ახალი ამბები
მაღაროებში საწარმოო პროცესის აღდგენისთვის მზაობა კომპანიამ დღეს, სამმხრივი კომისიის ფარგლებში გამართული შეხვედრის დროს გამოთქვა. როდის და რამდენი მაღაროელი დაუბრუნდება თავის სამუშაო ადგილს, ჯერჯერობით უცნობია. "პროფკავშირების გაერთიანების" თავმჯდომარე, ირაკლი პეტრიაშვილი, რომელიც მოლაპარაკებებშია ჩართული, ამბობს, რომ "ჭიათურა მენეჯმენტ კომპანის" რამდენიმე დათქმა აქვს; მათ შორის, მთავარი პირობაა სოფელ შუქრუთის მოსახლეობის მიერ პიკეტირებული მაღაროების გათავისუფლება, რათა კომპანიას ამ ტერიტორიაზე მანგანუმის მოპოვების შესაძლებლობა მიეცეს. გარდა ამისა, ინვესტორი 12 საათიანი სამუშაო რეჟიმის რვა საათამდე შემცირებას ითხოვს, თუმცა, მოჰყვება თუ არა ამას ანაზღაურების შემცირებაც, ჯერჯერობით, უცნობია. კომპანია მზად არის მაღაროელებს ერთი თვის სახელფასო დავალიანებაც ჩაურიცხოს.
ჭიათურის მაღაროებში მიწისქვეშა სამუშაოები, შესაძლოა განახლდეს
11:05 / 16.04.2025
"ჭიათურა მენეჯმენტ კომპანიმ", რომელიც ერთი თვის წინ
თავს გაკოტრებულად აცხადებდა, შესაძლოა მიწისქვეშა სამუშაოები
განაახლოს.
მაღაროებში საწარმოო პროცესის აღდგენისთვის მზაობა კომპანიამ დღეს, სამმხრივი კომისიის ფარგლებში გამართული შეხვედრის დროს გამოთქვა. როდის და რამდენი მაღაროელი დაუბრუნდება თავის სამუშაო ადგილს, ჯერჯერობით უცნობია. "პროფკავშირების გაერთიანების" თავმჯდომარე, ირაკლი პეტრიაშვილი, რომელიც მოლაპარაკებებშია ჩართული, ამბობს, რომ "ჭიათურა მენეჯმენტ კომპანის" რამდენიმე დათქმა აქვს; მათ შორის, მთავარი პირობაა სოფელ შუქრუთის მოსახლეობის მიერ პიკეტირებული მაღაროების გათავისუფლება, რათა კომპანიას ამ ტერიტორიაზე მანგანუმის მოპოვების შესაძლებლობა მიეცეს. გარდა ამისა, ინვესტორი 12 საათიანი სამუშაო რეჟიმის რვა საათამდე შემცირებას ითხოვს, თუმცა, მოჰყვება თუ არა ამას ანაზღაურების შემცირებაც, ჯერჯერობით, უცნობია. კომპანია მზად არის მაღაროელებს ერთი თვის სახელფასო დავალიანებაც ჩაურიცხოს.
სამუშაო ჯგუფის მორიგი შეხვედრის დასრულებას
მაღაროელები დღეს, ჭიათურაში, მუნიციპალიტეტის შენობის გარეთ
ელოდებოდნენ. არაერთი მოთხოვნის მიუხედავად, მათ მოლაპარაკებებში
ჩართვის შესაძლებლობა, კომისიის ფარგლებში გამართულ არც ერთ
შეხვედრაზე არ მიეცათ. "მონებო", "მოღალატეებო" - ამ შეძახილებით
შეხვდნენ მაღაროელები სამუშაო ჯგუფის წევრებს, რომლებმაც მერიის
შენობა რამდენიმესაათიანი მოლაპარაკების შემდეგ დატოვეს.
რას უპასუხებენ მაღაროელები ინვესტორს, ჯერჯერობით
უცნობია. 17 აპრილს, მშრომელები ჭიათურაში აქციას გამართავენ, სადაც
თავიანთ პოზიციაზე ისაუბრებენ.
ჭიათურაში 49 დღეა უწყვეტი საპროტესტო აქციები
მიმდინარეობს. მაღაროელებმა, ქუჩის პროტესტი მას შემდეგ დაიწყეს, რაც
კომპანიამ 2024 წლის 1 ნოემბრიდან გაჩერებული მაღაროების ამუშავებაზე
უარი განაცხადა. მშრომელებს აღარ ეძლეოდათ არც დაპირებული 60%-იანი
ანაზღაურება. შემოსავლების გარეშე დარჩენილი ადგილობრივები, რაიონიდან
მადნის მომპოვებელი კომპანიის გასვლას და საწარმოების ნაციონალიზაციას
მოითხოვდნენ. ჭიათურელების მზარდ პროტესტს, "ჭიათურა მენეჯმენტ
კომპანიმ", რომელმაც ერთი წელია "ჯორჯიან მანგანეზის" მართვა
გადაიბარა, მიწისქვეშა სამუშაოების საბოლოოდ გაჩერებით და კომპანიის
გაკოტრების აღიარების მცდელობით უპასუხა, რაც თავის მხრივ, მას
თავიდან აარიდებდა დასაქმებულებისთვის დავალიანების გასტუმრების
ვალდებულებას. "პროფკავშირების გაერთიანების" მოთხოვნის შემდეგ,
სასამართლოში გაკოტრების აღიარების პროცესი შეჩერდა.
პროტესტის გამწვავების პარალელურად, ჯანდაცვის
სამინისტროს სოციალური პარტნიორობის სამმხრივ კომისიაში სამუშაო ჯგუფი
შეიქმნა, რომელშიც სამინისტროს წარმომადგენლებთან ერთად, ჩართულია
ინვესტორი კომპანია და "პროფკავშირების გაერთიანება", რომელსაც
მაღაროელები უნდობლობას უცხადებენ. მშრომელები თვლიან, რომ მისი
თავმჯდომარე ირაკლი პეტრიაშვილი არ წარმოადგენს მათ რეალურ ინტერესებს
და ხელისუფლებასთან შეთანხმებით მოქმედებს.
49 დღეა მაღაროელები "ქართული ოცნების" ხელისუფლების
წარმომადგენლებთან შეხვედრას და მკაფიო გარანტიებს ითხოვენ.
მშრომელებმა აქციები გამართეს დედაქალაქშიც, თუმცა, მათთან
შესახვედრად არც ერთი თანამდებობის პირი არ მივიდა.
მსგავსი სიახლეები
12:13 / 18.04.2025
განათლებისა და მეცნიერების სამინისტრო, საქართველოს სკოლებში, ჩინური
ენის სწავლებასთან დაკავშირებით დამატებით განცხადებას ავრცელებს.
13:42 / 17.04.2025
დღეს, 17 აპრილს, ჭიათურის ცენტრში მასშტაბური აქციაა
დაგეგმილი.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები