ქუთაისიპოსტი

ქუთაისის „ტორპედო“ მთავარმა მწვრთნელმა სტივ კინმა დატოვა.
ამის შესახებ „ტორპედოს“ გენერალურმა დირექტორმა, დავით დოლაბერიძემ "პირველ არხთან" ისაუბრა და მის შემცვლელად შესაძლო კანდიდატები დაასახელა.

„გადაწყვეტილია, რომ ახალი სეზონიდან „ტორპედოს“ ახალი მთავარი მწვრთნელი ეყოლება. სტივ კინი გუნდიდან წავიდა, მის ადგილზე რამდენიმე ვარიანტს განვიხილავთ, უცხოელსაც და ქართველსაც, მაგრამ ვინ დაინიშნება, ჯერ არ ვართ ჩამოყალიბებული. რამდენიმე მაღალი დონის კანდიდატი გვყავს შერჩეული და იმედია, მოლაპარაკებას მალე დავასრულებთ",- განაცხადა დავით დოლაბერიძემ.

მისივე თქმით, კანდიდატთა შორის არის დირკ შუსტერი, რომელიც „კაიზერსლატერნს“, „აუგსბურგსა“ და „დარმშტადტს“ წვრთნიდა.

"ასევე, განიხილებიან ინგლისის ჩემპიონშიფის თვის საუკეთესო მწვრთნელად რამდენჯერმე დასახელებული სლავიშა იოკანოვიჩი, რომელსაც უმუშავია „ფულემში“, „უოტფორდსა“ და „შეფილდში“, სერბი სრდან ბლაგოიევიჩი – სერბეთის, ყაზახეთისა და უნგრული კლუბების ყოფილი მწვრთნელი, პორტუგალიელი რიკარდო ფორმოსინიო, რომელიც „ჩელსიში“ და „ტოტენჰემში“ ჟოზე მოურინიოს ეხმარებოდა, ახლა კი მასთან ერთად „ფენერბაჰჩეში“ მუშაობს“,- განაცხადა დავით დოლაბერიძემ.

სტივ კინი "ტორპედოს" მთავარი მწვრთნელის პოზიციას 2023 წლის მაისიდან იკავებდა.