ახალი ამბები
მეორე ინსტანციის მოსამართლეთა კოლეგიამ, არასამთავრობო ორგანიზაციების არცერთი საჩივარი არ დააკმაყოფილა.
ქუთაისის სააპელაციო სასამართლომ არასამთავრობოების არცერთი საჩივარი არ დააკმაყოფილა
11:02 / 07.11.2024
ქუთაისის სააპელაციო სასამართლოში,
კენჭისყრის პროცესთან დაკავშირებით დაწერილი საჩივრების ორდღიანი
განხილვა დასრულდა.
მეორე ინსტანციის მოსამართლეთა კოლეგიამ, არასამთავრობო ორგანიზაციების არცერთი საჩივარი არ დააკმაყოფილა.
სააპელაციო სასამართლოში საჩივრები
არასამთავრობო ორგანიზაციებმა: "ახალგაზრდა იურისტთა ასოციაციამ",
"სამართლიანმა არჩევნებმა", "საერთაშორისო გამჭვირვალობა-
საქართველომ", "საქართველოს მომავლის აკადემიამ" და "ღია სივრცე
კავკასიამ" შეიტანეს. ჯამში, მოსარჩელეებმა 20 საჩივარი
წარადგინეს.
მეორე ინსტანციაში საჩივრების
განხილვა 5 და 6 ნოემბერს გაიმართა. მოსამართლეთა კოლეგიამ
გადაწყვეტილება 6 ნოემბერს, გვიან ღამით გამოაცხადა. სასამართლომ არ
გაიზიარა აპელანტების არცერთი მტკიცებულება, უარი თქვა თეთრიწყაროს
რაიონული სასამართლოს პრაქტიკის გამეორებაზე და არ ჩაატარა ხმის
მიცემის ინსცენირება სხდომათა დარბაზში.
სხდომაზე, მოსარჩელეთა მხარემ შვიდი
შუამდგომლობა დააყენა. "საერთაშორისო გამჭვირვალობა- საქართველომ"
მოსამართლეთა კოლეგიის თავმჯდომარის, შოთა სირაძის აცილება მოითხოვა
და განმარტა, რომ სირაძე მმართველ პარტიასთან არის დაკავშირებული, რაც
გავლენას მოახდენდა მის მიერ მიღებულ გადაწყვეტილებაზე. კერძოდ, იგი
იყო "ქართული ოცნების" მაჟორიტარი ხობში, მისი შვილი ვაჟა სირაძე კი
თბილისის საპატრულო პოლიციის დეპარტამენტის უფროსია. კოლეგიამ
შუამდგომლობა არ დააკმაყოფილა და სასამართლოს სხდომა უცვლელი
შემადგენლობით ჩატარდა.
მოსარჩელე მხარის მიერ წარმოდგენილი
საჩივრების ძირითადი შინაარსი, უბნებზე ხმის მიცემის ფარულობის
დარღვევას შეეხებოდა. ამ მოტივით, სხდომათა დარბაზში
ექსპერიმენტის ჩატარება მოითხოვეს, ისე, როგორც ეს თეთრიწყაროს
სასამართლოში შედგა. ექსპერიმენტის დროს უნდა მომხდარიყო ხმის მიცემის
იმიტაცია, რომლის დროსაც დადგინდებოდა: პირველი - საარჩევნო სუბიექტის
ნომრის გაფერადების შედეგად, რჩება თუ არა მელნის კვალი ბიულეტენის
მეორე მხარეს და მეორე - გაფერადებული ბიულეტენის ხმის მთვლელ
აპარატში მოთავსების მომენტში, არის თუ არა შესაძლებელი იმის დანახვა,
თუ ვის მისცა ხმა ამომრჩეველმა. აპელანტი მხარე, ასევე ითხოვდა
არამხოლოდ თეთრიწყაროს სასამართლოს ექსპერიმენტის გამეორებას, არამედ,
ამავე სასამართლოს მიერ, ექსპერიმენტის საფუძველზე მიღებული
გადაწყვეტილების საქმეზე დართვას.
სასამართლომ "საიას" მხოლოდ ერთი შუამდგომლობა დააკმაყოფილა და მტკიცებულებად მიიღო თეთრიწყაროს სასამართლოს გადაწყვეტილება, რომლის მიხედვითაც, 30 საარჩევნო უბანზე, ხმის მიცემის ფარულობის დარღვევის გამო, შედეგები გაუქმდა. ექსპერიმენტის ჩატარებაზე კი კოლეგიამ უარი იმ მოტივით თქვა, რომ სასამართლოს უკვე ჰქონდა საჭირო მტკიცებულებები მსჯელობისთვის. შოთა სირაძემ კი დამატებით განმარტა, რომ ექსპერიმენტის ჩატარების შემთხვევაში, არსებობდა იმის ალბათობა, რომ ექსპერიმენტში მონაწილე დაინტერესებული მხარე შეგნებულად, იმგვარად გააფერადებდა ბიულეტენს, რომ მელნის კვალი ბიულეტენის მეორე მხარეს გამოჩენილიყო.
სასამართლომ "საიას" მხოლოდ ერთი შუამდგომლობა დააკმაყოფილა და მტკიცებულებად მიიღო თეთრიწყაროს სასამართლოს გადაწყვეტილება, რომლის მიხედვითაც, 30 საარჩევნო უბანზე, ხმის მიცემის ფარულობის დარღვევის გამო, შედეგები გაუქმდა. ექსპერიმენტის ჩატარებაზე კი კოლეგიამ უარი იმ მოტივით თქვა, რომ სასამართლოს უკვე ჰქონდა საჭირო მტკიცებულებები მსჯელობისთვის. შოთა სირაძემ კი დამატებით განმარტა, რომ ექსპერიმენტის ჩატარების შემთხვევაში, არსებობდა იმის ალბათობა, რომ ექსპერიმენტში მონაწილე დაინტერესებული მხარე შეგნებულად, იმგვარად გააფერადებდა ბიულეტენს, რომ მელნის კვალი ბიულეტენის მეორე მხარეს გამოჩენილიყო.
სამაგიეროდ, სასამართლომ საქმეს
დაურთო საოლქო საარჩევნო კომისიების მიერ წარმოდგენილი ვიდეომასალა,
რომელიც 5 ნოემბერს ცესკომ გამოაქვეყნა და სადაც ნაჩვენებია ხმის
მიცემის ინსტრუქცია. სხდომაზე, ათზე მეტი საოლქო კომისიის
თავმჯდომარემ ერთი და იგივე ვიდეორგოლი, სათითაოდ, ოპტიკურ დისკზე
ჩაწერილი წარმოადგინა და საქმეზე დართვა მოითხოვა.
ამით, ქუთაისის სააპელაციო
სასამართლოში კენჭისყრის პროცესთან დაკავშირებით დაწერილი საჩივრების
განხილვა დასრულდა. შესაბამისად, უცვლელი დარჩა საქალაქო და რაიონული
სასამართლოების გადაწყვეტილებები დასავლეთ საქართველოს
მასშტაბით.
მსგავსი სიახლეები
16:49 / 06.11.2024
ქუთაისის საერთაშორისო აეროპორტი ახალი წლისთვის ემზადება.
13:45 / 06.11.2024
"საქართველოს ახალგაზრდა იურისტთა ასოციაციამ" და "საერთაშორისო
გამჭვირვალობა - საქართველომ", ელექტრონულ უბნებზე არჩევნების
შედეგების ბათილობის მოთხოვნით, ქუთაისის სააპელაციო სასამართლოს
მიმართა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები