქმებულები მხოლოდ კომპანიის ხელფასზე იყვნენ დამოკიდებული. მათ პროცესებში სახელმწიფოს ჩართვა კიდევ ერთხელ მოითხოვეს.
"კომპანია ადგა და ერთი სმს-ის საშუალებით დაემშვიდობა 3600-მდე ადამიანს, დარჩენილ დავალიანებასაც არ ურიცხავს მათ. ჩვენ წლებია ვითხოვთ, სახელმწიფომ გადადგას ქმედითი ნაბიჯები, თუმცა ამ დრომდე, სამწუხაროდ, კომუნიკაციაზე არავინ გამოსულა. ამიტომ ჩამოვედით აქ, რახან ამათ არ იკადრეს, რომ იქ [ჭიათურაში] მოსულიყვნენ და თავის მოქალაქეებს გასაუბრებოდნენ არსებულ პრობლემებზე. ჩამოვედით მთავრობის კანცელარიასთან და იმედია, აქ მაინც გადადგამენ შესაბამის ნაბიჯს და გამოგვეხმაურებიან. მოვა მთავრობის წარმომადგენელი, შეგვხვდება და უშუალოდ ჩვენგან მოისმენს ჭიათურაში არსებულ მდგომარეობას და პრობლემებს, რადგან მათი განცხადებები მხოლოდ კომპანიის მიწოდებულ ინფორმაციას ეფუძნება",- განმარტა შუქრუთის მკვიდრმა, გიორგი ნეფარიძემ.
მაღაროელები როგორც დედაქალაქში, ასევე ჭიათურაში უწყვეტ აქციებს აანონსებენ, მანამ სანამ მათი მოთხოვნები სრულად არ დაკმაყოფილდება.
ჭიათურაში საპროტესტო აქციები 28 თებერვლიდან დაიწყო. მაღაროელები, ადგილობრივებთან ერთად, მადნის მომპოვებელი კომპანიის "ჯორჯიან მანგანეზისთვის" ლიცენზიის ჩამორთმევას და საწარმოების სახელმწიფოს მართვაში გადაცემას ითხოვენ. მშრომელები ხუთი თვეა უმუშევრები არიან, ბოლო ორი თვე კი ხელფასიც არ აუღიათ.
"ჯორჯიან მანგანეზის" მიერ საწარმოების დახურვის შემდეგ, 3500-ზე მეტი მაღაროელი და მათი ოჯახები შემოსავლის გარეშე დარჩნენ. ჭიათურელებს აღარ აქვთ საკვების ფული, ვერ იხდიან კომუნალურ გადასახადებს და ბანკის ვალებს. ქალაქი, რომლის მოსახლეობის უმრავლესობა მაღაროშია დასაქმებული, სოციალურ-ეკონომიკური კრიზისის წინაშეა.
კომპანია "ჯორჯიან მანგანეზმა", რომელიც ჭიათურაში 2006 წლიდან მოიპოვებს წიაღისეულს, 7 მარტს განაცხადა, რომ მაღაროებში სამუშაოები აღარ განახლდება, ერთ კვირაში კი სასამართლოს, საწარმოს გაკოტრების აღიარების მოთხოვნით მიმართა.
ფოტო: ნეტგაზეთი
მსგავსი სიახლეები
13:57 / 01.04.2025
ჭიათურელი მაღაროელები პროტესტის 24 საათიან რეჟიმზე
გადავიდნენ.
13:56 / 01.04.2025
კანონპროექტი, რომელიც მაუწყებლებს უცხოეთიდან დაფინანსების მიღებას
უკრძალავს - დამტკიცებულია.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები