ახალი ამბები
რა მდგომარეობაშია გელათის მონასტერში ფრესკები, ნახეთ ვიდეო:
გელათის ღვთისმშობლის ტაძარზე დროებითი გადახურვის მოწყობა დასრულდა
14:40 / 25.12.2020
გელათის ღვთისმშობლის შობის სახელობის ტაძარზე
დროებითი გადახურვების მოწყობა დასრულდა.
კულტურული მემკვიდრეობის სააგენტოს ინფორმაციით,
თუნუქის მყარი სახურავით სრულად დაიფარა მთავარი ტაძრის ოთხივე მკლავი
და ამით, სამუშაო სეზონის განახლებამდე, ყველა კრიტიკული
მონაკვეთის დაცულობა უზრუნველყოფილი გახდა. სააგენტოსვე ინფორმაციით,
ტაძარზე თუნუქის დროებითი
გადახურვა იქამდე შენარჩუნდება, ვიდრე პრობლემების
სრულფასოვნად შესწავლის საფუძველზე შესაბამისი გამოსასწორებელი
ღონისძიებები არ განხორციელდება. ამის შემდეგ, ტაძარზე
წუნდებული კრამიტი უნდა მოიხსნას და ახლით ჩანაცვლდეს.
რა დრო დასჭირება ამ პროცესს,
სააგენტო არ აკონკრეტებს.
გელათის ღვთისმშობლის შობის ტაძრის დროებითი
გადახურვა მას შემდეგ გახდა საჭირო, რაც ნაგებობაში სარესტავრაციო
სამუშაოების დასრულებიდან ერთ თვეში წყალი ჩავიდა. მიზეზი უხარისხო
კრამიტი და მათი არასწორი განლაგება გახდა, რის გამოც გელათი კვლავ
ხარაჩოებში მოექცა და დროებით ტენტით გადაიხურა. ტენტით გადახურულ
ტაძარში კი ისევ ზიანდებოდა ფრესკები და ცვიოდა კედლის მხატვრობის
ფრაგმენტები.
გელათის სამონასტრო კომპლექსის სახურავის
დაზიანების ფაქტზე გამოძიება უკვე დაიწყო ფინანსთა სამინისტროს
საგამოძიებო სამსახურმა.
რა მდგომარეობაშია გელათის მონასტერში ფრესკები, ნახეთ ვიდეო:
ვიდეო ეკუთვნის კულტურული მემკვიდრეობის
სააგენტოს. ვიდეოს სრული ვერსიის ნახვა შეგიძლიათ აქ.
ამავე თემაზე:
კულტურული მემკვიდრეობის სააგენტო გელათში ფრესკების დაზიანების ფაქტს არ აღიარებს
გელათის
სამონასტრო კომპლექსში სარეაბილიტაციო სამუშაოები 2013 წელს დაიწყო და
რამდენიმე ეტაპად განხორციელდა. პროექტი ამერიკის საელჩომ და მსოფლიო
ბანკმა ორ მილიონ ლარზე მეტით დააფინანსა.
მონასტერი მსოფლიო მემკვიდრეობის ნუსხაში 1994
წელს ბაგრატის ტაძართან ერთად შეიტანეს, თუმცა, ბაგრატის ტაძარზე
განხორციელებული სამუშაოების შემდეგ, იგი ნუსხიდან ამოიღეს და
საფრთხის შემცველ ძეგლთა სიაში გადაიტანეს. 2017 წელს, ხანგრძლივი
ბრძოლის შემდეგ, გელათის მონასტერი ისევ დააბრუნეს მსოფლიო
მემკვიდრეობის ძეგლთა სიაში.
ამავე თემაზე:
კულტურული მემკვიდრეობის სააგენტო გელათში ფრესკების დაზიანების ფაქტს არ აღიარებს
ზიანი რეკონსტრუქციის ნაცვლად - წვიმით ჩამორეცხილი ფრესკები გელათში
ტაძარი,
რომელიც ნადგურდება – გელათში ფრესკები ისევ ზიანდება
(ფოტო)
გელათის
მონასტრის დაზიანების ფაქტზე საია პროკურატურას გამოძიების
დაწყებისკენ მოუწოდებს
მსგავსი სიახლეები
11:16 / 22.11.2024
პარლამენტის თავმჯდომარემ შალვა პაპუაშვილმა,
არჩევნების შედეგების მიმართ მიმდინარე პროტესტის მიუხედავად, ახალი
პარლამენტის შეკრების თარიღი და სხდომის ჩატარების დრო
დაასახელა.
10:45 / 22.11.2024
გამთენიისას, თბილისის სახელმწიფო უნივერსიტეტში, სადაც სტუდენტები
რექტორის გადადგომის მოთხოვნით ღამეებს ათენებენ, დაპირისპირება
მოხდა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები