ახალი ამბები
უფლებადამცველები აცხადებენ, რომ სასამართლოს, რომელმაც 34 დღის წინ მზია ამაღლობელს პატიმრობა შეუფარდა, შესაძლებლობა აქვს თავისივე შეცდომა გამოასწოროს. ადვოკატები ახლა გადაწყვეტილების მოლოდინში არიან. თუ სასამართლოს პირველმა ინსტანციამ დასაშვებად ცნო შუამდგომლობა, მაშინ ჩაინიშნება ზეპირი მოსმენა. სასამართლოს გადაწყვეტილების მისაღებად 24 საათი აქვს.
ადვოკატებმა, მზია ამაღლობელის საქმეზე, სასამართლოს შუამდგომლობით მიმართეს
13:29 / 14.02.2025
მზია ამაღლობელის ადვოკატები, ბათუმის საქალაქო
სასამართლოს, პატიმარი ჟურნალისტისთვის პატიმრობის გაუქმების
შუამდგომლობით მიმართავენ.
უფლებადამცველები აცხადებენ, რომ სასამართლოს, რომელმაც 34 დღის წინ მზია ამაღლობელს პატიმრობა შეუფარდა, შესაძლებლობა აქვს თავისივე შეცდომა გამოასწოროს. ადვოკატები ახლა გადაწყვეტილების მოლოდინში არიან. თუ სასამართლოს პირველმა ინსტანციამ დასაშვებად ცნო შუამდგომლობა, მაშინ ჩაინიშნება ზეპირი მოსმენა. სასამართლოს გადაწყვეტილების მისაღებად 24 საათი აქვს.
პატიმარი ჟურნალისტის უფლებადამცველები საუბრობენ
მისთვის პატიმრობის შეფარდების არაკანონიერებაზე. მათი თქმით, 14
იანვარს, მოსამართლემ მზია ამაღლობელისთვის პატიმრობის შეფარდების
საფუძვლად ორი გარემოება დაასახელა - ერთი იყო მოწმეებზე შესაძლო
გავლენის მოხდენა, რაც გამოირიცხა, რადგან, საქმეზე დამატებით მხოლოდ
პოლიციელები არიან დაკითხულები, რომლებმაც იდენტური ჩვენებები მისცეს;
და მეორე - მის მიერ სამართალდარღვევის ჩადენა, რაც ადვოკატების თქმით
არ დასტურდება, რადგან ოქმი, რომელიც მზია ამაღლობელის დაპატიმრებამდე
შედგა, იყო ყალბი და მზიას სამართალდარღვევა არ ჩაუდენია.
მზია ამაღლობელი დაკავების მომენტიდან, 34 დღეა
შიმშილობს. 4 თებერვლის შემდეგ, იგი სამოქალაქო კლინიკაში იმყოფება.
მზია ამაღლობელის სისხლის სამართლის საქმეზე წინასასამართლო სხდომა 4
მარტსაა ჩანიშნული.
გამოცემების "ბათუმელები" და "ნეტგაზეთი"
დამფუძნებელი, მზია ამაღლობელი 12 იანვარს, ბათუმში, საპროტესტო
შინაარსის სტიკერების გაკვრისას მომხდარი ინციდენტის დროს დააკავეს.
აქციაზე გადაღებულ კადრებში ჩანს, რომ პოლიციის თანამშრომლებსა და
აქტივისტებს შორის შელაპარაკების მომენტში, მზია ამაღლობელმა ბათუმის
პოლიციის უფროსს ირაკლი დგებუაძეს სახეში ხელი გაარტყა, რასაც მისი
დაკავება მოჰყვა. პროკურატურა დაკავებულს პოლიციელზე თავდასხმას
ედავება, რის გამოც ჟურნალისტს შვიდ წლამდე პატიმრობა ემუქრება.
ამავე თემაზე:
"მდგომარეობა საგანგაშოა" - მზია ამაღლობელი კლინიკაში რჩება
ამავე თემაზე:
"მდგომარეობა საგანგაშოა" - მზია ამაღლობელი კლინიკაში რჩება
მსგავსი სიახლეები
13:12 / 21.02.2025
"ქართული ოცნების“ ხელისუფლება მედიის შემზღუდავი კანონის ინიციირებას
24 თებერვალს გეგმავს.
12:47 / 21.02.2025
საქართველოს ჟურნალისტური ეთიკის ქარტია პოლიციელების მიერ
ჟურნალისტების დაჯარიმებას განცხადებით ეხმაურება.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები