"ტორპედომ" სპორტულ დირექტორად ყოფილი მთავარი მწვრთნელი წარადგინა
17:20 / 24.01.2025
სტივ კინი, რომელმაც ქუთაისის "ტორპედოს" მთავარი
მწვრთნელის პოსტი ერთი თვის წინ დატოვა, კლუბის სპორტული დირექტორი იქნება.
სტივ კინი კლუბის ხელმძღვანელობამ დღეს წარადგინა. რაც შეეხება მთავარ მწვრთნელს, კლუბის მფლობელი მის ვინაობას, ჯერჯერობით, არ ამხელს.
"შარშან, მთავარი რამ აკლდა "ტორპედოს" და ეს იყო
სანახაობრივი ფეხბურთი. ერთი ეტაპი დასრულდა, ვიწყებთ ახალ ეტაპს,
სადაც სტივი კონცენტრირებული იქნება სტრატეგიულ გადაწყვეტილებებზე,
დაგვეხმარება კლუბის განვითარებაში და იმ სიახლეების დანერგვაში, რაც
დასავლურ საფეხბურთო კულტურაში არსებობს. რაც შეეხება მთავარ
მწვრთნელს, დღეს არ მინდა ამაზე საუბარი, დღეს არის სხვა ღონისძიება.
ყველაფერს აქვს თავისი დრო", - განაცხადა კლუბის მფლობელმა დავით
კერესელიძემ.
სტივ კინი "ტორპედოს" მწვრთნელად 2023 წლის მაისში
დაინიშნა. იგი ამავდროულად ითავსებდა სპორტული
დირექტორის ფუნქციებს.
სპორტული დირექტორის წარდგენაზე დავით კერესელიძემ,
ასევე ისაუბრა გუნდში მიმდინარე ცვლილებების შესახებ და თქვა, რომ
კლუბს რამდენიმე ფეხბურთელი ტოვებს.
"იცით, რომ ლეგიონერების დიდმა ნაწილმა უკვე დატოვა
კლუბი, დღეის მდგომარეობით, ვინც გვინდოდა, რომ შეგვენარჩუნებინა,
შევინარჩუნეთ. ფეხბურთელების ნაწილმა, ვისთანაც ხელშეკრულების ვადა
დასრულდა, სხვასთან გააფორმა შეთანხმება, რამდენიმე ფეხბურთელთან
ხელშეკრულება ჩვენ შევწყვიტეთ, რამდენიმეს არ გავუგრძელეთ", -
განაცხადა კერესელიძემ.
ქუთაისის "ტორპედოს" გულშემატკივრები ახლა მთავარი
მწვრთნელის მოლოდინში არიან. ამ პოზიციაზე რამდენიმე კანდიდატურა განიხილებოდა, თუმცა, უცნობია
საბოლოოდ რა გადაწყვეტილება მიიღო კლუბის ხელმძღვანელობამ.
მსგავსი სიახლეები
12:25 / 30.01.2025
29 იანვარს, ევროპის საბჭოს საპარლამენტო ასამბლეამ საქართველოს
შესახებ რეზოლუცია მიიღო.
11:36 / 30.01.2025
ევროპის მეხუთე სახელმწიფო "ქართული ოცნების"
მაღალჩინოსნებს სანქციებს უწესებს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები