ახალი ამბები
ქუთაისის ადგილობრივ თვითმმართველობაში, სოფელ ჭოგნარის მცხოვრებლებისა და "მყარი ნარჩენების მართვის კომპანიის" წარმომადგენელთა უშედეგოდ დასრულებული შეხვედრის შემდეგ, ჭოგნარის მოსახლეობა პროტესტის ოფიციალურ ფორმას მიმართავს.
"მივმართავთ ოფიციალური წერილით სამინისტროს და მოვითხოვთ შეჩერდეს მშენებლობა, ან 500 მეტრიანი ბუფერის ზონამ გადაიწიოს მინიმუმ 5 კილომეტრით. ეს არის ერთ-ერთი ყველაზე ქარიანი ადგილი, გარდა ამისა არის რამდენიმე პატარა მდინარე, რომელთა დაბინძურების საფრთხე არსებობს თუ აქ ნაგავსაყრელი იქნება",-ამბობს სოფელ ჭოგნარის მცხოვრები ბერდია ცხადაბერიძე.
ადგილობრივებისთვის ასევე მიუღებელია კომპანიის მიერ ნარჩენების დახარისხების მეთოდი. როგორც ირკვევა, კომპანია ადგილზე მიტანილ ნარჩენებს 25 მეტრი სიღრმის ორმოებში განათავსებს, რაც მოსახლეობის თქმით, ნიადაგისა და წყაროების დაბინძურების საფრთხეს ქმნის.
"არავითარი ტექნოლოგია არ აქვთ. პირდაპირ ორმეობში აპირებენ ნარჩენების ჩაყრას. გვარწმუნებენ, რომ 25 მეტრი სიღრმის ორმოებში შიდა დინებები არ იქნებაო, მაშინ, როცა ჩვენთან ორმეტრიანი ჭები აქვს მოსახლეობას. როგორ წარმოგიდგენიათ ამდენი ნარჩენი რომ მიწის ქვეშ იქნება და მას წყალი გადაუვლის მუდმივად, ჩვენს წყაროებს არ დააბინძურებს?",-ამბობს ბერდია ცხადაბერიძე.
"მყარი ნარჩენების მართვის კომპანიაში" კი ირწმუნებიან, რომ ნაგავსაყრელი ყველა სტანდარტის დაცვით მოეწყობა. კომპანიის წარმომადგენლის ზურაბ მარდალეიშვილის თქმით, ამ ეტაპზე ნიადაგის შესწავლა მიმდინარეობს.
"ეს არის უმაღლესი ტექნოლოგიის გერმანული პროექტი, სადაც ყველა ნორმა დაცულია. არავითარ საფრთხეს ის მოსახლოებისთვის არ წარმოადგენს. თუ გვაცდიან, წლის ბოლომდე ინფრასტრუქტურის მოწყობით სამუშაოებს დავიწყებთ. ეს იქნება ნარჩენების გადამუშავების ისეთი ობიექტი, როგორიც საქართველოში აქამდე არ ყოფილა",-ამბობს "მყარი ნარჩენების მართვის კომპანიის" წარმომადგენელი ზურაბ მარდალეიშვილი.
მისი თქმით, მოსახლოების პროტესტის მიუხედავად, ნაგავსაყრელი მაინც აშენდება.
თერჯოლის რაიონში, ჭოგნარი-გოდოგანის გზაზე ახალი ნაგავსაყრელის მოწყობა 2018 წელს უნდა დასრულდეს.
ჭოგნარის მოსახლეობა ნაგავსაყრელის მშენებლობის შეწყვეტის მოთხოვნით სამინისტროს მიმართავს
11:40 / 15.03.2016
კომპანია პროტესტის მიუხედავად სამუშაოების შეჩერებას არ აპირებს
ქუთაისის ადგილობრივ თვითმმართველობაში, სოფელ ჭოგნარის მცხოვრებლებისა და "მყარი ნარჩენების მართვის კომპანიის" წარმომადგენელთა უშედეგოდ დასრულებული შეხვედრის შემდეგ, ჭოგნარის მოსახლეობა პროტესტის ოფიციალურ ფორმას მიმართავს.
ჭოგნარი-გოდოგანის გზაზე ნაგავსაყრელის მშენებლობის გაპროტეტსტებას
მოსახლეობა რეგიონალურ და ინფრასტრუქტურის სამინისტროში აპირებს.
"მივმართავთ ოფიციალური წერილით სამინისტროს და მოვითხოვთ შეჩერდეს მშენებლობა, ან 500 მეტრიანი ბუფერის ზონამ გადაიწიოს მინიმუმ 5 კილომეტრით. ეს არის ერთ-ერთი ყველაზე ქარიანი ადგილი, გარდა ამისა არის რამდენიმე პატარა მდინარე, რომელთა დაბინძურების საფრთხე არსებობს თუ აქ ნაგავსაყრელი იქნება",-ამბობს სოფელ ჭოგნარის მცხოვრები ბერდია ცხადაბერიძე.
ადგილობრივებისთვის ასევე მიუღებელია კომპანიის მიერ ნარჩენების დახარისხების მეთოდი. როგორც ირკვევა, კომპანია ადგილზე მიტანილ ნარჩენებს 25 მეტრი სიღრმის ორმოებში განათავსებს, რაც მოსახლეობის თქმით, ნიადაგისა და წყაროების დაბინძურების საფრთხეს ქმნის.
"არავითარი ტექნოლოგია არ აქვთ. პირდაპირ ორმეობში აპირებენ ნარჩენების ჩაყრას. გვარწმუნებენ, რომ 25 მეტრი სიღრმის ორმოებში შიდა დინებები არ იქნებაო, მაშინ, როცა ჩვენთან ორმეტრიანი ჭები აქვს მოსახლეობას. როგორ წარმოგიდგენიათ ამდენი ნარჩენი რომ მიწის ქვეშ იქნება და მას წყალი გადაუვლის მუდმივად, ჩვენს წყაროებს არ დააბინძურებს?",-ამბობს ბერდია ცხადაბერიძე.
"მყარი ნარჩენების მართვის კომპანიაში" კი ირწმუნებიან, რომ ნაგავსაყრელი ყველა სტანდარტის დაცვით მოეწყობა. კომპანიის წარმომადგენლის ზურაბ მარდალეიშვილის თქმით, ამ ეტაპზე ნიადაგის შესწავლა მიმდინარეობს.
"ეს არის უმაღლესი ტექნოლოგიის გერმანული პროექტი, სადაც ყველა ნორმა დაცულია. არავითარ საფრთხეს ის მოსახლოებისთვის არ წარმოადგენს. თუ გვაცდიან, წლის ბოლომდე ინფრასტრუქტურის მოწყობით სამუშაოებს დავიწყებთ. ეს იქნება ნარჩენების გადამუშავების ისეთი ობიექტი, როგორიც საქართველოში აქამდე არ ყოფილა",-ამბობს "მყარი ნარჩენების მართვის კომპანიის" წარმომადგენელი ზურაბ მარდალეიშვილი.
მისი თქმით, მოსახლოების პროტესტის მიუხედავად, ნაგავსაყრელი მაინც აშენდება.
თერჯოლის რაიონში, ჭოგნარი-გოდოგანის გზაზე ახალი ნაგავსაყრელის მოწყობა 2018 წელს უნდა დასრულდეს.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები