ახალი ამბები
საქართველოში 1 აშშ დოლარის ოფიციალური ღირებულება 3.22 ლარი გახდა.
გაუფასურებული ლარი და გაძვირებული პროდუქტები - ომის გავლენა ქართულ ეკონომიკაზე
16:15 / 16.03.2022
უკრაინაში ომის პარალელურად,
საქართველოში ლარის გაუფასურების და პირველად სამომხმარებლო
პროდუქტებზე ფასების ზრდის ტენდენცია გრძელდება.
რა გავლენა შეიძლება იქონიოს
რუსეთ-უკრაინის ომმა ჩვენი ქვეყნის ეკონომიკაზე და რას უნდა ველოდეთ
ამ მიმართულებით მომდევნო დღეების განმავლობაში? - ამ საკითხებზე
"ქუთაისიპოსტს" ფინანსისტი და ეკონომიკის ექსპერტი გიგა ბედინეიშვილი
ესაუბრა.
ის ამბობს, რომ ბოლოდროინდელი
პანიკა პროდუქტებზე, ფასების ზრდა და ლარის გაუფასურება, ომის მხოლოდ
მოკლეხნიანი კრიზისია, რაც მომდევნო თვეებში
დასტაბილურდება.
"მოკლე ვადაში იქნება
უარყოფითი გავლენა, იქნება ზიანი ჩვენს ეკონომიკაზე, მაგრამ ეს არ
მგონია კატასტროფული ზიანი იყოს. მაგალითად, ის რომ დეფიციტი გვაქვს
პროდუქტებზე, ეს გამართლებული არ არის, იმიტომ რომ უკრაინა და რუსეთი
არ არიან ერთადერთი მომწოდებლები ამ პროდუქტების, შეგვიძლია ეს სხვა
წყაროებიდანაც მივიღოთ და ისედაც ამ პროდუქტებზე მარაგი ჯერ
გვაქვს", - ამბობს ექსპერტი.
რაც შეეხება ლარის გაუფასურებას,
ბედინეიშვილი ამბობს, რომ ეს მხოლოდ უკრაინაში მიმდინარე ომის ჭრილში
არ უნდა განვიხილოთ, რადგან ეროვნული ვალუტის რყევა გამოწვეულია
არამხოლოდ ომით, არამედ, თურქეთში ლირის ვარდნით და ამ ყველაფერთან
მიმართებით ხელისუფლების არასწორი ეკონომიკური
პოლიტიკით.
"ლარის გაუფასურება უნდა
განვიხილოთ 10 წლიან ჭრილში. რაც "ქართული ოცნებაა" ხელისუფლებაში
ლარი მკვეთრად გაუფასურდა, მოკლევადიან რყევებს რომ თავი დავანებოთ.
რაც ეს ხელისუფლება მოვიდა, ჩვენი ეროვნული ვალუტა 1. 65-დან
გაუფასურდა 3,45-მდე და ამაში მთავარი დამნაშავე ეს გუნდია. ეს არის
"ქართული ოცნების" აბსოლუტურად სულელური და არასწორი ეკონომიკურ
პოლიტიკის შედეგი", - განმარტავს გიგა
ბედინეიშვილი.
ის რომ, ომმა უკვე მოახდინა გავლენა
ქართულ ეკონომიკაზე, ამაზე ეკონომიკის სამინისტროშიც საუბრობენ,
თუმცა, ვერ სახავენ კონკრეტულ გზებს, როგორ უნდა გაუმკლავდეს
ხელისუფლება ამ გამოწვევებს.
"ეკონომიკა ძალიან დიდი
გამოწვევების წინაშე დგას მთელ მსოფლიოში, გადამდები ეფექტის მქონეა
ომი და რა თქმა უნდა, პირველ რიგში, ის აისახება რეგიონის
ქვეყნებზე... ვსაუბრობთ ჩვენს პარტნიორებთან, რომ გარკვეული
მაკომპენსირებელი ღონისძიებები დაიგეგმოს და გარკვეული რესურსები
საქართველომ მიიღოს ამ კუთხით ", - ამბობს ეკონომიკის
მინისტრი ლევან დავითაშვილი.
საქართველოში 1 აშშ დოლარის ოფიციალური ღირებულება 3.22 ლარი გახდა.
უკრაინაში 21 დღეა ომია. უკრაინაში
შეჭრის გამო, რუსეთს ამერიკამ და ევროპის სხვა ქვეყნებმა ეკონომიკური
სანქციები დაუწესეს.
მსგავსი სიახლეები
13:10 / 25.11.2024
„უკვე დანამდვილებით შეგვიძლია ვთქვათ რომ პარლამენტის მიერ საკუთარი
უფლებამოსილების ცნობა, რასაც დღეს ოცნება აპირებს უკანონოა“, -
აღნიშნა იურისტმა ვახუშტი მენაბდემ.
10:34 / 25.11.2024
გარემოს ეროვნული სააგენტოს მოკლევადიანი პროგნოზების სამმართველოს
უფროსის, დოდო გვაზავას ინფორმაციით, დასავლეთ საქართველოში, 29
ნოემბრის დღის პირველ ნახევრამდე ცივი და ნალექიანი ამინდია
მოსალოდნელი.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები