ახალი ამბები
"ვიდრე კულტურის მინისტრი განსხვავებულ აზრს დევნის, გელათი ნადგურდება"
11:57 / 27.03.2021
ქუთაისის საკრებულოს ფრაქცია
"ნაციონალური მოძრაობის" თავმჯდომარე გიგა შუშანია, გელათის
რეაბილიტაციის პროცესში საერთაშორისო ექსპერტების ჩართვას
ითხოვს.
დეპუტატმა დღეს გელათში ბრიფინგი გამართა და
არსებულ მდგომარეობაზე ისაუბრა. მისი განცხადებით, სამუშაოები
შეჩერებულია და ტაძარი ყოველდღიური საფრთხის ქვეშ არის. მისი თქმით,
იმ დროს, როდესაც კულტურის ახალი მინისტრი განსხვავებული აზრის დევნით
არის დაკავებული, გელათის უნიკალური ფრესკები ნადგურდება. გიგა
შუშანია, ასევე მოითხოვს კულტურის სამინისტრომ გელათის გადარჩენის
გეგმა საზოგადოებისთვის გამჭვირვალე გახადოს და პროცესში შესაბამისი კომპეტენციის მქონე
ადამიანები ჩართოს.
"გელათი ნადგურდება. ქალბატონი წულუკიანის
პრიორიტეტი კი განსხვავებული აზრის დევნაა. ხელისუფლება დაკავებულია
სხვებისკენ ხელის გაშვერით. მოვითხოვთ, სასწრაფოდ მოწვეული იყოს
საერთაშორისო ექსპერტები და მოხდეს გასაჯაროება, რა გეგმა აქვს
ხელისუფლებას გელათის გადასარჩენად. თუ თვითონ არ ყოფნით კომპეტენცია,
ჩართონ კომპეტენტური ადამიანები. ხედავთ, რომ სამუშაოები არ
მიმდინარეობს და ყოველდღიურად ნადგურდება ტაძარი.,"- განაცხადა გიგა
შუშანიამ.
გელათის მონასტერში გადახურვის სამუშაოები გასულ
წელს დასრულდა, თუმცა, მალევე, მოჭიქული კრამიტი დაზიანდა და
ტაძარში წყალი ჩავიდა. მას შემდეგ, რაც ტაძარზე ხარვეზებმა თავი იჩინა
და შუა საუკუნეების ნაგებობის უნიკალური ფრესკები განადგურების
რეალური საფრთხის წინაშე აღმოჩნდა, პრობლემა აღიარა კულტურული
მემკვიდრეობის სააგენტომაც, თუმცა, პასუხისმგებლობა მოიხსნა და
მომხდარი სამუშაოების შემსრულებელ კომპანიას "ხელოვნების საერთაშორისო
ცენტრს" დააბრალა. სააგენტოს თქმით, კომპანიამ სახურავი ცუდი ხარისხის
კრამიტით მოაპირკეთა. ამის შემდეგ გელათი ისევ ხარაჩოებში მოექცა და
ღვთისმშობლის სახელობის ტაძარი ტენტით გადახურეს.
ტაძარს დროებითმა გადახურვამ არ
უშველა. ნაგებობაში კვლავ ჩადიოდა წყალი. საზოგადოების მწვავე
პროტესტის შემდეგ, სააგენტო იძულებული გახდა სახურავზე ამჯერად
თუნუქის გადახურვა მოეწყო, თუმცა, არც ეს დროებითი ღონისძიება
აღმოჩნდა მყარი. რამდენიმე დღეში თუნუქიც დაზიანდა და ტაძარზე
სპეციალისტები ისევ ხარვეზების გამოსასწორებლად ავიდნენ.
მომხდარის შემდეგ სააგენტო იძულებული გახდა
სამუშაოების მწარმოებელი კომპანიები დაეჯარიმებინა და პროცესისთვის
ჩამოეშორებინა. ტაძარზე ახლა სრულად უნდა შეიცვალოს კრამიტი, რომელსაც
ახალი კომპანია "ბაგინეთი + " შეასრულებს.
გელათის სამონასტრო კომპლექსში სარეაბილიტაციო
სამუშაოები 2013 წელს დაიწყო და რამდენიმე ეტაპად განხორციელდა.
პროექტი ამერიკის საელჩომ და მსოფლიო ბანკმა ორ მილიონ ლარზე მეტით
დააფინანსა. მონასტერი მსოფლიო მემკვიდრეობის ნუსხაში 1994 წელს
ბაგრატის ტაძართან ერთად შეიტანეს, თუმცა, ბაგრატის ტაძარზე
განხორციელებული სამუშაოების შემდეგ, იგი ნუსხიდან ამოიღეს და
საფრთხის შემცველ ძეგლთა სიაში გადაიტანეს. 2017 წელს, ხანგრძლივი
ბრძოლის შემდეგ, გელათის მონასტერი ისევ დააბრუნეს მსოფლიო
მემკვიდრეობის ძეგლთა სიაში.
მსგავსი სიახლეები
17:21 / 22.11.2024
25 ნოემბერს, როცა "ქართული ოცნება"
ახალი პარლამენტის ლეგიტიმაციის ცნობას გეგმავს, საპროტესტო აქცია
გაიმართება საკანონმდებლო ორგანოს უკან.
15:01 / 22.11.2024
პირველი დეკემბრიდან პირველ მარტამდე, გზის ცალკეულ მონაკვეთებზე
სატრანსპორტო საშუალების ზამთრის საბურავებით მოძრაობა სავალდებულოა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები