ახალი ამბები
ახალი რეგლამენტი, დამსაქმებელს დასაქმებულის უსაფრთხოებისა და ჯანმრთელობის დაცვის მიზნით, კონკრეტული მოთხოვნების შესრულებას ავალდებულებს.
"მამაკაცებისა და ქალებისთვის საპირფარეშოები უნდა იყოს გამიჯნული"- კიდევ რა წერია ახალ რეგლამენტში
13:08 / 06.07.2022
მთავრობამ სამუშაო ადგილზე
დამსაქმებლისთვის მინიმალური ვალდებულებები განსაზღვრა.
ახალი რეგლამენტი, დამსაქმებელს დასაქმებულის უსაფრთხოებისა და ჯანმრთელობის დაცვის მიზნით, კონკრეტული მოთხოვნების შესრულებას ავალდებულებს.
რეგლამენტის მიხედვით, თითოეული
დასაქმებულისთვის სამუშაო ადგილზე თავისუფალი სივრცე უნდა იყოს
მინიმუმ 2 კვმ., ტექნიკა, რომლითაც სარგებლობს დასაქმებული, უნდა იყოს
გამართული, შესაძლებელი უნდა იყოს სამუშაო სივრცეში იატაკის სველი
წესით დამუშავება, საჭიროების შემთხვევაში უტარდებოდეს დეზინფექცია,
კედლები, ჭერი, სახურავი, ტიხრები, ფანჯრები უნდა იყოს უსაფრთხო,
დახურულ სივრცეში ტემპერატურა წლის ცივი და ცხელი პერიოდის მიხედვით
უნდა რეგულირდებოდეს და შეესაბამებოდეს სამუშაოს სპეციფიკას. დახურულ
სამუშაო სივრცეში უნდა იყოს საკმარისი ვენტილაცია.
რეგლამენტში ცალკე თავი ეთმობა
მონიტორიან დანადგართან მუშაობის პირობებს. დამსაქმებელმა დასაქმებულს
უნდა შესთავაზოს ისეთ ტექნიკურ მოწყობილობაზე მუშაობა, სადაც მონიტორი
არ ციმციმებს, სიმბოლოები არის გამოკვეთილი, კლავიატურა
განცალკევებული უნდა იყოს მონიტორისგან, გარდა იმ შემთხვევისა,
როდესაც ეს ტექნიკურად შეუძლებელია, კლავიატურაზე სიმბოლოები უნდა
იყოს გარჩევადი, მის წინ უნდა იყოს საკმარისი ადგილი იმისათვის, რომ
დასაქმებულს შეეძლოს ხელებითა და მაჯით სამუშაო ზედაპირზე
დაყრდნობა.
ცალკე თავი ეთმობა ჰიგიენის დაცვას.
რეგლამენტის მიხედვით, მამაკაცებისა და ქალებისთვის საპირფარეშოები
უნდა იყოს გამიჯნული, ინდივიდუალურად, ყველა საპირფარეშოს უნდა
ჰქონდეს საკეტიანი კარი, რომელიც უნდა იღებოდეს შიგნიდან გარეთ,
საპირფარეშოები აღჭურვილი უნდა იყოს ხელსაბანებით.
დადგენილების მიხედვით,
დამსაქმებელს შეუძლია, სამუშაოს სპეციფიკიდან გამომდინარე შეიმუშაოს
მთავრობის მიერ დამტკიცებულ რეგლამენტზე უფრო მაღალი
სტანდარტი.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები