ქუთაისიპოსტი

მიმდინარე წლის ზაფხულში აკაკი წერელთლის სახელმწიფო უნივერსიტეტის აკადემიურ პერსონალს კონკურსის გავლა მოუწევს.
სწორედ ამის შემდეგ გადაწყდება, ვინ გააგრძელებს აკადემიური საქმიანობას და ვინ დატოვებს სასწავლებელს.

რას ითვალისწინებს კონკურსი

უმაღლეს საგანმანათლებლო დაწესებულელებში მსგავსი ტიპის კონკურსი ყოველ ოთხ წელიწადში ტარდება. აკადემიური პერსონალის სამსახურში მიღების წესის მიხედვით კონკურსის შედეგად, შესაძლოა, ლექტორმა სტატუსი შეინარჩუნოს, გაიუმჯობესოს ან პირიქით, სასწავლებლის დატოვება მოუხდეს.

მაგალითად, თუ კონკურსში მონაწილეობას იღებს ასოცირებული პროფესორი მან კონკურსის გზით უნდა დაადასტუროს მისი სტატუსი, შეინარჩუნოს ან სრული პროფესორი გახდეს. თუკი ამ ზემოჩათვლითაგან ვერცერთის გავლას შეძლებს აკადემიურ პეროსონალს უნივერსიტეტის დატოვება მოუწევს. თუმცა, ჯერ- ჯერობით ცნობილი არ არის თითოეული სტატუსის მისაღებად ან შეასანარჩუნებლად რა კრიტერიუმი უნდა დააკმაყოფილოს.

წერეთლის უნივერსიტეტში განმარტავენ, რომ შესაბამისი დოკუმენტის შედგენას უახლოეს მომავალში დაიწყებენ, ხოლო 2018 წლის ზაფხულზე უკვე საბუთების მიღების და კონკურსანტთა შერჩევის პროცედურები დაიწყება.

"კონკურსის ჩატარება საჭიროა არა თანამშრომლებისათვის, არამედ ორგანიზაციისათვის, რომელიც ცდილობს შეარჩიოს უკეთესი, უფრო მაღალკვალიფიციური პროფესიონალები, რითაც, უპირველეს ყოვლისა, მოგებული დარჩებიან სტუდენტები", - ამბობს ჩვენთან საუბარში აკაკი წერეთლის სახელმწიფო
უნივერსიტეტის რექტორი, გიორგი ღავთაძე. მისი თქმით, კონკურში არამხოლოდ წერეთლის უნივერსიტეტის ლექტორ-მასწავლებლებს არამედ ნებისმიერ მსურველს შეუძლია მონაწილების მიღება, რომელიც სასწავლებლის მიერ წარმოდგენილ მოთხოვნებს დააკმაყოფილებს.

რა მოთხოვნების დაკმაყოფილება მოუწევთ პროფესორებს

რა მოთხოვნების დაკმაყოფილება მოუწევს აკადემიურ პერსონალს და ვინ შემოწმებს მათ კონპეტანციას ეს ჯერ ცნობილი არ არის. წერეთლის უნივერსიტეტში ამბობენ,  რომ ამაზე მუშაობა უკვე დაწყებულია და უახლოეს მომავალში საკვალიფიკაციო მოთხოვნების შესახებ ინფორმაცია საჯარო გახდება.

თუმცა 2014 წელს , მაშინ როდესაც წერეთლის უნივერსიტეტის აკადემიური პერსონალის უმეტესობის შერჩევა მოხდა, საკვალიფიკაციო მოთხოვნებში მნიშვნელოვანი ნაწილი პროფესორ-მასწავლებლების მიერ დაწერილ სამეცნიერო ნაშრომებს, გამოქვეყნებულ პიბლიკაციებს, სტატიებს და წიგნებს დაეთმო.
გარდა ამისა, მათ მოეთხოვებოდათ სამცნიერო კონფერენციებში, ტრენინგებსა და სხვადასხვა საერთაშორისო პროექტებში მონაწილეობა.
თუ ვინ იქნება შეფასების კომისიაში, რომელსაც წერეთლის უნივერსიტეტი სპეციალურად მოიწვევს, ეს ლექტორებისთვის გასაუბრების დღემდე ცნობილი არ იქნება.

რას ფიქრობენ ლექტორ-მასწვალებლები

მზია თადუმაძე აკაკი წერეთლის სახელმწიფო უნივერსიტეტის ასოცირებული პროფესორია. სასწავლებლის შიდა კონკურსზე საკუთარი სტატუსის დადასტურებას და კონკურსზე გასვლას 2018 წელსაც გეგმავს.

მან პირველად მსგავს კონკურსში მონაწილება 2006 წელს მიიღო. ასოცირებული პროფესორი ამბობს, რომ მას შემდეგ სპეცილურად შექმნილი საბჭოს მოთხოვნები უფრო და უფრო მკაცრდება.

მზია თადუმაძე გვიყვება, რომ მოთხოვნების დასაკმაყოფილებლად ფიქრი ოთხი წლის წინ დაიწყო, მაშინ როდესაც ბოლო კონკურსი წარმატებით გაიარა.
მისი თქმით, ისიც ისევე როგორც ლექტორ-მასწავლებლების უმეტესობა მომავალი კონკურსისთვის აქტიურად ემზადება.
"კონკურსი ყოველთვის მნიშვნელოვანია ლექტორისთვის, როდესაც გავდივართ კომისიის წინაშე არასდროს ვიცით რა კუთხით იქნება კითხვები და მათ რა დააინტერესებთ. ამიტომ ასეთ დროს მნიშვნელოვანია იყო მუდმივად მზადყოფნაში. ეს პროცესები მიმართულია იქეთკენ, რომ ჩვენ განვითარდეთ და არ გავჩერდეთ ერთ ადგილზე. ეს არის უცილებელი, რომ არ მოხდეს მოდუნება ლექტორის. იმისთვის, რომ ვიმუშაოთ საკუთარ თავზე რადგან მოთხოვნები სტუდენტების მხრიდან იზრდება", - ამბობს მზია თადუმაძე.

იაგორ ბალანჩივაძეს წერეთლის უნივერსიტეტში მუშაობის 23 წლიანი გამოცდილება აქვს. ის ამბობს, რომ მისთვის კონკურსი ბევრს ვერაფერს ცვლის, რადგან ის უნივერსიტეტში კონკურსისითვის არ მუშაობს.

"მე რასაც ვაკეთებ წლების განმავლობაში შევკრავ და წარვადგენ. წლიდან წლამდე ბევრი რამ იცლება. სტუდენტებთან ერთად მოთხოვნებიც იცვლება. 2014 წელს მუშაობის პრიორიტეტი სხვა იყო. ნებისმიერი კონკური სჭირდება სტუდენტს. მას მოსწონს ის როდესაც ლექტორი ვითარდება და არ დგას ერთ ადგილზე", - განმრატავს იაგორ ბალანჩივაძეს.

წერეთლის უნივერსიტეტში 470 ლექტორ-მასწავლებელია, მათგან 400 უკვე საკონკურსოდ ემზადება რადგან სწორედ მათ მოუწევთ საკუთარი სტატუსის დადასტურება.


ამავე თემაზე:

ევროპული სტანდარტებით სწავლება - წერეთლის უნივერსიტეტის გამოწვევები და მზადება ავტორიზაციისთვის

წერეთლის უნივერსიტეტი ავტორიზაციის მოლოდინში - გადაცემა