ქუთაისის მერი, გიორგი ჭიღვარია თანამდებობიდან დღეს გადადგა.
რა მოხდება გიორგი ჭიღვარიას გადადგომის შემდეგ, რას ითვალისწინებს
კანონი და როდის ეყოლება ქალაქს ახალი მერი? – მერის უფლებამოსილების
შეწყვეტასა და ახალი მერის არჩევას, თვითმმართველობისა და საარჩევნო
კოდექსები არეგულირებს.
რაც შეეხება მისი მოვალეობის შემსრულებელს, ამავე კოდექსის 56–ე მუხლის მიხედვით, აღნიშნულ პოზიციაზე პირველი მოადგილე ინიშნება, რომელიც მოვალეობას ახალი მერის არჩევამდე შეასრულებს.
ახალი მერი კი ქალაქს მხოლოდ არჩევნების ჩატარების შემდეგ ეყოლება,
თუმცა, რადგან გიორგი ჭიღვარიამ პოსტი არასაარჩევნო
(ადგილობრივი თვითმმართველობის)
წელს დატოვა, ახალი მერის ასარჩევად
რიგგარეშე არჩევნები უნდა ჩატარდეს.
საარჩევნო კოდექსის მიხედვით, რიგგარეშე
არჩევნების ჩატარების დრო მაისი ან ოქტომბერია. თუ მერი პოზიციას
15 თებერვლიდან 15 ივლისის ჩათვლით ტოვებს, მაშინ არჩევნები
შემოდგომაზე უნდა ჩატარდეს, ხოლო თუ 15 ივლისიდან 15 თებერვლის
ჩათვლით– გაზაფხულზე.
შესაბამისად, ქუთაისში მერის რიგგარეშე არჩევნები ცესკომ ოქტომბერში
უნდა დანიშნოს, ისევე, როგორც თერჯოლაში. რაც შეეხება ახალი
მერის უფლებამოსილების ვადებს, რიგგარეშე არჩევნების გზით არჩეული
მერი მუნიციპალიტეტის საკრებულოს მოქმედების ვადით ირჩევა, ანუ,
ახალი მერი თავისი უფლებამოსილების ვადას 2021 წელს, საკრებულოსთან
ერთად დაასრულებს.
2021 წელს კი ადგილობრივი თვითმმართველობის არჩევნები
ჩატარდება.
ამავე თემაზე:
ქუთაისის მერი გიორგი ჭიღვარია გადადგა
როდის ეყოლება ქუთაისს ახალი მერი? – რას ითვალისწინებს
კანონი
ქუთაისის მერის მოვალეობას დავით ერემეიშვილი
შეასრულებს
მასალის გამოყენების პირობები