ქუთაისიპოსტი

სტიქიის შედეგების სალიკვიდაციო ღონისძიებების განსახორციელებლად, იმერეთის მუნიციპალიტეტებისთვის, ჯამში, 26 949 000 ლარი გამოიყო.
შესაბამისი განკარგულება მთავრობის ადმინისტრაციამ უკვე გამოსცა და მას ხელს პრემიერ-მინისტრი ირაკლი კობახიძე აწერს.

დოკუმენტის მიხედვით, ყველაზე მეტი თანხა - 5 738 000 ლარი ჭიათურის მუნიციპალიტეტისთვის გამოიყო, ყველაზე ცოტა კი - ხონის მუნიციპალიტეტისთვისაა (130 000 ლარი) გამოყოფილი.

სტიქიის შედეგების სალიკვიდაციო ღონისძიებების განსახორციელებლად თანხები იმერეთის მუნიციპალიტეტების მიხედვით, შემდეგნაირად გადანაწილდა:

ზესტაფონის მუნიციპალიტეტს - 2 990 000 ლარი;

ქუთაისის მუნიციპალიტეტს - 3 986 000 ლარი;

ჭიათურის მუნიციპალიტეტს - 5 738 000 ლარი;

ტყიბულის მუნიციპალიტეტს - 1 750 000 ლარი;

საჩხერის მუნიციპალიტეტს - 1 110 000 ლარი;

ბაღდათის მუნიციპალიტეტს - 4 480 000 ლარი;

წყალტუბოს მუნიციპალიტეტს - 545 000 ლარი;

ხარაგაულის მუნიციპალიტეტს - 625 000 ლარი;

თერჯოლის მუნიციპალიტეტს  - 1 105 000 ლარი;

სამტრედიის მუნიციპალიტეტს - 1 785 000 ლარი;

ვანის მუნიციპალიტეტი -  2 705 000 ლარი;

ხონის მუნიციპალიტეტს -  130 000 ლარი;

საქართველოს მუნიციპალიტეტებისთვის კი, სტიქიური მოვლენების შედეგების სალიკვიდაციო ღონისძიებების განსახორციელებლად, მთავრობამ, ჯამში, 104 877 000 ლარი გამოყო.

26 ივნისს მოსულმა უხვმა ნალექმა პრობლემები შექმნა ქვეყნის მასშტაბით, მათ შორის, იმერეთის რეგიონშიც. ძლიერი წვიმის შედეგად დაიტბორა საცხოვრებელი სახლები და ოჯახური მეურნეობა.