ახალი ამბები
ქუთაისის მერიის შენობა იყიდება - სად გადავა ადმინისტრაცია
FaceBook
13:00 / 15.06.2022
ქუთაისის მერიის შენობა იყიდება, თუმცა ადგილობრივ თვითმმართველობაში ჯერ არ იციან სად გააგრძელებენ მუშაობას.

"ქუთაისიპოსტის" ინფორმაციით, განიხილება რამდენიმე ალტერნატიული ადგილი, სადაც, შესაძლოა მერია, საკრებულო და სამხარეო ადმინისტრაცია განთავსდეს. ერთ-ერთი ვერსიით, მერია და საკრებულო, შესაძლოა კონტროლის პალატის, ხოლო გუბერნია - საგზაო დეპარტამენტის შენობაში გადავიდეს. ერთ-ერთ ალტერნატივად მოიაზრება წინა მთავრობის მიერ აშენებული მთავრობის სახლის ყოფილი შენობაც, თუმცა, ამ შემთხვევაში შემაფერხებელი მიზეზი მისი მდგრადობაა. არსებული ინფორმაციით, წლების განმავლობაში მოუვლელი და მიტოვებული შენობა ექსპერტიზას საჭიროებს.

მერიის ადმინისტრაციული შენობის გასხვისების შემთხვევაში, ადგილობრივი ხელისუფლების ახალ სამუშაო სივრცედ ასევე მოიაზრება პროკურატურის ყოფილი შენობა.

ეკონომიკის სამინისტრომ მერიის ოთხსართულიანი შენობა გასაყიდ ობიექტთა ნუსხაში უკვე შეიტანა. რუსთაველის #3-ში მდებარე შენობა ერთ-ერთი იქნება, რომელსაც ქონების ეროვნული სააგენტო, დღეს, კერძო სექტორის ადგილობრივ და საერთაშორისო წარმომადგენლებს წარუდგენს.

მერიის შენობის შესაძლო გასხვისების შესახებ ინფორმაცია ეტაპობრივად ვრცელდებოდა, რასაც ადგილობრივ თვითმმართველობაში ყოველთვის უარყოფდნენ, თუმცა, ორი თვის წინ ქუთაისის მერმა იოსებ ხახალეიშვილმა განაცხადა, რომ შენობაში სასტუმროს განთავსება უფრო მისაღები იქნებოდა.

ქუთაისის მერიის შენობა ამ დრომდე ქალაქის ბალანსზეა. იგი ძირითადი და დამატებითი კორპუსებისგან შედგება, სადაც მერიის სამსახურები, საკრებულო და იმერეთის მხარის ადმინისტრაციაა განთავსებული. შენობის მთლიანი ფართი 3279 კვ.მ-ია.


ამავე თემაზე:
ქუთაისის მერიის შენობას აუქციონზე გასატანად ამზადებენ
"მერიის შენობა ამ წუთში არ იყიდება“ - ქუთაისის მერი

ქუთაისის მერია ადმინისტრაციული შენობის შესაძლო გასხვისებაზე

ქუთაისელები მერიის შენობის შესაძლო გასხვისებაზე - ვიდეოგამოკითხვა

Print E-mail
FaceBook Twitter
ავტორი:
თეკლე მორგოშია
ავტორის სხვა სტატიები
თეგები: #გუბერნია #მერია #საკრებულო #ქუთაისი


მასალის გამოყენების პირობები

მსგავსი სიახლეები
ქუთაისში 13 100 აბონენტს წყალი არ მიეწოდება
ქუთაისში, მუხნარის ადმინისტრაციულ ერთეულის მოსახლეობას, 13 100 აბონენტს, სასმელი წყალი არ მიეწოდება.
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100 აბონენტს, სასმელი წყალი არ მიეწოდება.
19 ნოემბერს დაკავებულებიდან ერთ-ერთს, შესაძლოა ბრალი გადაუკვალიფიცირდეს
19 ნოემბრის აქციაზე დაკავებულ მათე დევიძეს, შესაძლოა ბრალი გადაუკვალიფიცირდეს.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი გადაუკვალიფიცირდეს.
ARCHIVE ახალი ამბები

ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.