ქუთაისიპოსტი

26 ოქტომბერს, საპარლამენტო არჩევნების დღეს, ჯამში 490 ინციდენტი და დარღვევა დაფიქსირდა, ამის შესახებ "სამართლიანი არჩევნებში“ აცხადებენ

ორგანიზაციის თანახმად, მათი უმრავლესობა (297) საქართველოში გახსნილ საარჩევნო უბნებზე მოხდა, ნაწილი (167) - საარჩევნო უბნებთან,დანარჩენი - საზღვარგარეთ გახსნილ უბნებზე.

სხვადასხვა დონის საარჩევნო ადმინისტრაციაში ორგანიზაციამ ჯამში წარადგინა 294 საჩივარი და 64 შენიშვნა. კერძოდ:

საუბნო საარჩევნო კომისიებში - 104 საჩივარი (ასევე დააფიქსირა 64 შენიშვნა ჩანაწერთა წიგნში);
საოლქო საარჩევნო კომისიებში - 189 საჩივარი (214 ფაქტთან დაკავშირებით)​;
ცესკოში - 1 საჩივარი. ​
ორგანიზაცია იუწყება, რომ კენჭისყრის შენობაში გამოვლინდა შემდეგი სახის დარღვევები და ინციდენტები:

ბიულეტენების ჩაყრა (2)​;

მრავალჯერადი ხმის მიცემა/ხმის მიცემის მცდელობა (12)​;

დამკვირვებლის უფლებების უკანონო შეზღუდვა/გაძევება (30)​;

მარკირების პროცედურის წესის დარღვევა (76)​;

ხმის ფარულობის დარღვევა (76)​;

გადასატან საარჩევნო ყუთთან დაკავშირებული დარღვევები (22)​;

ელექტრონულ ტექნოლოგიებთან დაკავშირებული ხარვეზები (17)​;

სხვა დარღვევები (62)​;

საზღვარგარეთ შექმნილ უბნებში გამოვლენილი პრობლემები (26)​;

საარჩევნო უბნის გარე პერიმეტრზე გამოვლენილი ინციდენტი/დარღვევა (167)​;

კოორდინატორთა მიერ ამომრჩეველთა აღრიცხვა (71- საარჩევნო უბნების 31%)​;

სიტყვიერი და ფიზიკური დაპირისპირების, ასევე, მუქარის ფაქტები საარჩევნო უბნებზე (25 - საარჩევნო უბნების 11%)​;

ამომრჩეველთა ორგანიზებული ტრანსპორტირება (42 - საარჩევნო უბნების 19%)​;

ამომრჩეველთა სავარაუდო მოსყიდვა (29 - საარჩევნო უბნების 13%)​.