ქუთაისიპოსტი

"ქუთაისიპოსტი", USAID-ის კანონის უზენაესობის პროგრამის მხარდაჭერით, აგრძელებს ტურს სასამართლოებში, რაც ახალგაზრდა თაობისთვის სასამართლო სისტემის შესახებ ცოდნის გაღრმავებას და ცნობიერების ამაღლებას ისახავს მიზნად.

მომდევნო ტური ზესტაფონის რაიონული სასამართლოს შენობაში მოეწყო. ტურის ფარგლებში, ზესტაფონის #1 საჯარო სკოლისა და „ზესტაფონის მომავლის სკოლის“ მოსწავლეები უწყების მუშაობის პრინციპებს გაეცვნენ და შენობის ისტორია მოისმინეს. 

ზესტაფონის სასამართლოსთან დაკავშირებულ საინტერესო საკითხებზე მოსწავლეებს სასამართლოს მენეჯერი ნინო გელაშვილი ესაუბრა. მან მოზარდებს დეტალურად გააცნო საქმეთა განხილვის წესები, დაათვალიერებინა  სისხლისა და სამოქალაქო საქმეთა განხილვის სხდომათა დარბაზები, განუმარტა, როგორ და რა გარემოში მიმდინარეობს დავების განხილვა და როგორია პროცედურები.

აღსანიშნავია, რომ მოსწავლეებს საშუალება ჰქონდათ, სასამართლოში, ერთი დღით, სხვადასხვა როლიც მოერგოთ.




საინფორმაციო სააგენტო “ქუთაისიპოსტი” USAID-ის კანონის უზენაესობის პროგრამის მხარდაჭერით მოსწავლე ახალგარდებისთვის მომავალში კიდევ 2 ტურს მოაწყობს იმერეთის საქალაქო თუ რაიონულ სასამართლოებში.

ვიდეო მომზადდა "ქუთაისიპოსტის" მიერ USAID სამართლის უზენაესობის პროგრამის მხარდაჭერით. პროგრამას ახორციელებს აღმოსავლეთ-დასავლეთის მართვის ინსტიტუტი (EWMI) ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით.

ვიდეოს შინაარსზე სრულად პასუხისმგებელია "ქუთაისიპოსტი" და მასში გამოთქმული მოსაზრებები შესაძლოა არ ასახავდეს ზემოთ ნახსენები საერთაშორისო ორგანიზაციების შეხედულებას.

The video was prepared by the Kutaisipost.ge with the support of the USAID Rule of Law Program funded by the United States Agency for International Development (USAID) through the East-West Management Institute (EWMI).
The views expressed in this video are the sole responsibility of the author and do not necessarily reflect the views of USAID and EWMI.