ქუთაისიპოსტი

ქუთაისში, მერიის შენობის წინ საპროტესტო აქცია გაიმართა. აქციის მონაწილეებმა საპარლამენტო არჩევნების შედეგები გააპროტესტეს და თქვეს, რომ ისინი არ ეთანხმებიან ცესკოს მიერ გამოქვეყნებულ ციფრებს.

"არ შევეგუებით რუსეთს", "ჩვენ ვნახეთ გაყალბება", "ვიცავთ ჩვენს არჩევანს" - ამ და სხვა სლოგანებით აქციის მონაწილეებმა მკაფიოდ თქვეს, რომ "ქართული ოცნების" გამარჯვება, საქართველოში რუსეთის გამარჯვებას ნიშნავს, რასაც ქართული საზოგადოება არ შეეგუება.
„იმდენ გაყალბებაზეა საუბარი, იმდენი დარღვევა დაააფიქსირეს დამკვირვებლებმა თუ რიგითმა მოქალაქეებმა, შეუძლებელია ეს არჩევნები ლეგიტიმურად  მივიჩნიოთ. ისეთი შთაბეჭდილება რჩება, რომ გაყალბების ყველა მეთოდი გამოიყენეს და ყველა ეს მეთოდი რუსული ხელწერისაა. თავად ვიყავი დამკვირვებელი და ჩემი ყურით მოვისმინე როგორ იტხოვდნენ კომისიის წევრები ამომრცევლისგან, რომ „ქართული ოცნებისთვის“ მიეცათ ხმა. ამ და ბევრი სხვა მიზეზის გამო არ ვენდობი ცესკოს გამოქვეყნებულ ციფრებს და არ ვცნობ ამ არჩევნების ლეგიტიმაციას. რუსეთი ყველანაირი ფორმით ამ ქვეყანაში უნდა დასრულდეს“, - ამბობს აქციის მონაწილე ნინო მაგველაშვილი.

პარალელურად, საპროტესტო აქცია მიმდინარეობს თბილისში, პარლამენტის შენობის წინ.