ქუთაისიპოსტი

ქუთაისელი მოჭადრაკე მერი არაბიძე მსოფლიო თასის გათამაშებაში მიიღებს მონაწილეობას.
აღნიშნული სტარტს 30 ივლისიდან აზერბაიჯანის დედაქალაქ ბაქოში აიღებს.

ასპარეზობა ქალთა და ვაჟთა შორის ოლიმპიური სისტემით გაიმართება და მისი საპრიზო ფონდი 2 500 000$ შეადგენს.

აღსანიშნავია, რომ ქალთა შორის მსოფლიოს 103 უძლიერესი ქალი იასპარეზებს და მათ შორის 6 ქართველია. აქედან, ერთი ევროპის მოქმედი ჩემპიონი მერი არაბიძეა ქუთაისიდან.

ვაჟთა შორის 206 მონაწილეა და საქართველოს სახელით 3 დიდოსტატი ითამაშებს.

თითოეული მიკრო-მატჩი ორი პარტიისგან შედგება, ფრედ დასრულების შემთხვევაში შემდეგ წრეზე გასულის ვინაობა დამატებით ტაი-ბრეიქში გაირკვევა.

ფინალური მატჩი და მატჩი მესამე ადგილისთვის 22-24 აგვისტოს გაიმართება, ასპარეზობის საზეიმო დახურვა კი - 24 აგვისტოს.