ქუთაისიპოსტი

2017 წლის 16-17 იანვარს, საპოლიციო კონტროლის დროს, სამართალდამცველების მიერ ქვეყნის მასშტაბით 129 დანაშაული გამოვლინდა.

პოლიციამ ჩადენილი სისხლის სამართლის დანაშაულისთვის - 22, ხოლო ადმინისტრაციული სამართალდარღვევისთვის – 42 პირი დააკავა.

აქედან, ყველაზე მეტი ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვისა და ტარების 63 ფაქტი დაფიქსირდა.

ჯანმრთელობის მძიმე დაზიანებისა და ქურდობის მცდელობის 1 ფაქტი, ქურდობის 15, ასევე, ოჯახში ძალადობის 3, ძალადობის კი 4 ფაქტი გამოვლინდა.

შსს მიერ განხორცილებეული საპოლიციო კონროლის დროს ნარკოტიკების უკანონო შეძენა-შენახვა-გასაღების 19 ფაქტი, ხოლო ნარკოტიკული საშუალების შემცველი მცენარის დათესვა-მოყვანა-კულტივირების – 2 ფაქტი გამოვლინდა.

დაფიქსირდა, ასევე, ხულიგნობის 2 ფაქტი.

საპოლიციო კონტროლის შედეგად ადმინისტრაციული სამართალდარღვევის 1088 შემთხვევა გამოვლინდა. მათ შორის, დაუმორჩილებლობისა და წვრილმანი ხულიგნობის 24, ცივი იარაღის ტარების 43, ხოლო ნარკოტიკების უკანონო მოხმარების 45 ფაქტი.

პოლიციამ უკანონო ბრუნვიდან შემდეგი სახის ცეცხლსასროლი იარაღი და საბრძოლო მასალა ამოიღო: 5 ავტომატი, 9 პისტოლეტი, 1 რევოლვერი, 7 შაშხანა, 5 გადაჭრილი სანადირო თოფი, 2 სანადირო თოფი, 1 საფანტის პისტოლეტი, 18 ხელყუმბარა, 3 ყუმბარმტყორცნის ჭურვი, 1 ტანკსაწინააღმდეგო ნაღმი და სხვადასხვა კალიბრის 2858 საბრძოლო ვაზნა.

სამართლდამცველებმა, ასევე, ამოიღეს სხვადასხვა სახის ნარკოტიკული საშუალება.

შინაგან საქმეთა სამინისტრომ, დანაშაულის პრევენციისა და საზოგადოებრივი წესრიგის დაცვის მიზნით, პოლიციის შესახებ საქართველოს კანონის შესაბამისად, მთელი ქვეყნის მასშტაბით, სპეციალური საპოლიციო კონტროლი განახორციელა.