ახალი ამბები
დღეს გამართული შეხვედრიდან გამოსული აქტივისტები ამბობენ, რომ ხელისუფლებისა და კომპანიის მხრიდან, პროცესის ხელოვნურად გაჭიანურების განცდა დარჩათ. შუქრუთელებმა ვერცერთ საკითხზე კონკრეტული პასუხი ვერ მიიღეს.
შუქრუთელებისა და "ჯორჯიან მანგანეზის" წარმომადგენლების შეხვედრა უშედეგოდ დასრულდა
17:48 / 16.10.2024
შუქრუთელები, რომლებიც 200 დღეზე
მეტია პარლამენტის შენობის წინ საპროტესტო აქციებს მართავენ,
მედიაციის პროცესით უკმაყოფილოები არიან.
დღეს გამართული შეხვედრიდან გამოსული აქტივისტები ამბობენ, რომ ხელისუფლებისა და კომპანიის მხრიდან, პროცესის ხელოვნურად გაჭიანურების განცდა დარჩათ. შუქრუთელებმა ვერცერთ საკითხზე კონკრეტული პასუხი ვერ მიიღეს.
"ჩვენი და მათი პოზიციები
აბსოლუტურად განსხვავებულია. კომპანიაც და სახელმწიფოც სხვა
რეალობიდან გვესაუბრება. არ იყო არანაირი კონკრეტიკა. გვრჩება განცდა,
რომ დროის გაწელვას ცდილობენ, რომ როგორმე არჩევნებამდე მივიდნენ.
დაველოდებით კიდევ რამდენიმე შეხვედრას და თუ ვერ დავინახავთ რეალურ
ნაბიჯებს, ისევ ამოვიკერავთ პირს და დავიწყებთ მშრალ შიმშილობას", -
ამბობს აქციის ერთ-ერთი მონაწილე, გიორგი ნეფარიძე.
კომპანიასა და შუქრუთელებს შორის,
მედიაციის ფარგლებში, მორიგი შეხვედრა ხვალ, 17 ოქტომბერს გაიმართება,
პარალელურად, ხვალ, 20 საათზე, პარლამენტის წინ სოლიდარობის აქციაა
დაგეგმილი.
ჭიათურის სოფელ შუქრუთის
მცხოვრებლები შვიდი თვეა საპროტესტო აქციებს მართავენ. 11 სექტემბერს
მათ თბილისში, საკანონმდებლო ორგანოსთან გადაინაცვლეს, სადაც უწყვეტ
პროტესტს მართავენ. აქციის მონაწილეებს უმძიმე პირობებში უწევთ ღამის
გათენება. პოლიცია მათ კარვების გაშლის უფლებას არ აძლევს.
შუქრუთელებს პირიც ჰქონდათ ამოკერილი და 43 დღის განმავლობაში
შიმშილობდნენ. აქციის მონაწილეებმა პროტესტის უკიდურეს ფორმაზე უარი
მხოლოდ მას შემდეგ თქვეს, რაც მათთან პარლამენტის ადამიანის უფლებათა
დაცვისა და სამოქალაქო ინტეგრაციის კომიტეტის თავმჯდომარე რატი
იონათამიშვილი მივიდა და "ჯორჯიან მანგანეზთან" მედიაცია
შესთავაზა.
მსგავსი სიახლეები
13:33 / 03.12.2024
ევროკავშირთან მოლაპარაკებების შეჩერების
გასაპროტესტებლად და რიგგარეშე არჩევნების დანიშვნის მოთხოვნით,
ქუთაისელები დღეს, 16:00 საათიდან ისვე შეიკრიბებიან.
10:39 / 02.12.2024
გარემოს ეროვნული სააგენტოს მოკლევადიანი პროგნოზების სამმართველოს
უფროსის, დოდო გვაზავას ინფორმაციით, დასავლეთ საქართველოში მიმდინარე
კვირა უმეტესად უნალექოდ ჩაივლის.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები