პოლიტიკა
პარტიების წარმომადგენლები და მათი მხარდამჭერები თბილისში საპროტესტო აქციაზე უკვე გაემგზავრნენ.
თბილისში დაგეგმილ საპროტესტო აქციას იმერეთიდანაც უერთდებიან
11:22 / 08.11.2020
თბილისში დაგეგმილ გაერთიანებული
ოპოზიციის აქციას იმერეთიდანაც უერთდებიან.
პარტიების წარმომადგენლები და მათი მხარდამჭერები თბილისში საპროტესტო აქციაზე უკვე გაემგზავრნენ.
"ჩვენ გვინდა სამართლიანი არჩევნები.
ერთხელ და სამუდამოდ უნდა დამთავრდეს რუსთაველის ქუჩიდან ხელისუფლების
ცვლილება, მაგრამ ახლა სხვა გზა არაა. უნდა ვისწავლოთ, რომ
დამარცხებულმა გამარჯვებულს მიულოცოს და დაელოდოს თავის რიგს. ოღონდ
არჩევნები სამართლიანად უნდა ჩატარდეს და არა ისე,
როგორც ახლა, როცა წაგვართვეს არჩევანი", - ამბობს
"თავისუფალი საქათველოს" თანათავმჯდომარე გოგი წულაია, რომელიც აქციას
უკვე შეუერთდა.
აქციას ასევე, უერთდებიან ,,ლელოს"
წარმომადგენლები ქუთაისიდან.
,,ქუთაისის ახალგაზრდული ორგანიზაცია
მივდივართ, რათა ვთვლით, რომ იქ დგომა ახლა ჩვენი ვალია. ჩვენი
წართმეული ხმებისა და ნათელი მომავლის დასაცავად," -
განაცხადა ,,ლელოს" ახალგაზრდული ორგანიზაციის ლიდერმა გიორგი
ჟორჟოლიანმა.
,,ლეიბორისტულ პარტიაში" აცხადებენ, რომ
იმერეთიდან თბილისში დაგეგმილ აქციას მათი პარტიის 200 წევრი
უერთდება.
"სამწუხაროდ, ისევ ქუჩაში გვიწევს
საქართველოს მომავლის ბედის გადაწყვეტა და კარგია, რომ სრული
კონსოლიდაციაა ოპოზიციურ სპექტრში", - ამბობს ,,ლეიბორისტული
პარტიის" ქუთაისის მერობის კანდიდატი ირაკლი კიკვაძე.
დედაქალაქში საპროტეტსო აქციას უერთდებიან
"ევროპული საქართველოს" და "ნაციონალური მოძრაობის" წევრები და
მხარდამჭერებიც.
"ჩვენ საერთოდ არ გვაქვს სურვილი სადმე
ვიდგეთ, ეს არის ხალხის მოთხოვნა. 100 ათასობით ხმა გაყალბდა და რაღაც
ზომები თუ არ მიიღო საზოგადოებამ სულ ერთ წრეზე ვივლით," -
განაცხადა ,,ევროპული საქართველოს" ქუთაისის ორგანიზაციის
ხელმძღვანელმა დავით გოგისვანიძემ.
,,ნაციონალურ მოძრაობაში" აცხადებენ, რომ აქციას
იმერეთიდან 2 ათასამდე ადამიანი უერთდება. ქუთაისის მერობის კანდიდატი
გიგა შუშანია აცხადებს, რომ მათი მთავარი მოთხოვნა ვადამდელი
არჩევნების ჩატარებაა.
,,ვითხოვთ ვადამდელ არჩვნებს, რომელიც
შეუძლებელია ჩაატაროს ჟვანიამ და მისნაირებმა, რომლებიც ჰყავთ
საოლქოებში. მათ ხალხს ხმები მოპარეს. დღეს არის გადამწყვეტი დღე.
მნიშვნელოვანი ბრძოლაა და ხალხი ამ ბრძოლაში გაიმარჯვებს," -
განაცხადა გიგა შუშანიამ.
ოპოზიციური პარტიების წარმომადგენლები და მათი
მხარდამჭერენი თბილისში, პარლამენტის წინ აქციას მართავენ.
ისინი 31 ოქტომბრის საპარლამენტო არჩევნების შედეგებს აპროტესტებენ და ვადამდელი არჩევნების ჩატარებას ითხოვენ. თბილისში, რუსთაველის გამზირზე, საპროტესტო აქცია 15:00 საათზეა დაგეგმილი.
2020 წლის 31 ოქტომბრის საპარლამენტო არჩევნები 1%-იანი საარჩევნო ბარიერის პირობებში ჩატარდა, ხოლო საარჩევნო ბლოკებისათვის ბარიერი 1%-ისა და ბლოკში შემავალი პარტიების ნამრავლით განისაზღვრება. გაუნაწილებელი მანდატები კი თანმიმდევრობით უდიდესი ნაშთის მქონე პარტიებზე და საარჩევნო ბლოკებზე განაწილდება.
ცესკოს ყველა უბნის წინასწარი მონაცემების მიხედვით, პროპორციული წესით 1%-იანი საარჩევნო ბარიერი ცხრა პოლიტიკურმა გაერთიანებამ გადალახა. მათ შორის 120 პროპორციული მანდატიდან 116 მანდატი ნაწილდება. ოთხი თავისუფალი მანდატი რჩება, რომელსაც თანმიმდევრობით, უდიდესი ნაშთის მქონე შემდეგი პოლიტიკური სუბიექტები გაინაწილებენ: - "გირჩი", "ევროპული საქართველო", "ნაციონალური მოძრაობა" და "ალეკო ელისაშვილი - მოქალაქეები".
ავტორი : ანა ჯიქია
ისინი 31 ოქტომბრის საპარლამენტო არჩევნების შედეგებს აპროტესტებენ და ვადამდელი არჩევნების ჩატარებას ითხოვენ. თბილისში, რუსთაველის გამზირზე, საპროტესტო აქცია 15:00 საათზეა დაგეგმილი.
2020 წლის 31 ოქტომბრის საპარლამენტო არჩევნები 1%-იანი საარჩევნო ბარიერის პირობებში ჩატარდა, ხოლო საარჩევნო ბლოკებისათვის ბარიერი 1%-ისა და ბლოკში შემავალი პარტიების ნამრავლით განისაზღვრება. გაუნაწილებელი მანდატები კი თანმიმდევრობით უდიდესი ნაშთის მქონე პარტიებზე და საარჩევნო ბლოკებზე განაწილდება.
ცესკოს ყველა უბნის წინასწარი მონაცემების მიხედვით, პროპორციული წესით 1%-იანი საარჩევნო ბარიერი ცხრა პოლიტიკურმა გაერთიანებამ გადალახა. მათ შორის 120 პროპორციული მანდატიდან 116 მანდატი ნაწილდება. ოთხი თავისუფალი მანდატი რჩება, რომელსაც თანმიმდევრობით, უდიდესი ნაშთის მქონე შემდეგი პოლიტიკური სუბიექტები გაინაწილებენ: - "გირჩი", "ევროპული საქართველო", "ნაციონალური მოძრაობა" და "ალეკო ელისაშვილი - მოქალაქეები".
ავტორი : ანა ჯიქია
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები