ახალი ამბები
ჭიათურელ მაღაროელებს თითქმის განახევრებულ ხელფასს ისევ უგვიანებენ
19:23 / 27.02.2025
ორი კვირაა ჭიათურელ მაღაროელებს,
თითქმის განახევრებულ ხელფასს არ უხდიან.
"ჯორჯიან მანგანეზში" დასაქმებულები
კომპანიის წარმომადგენლებთან კომუნიკაციას ვერ ახერხებენ,
შესაბამისად, არ აქვთ ინფორმაცია როდის დაერიცხებათ თანხა. "ჯორჯიან
მანგანეზსა" და მაღაროელებს შორის შეთანხმების მიხედვით, გასული წლის
პირველი ნოემბრიდან, როცა მაღაროები გაჩერდა, უმუშევრად დარჩენილ
მშრომელებს ხელფასის 60% ყოველი თვის 15 რიცხვში უნდა დარიცხოდათ,
თუმცა, კომპანია მეოთხე თვეა ამ ვადებს არ იცავს.
მაღაროელები ამბობენ, რომ
საწარმოების გაჩერების გამო, უმძიმეს ფინანსურ მდგომარეობაში არიან.
ხელფასის 60%, რომელსაც "ჯორჯიან მანგანეზი" ყოველთვის დაგვიანებით
რიცხავს, საბანკო ვალდებულებების გასასტუმრებლადაც არ ჰყოფნით.
შესაბამისად, ყოველი ვადაგადაცილებული დღე მათი ოჯახების ფინანსურ
მდგომარეობაზე მძიმედ აისახება.
მაღაროებში დასაქმებულები 28
თებერვალს, ქალაქის ცენტრში შეიკრიბებიან და ხელფასის დარიცხვას
მოითხოვენ. შეკრებილები, ასევე იმსჯელებენ სამოქმედო გეგმაზე, იმ
შემთხვევისთვის, თუ მაღაროებში საწარმოო პროცესი არ
აღდგება.
"პარასკევს, 11:00 საათიდან
გამოვიდეთ და მოვიკითხოთ რა ხდება ჩვენს ირგვლივ! უკვე სახლში ჯდომისა
და არხეინად ყოფნის არანაირი საფუძველი აღარ გვაქვს. გაიხედეთ
ირგვლივ, რა მდგომარეობაშია ქალაქის ეკონომიკა, კომუნალურები, ბანკის
ვალები, პროდუქტები… გაქვთ არხეინად ყოფნის საბაბი? გაჩუმებით და
წყლის ჩაგუბებით მოგვიგვარდებათ პრობლემები? თუ იმედი გაქვთ, რომ
მუშაობა მარტიდან ან აპრილიდან აღდგება?" - აცხადებენ "ჭიათურის
მშრომელთა კავშირის" წევრები.
ჩვენ, შესაბამისი კითხვებით, დავუკავშირდით "ჯორჯიან მანგანეზს" თუმცა, პასუხი არ მიგვიღია.
ჩვენ, შესაბამისი კითხვებით, დავუკავშირდით "ჯორჯიან მანგანეზს" თუმცა, პასუხი არ მიგვიღია.
2024 წლის პირველი ნოემბრიდან,
ჭიათურის მაღაროებში საწარმოო პროცესი შეჩერდა. "ჭიათურა მენეჯმენტ კომპანიმ", რომელიც
ახლა "ჯორჯიან მანგანეზის" საწარმოებს მართავს, მთავარ მიზეზად სოფელ
შუქრუთის მცხოვრებლების პროტესტი დაასახელა, რომლებსაც სოფლის ქვეშ
მანგანუმის მოპოვების გამო, სახლები დაენგრათ და სამართლიანი
კომპენსაციის მოთხოვნით, მაღაროები აქვთ პიკეტირებული. მაშინ,
კომპანიამ ასევე განაცხადა, რომ მსოფლიო ბაზარზე მადნის ფასი შემცირდა
და მაღაროების მუშაობა არარენტაბელური იყო. "ჭიათურა მენეჯმენტ
კომპანი" პრობლემების აღმოფხვრას გაზაფხულისთვის ვარაუდობს, მანამდე
კი თანამშრომლებს ხელფასის 60%-ის შენარჩუნებას ჰპირდება, რომლის
დარიცხვის ვადასაც გამუდმებით არღვევს.
მსგავსი სიახლეები
15:04 / 12.03.2025
ქუთაისელ სამოქალაქო აქტივისტს, მიშიკო მუმლაძეს, შინაგან საქმეთა
სამინისტრომ, 5000-ლარიანი ჯარიმა გამოუწერა.
13:07 / 12.03.2025
შსს-ს ცენტრალური კრიმინალური პოლიციის, თბილისის, სამეგრელო-ზემო
სვანეთის, აჭარის, ქვემო ქართლისა და იმერეთის პოლიციის
დეპარტამენტების თანამშრომლებმა, ნარკოდანაშაულის ბრალდებით, 23 პირი
დააკავეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები