ახალი ამბები
მაღაროელები მუშაობენ, შუქრუთელები კი მათ მუშაობას აპროტესტებენ. ამ ხნის განმავლობაში ადგილობრივები ცდილობდნენ ხელისუფლებისთვის ხმა მიეწვდინათ და ეთქვთ, რომ პროცესი, რომელსაც "ჯორჯიან მანგანეზი" შუქრუთში აწარმოებს, მათ სახლებს ძირს უთხრის და დანგრევით ემუქრება.
ადგილობრივები ამბობენ, რომ კომპანიამ განადგურებული სახლების სანაცვლოდ სათანადო კომპენსაცია უნდა გადაიხადოს.
რა ხდება შუქრუთში, სახელმწიფო არც მაშინ ინტერესდება, როცა ადამიანები პროტესტის უკიდურეს ფორმას მიმართავენ. სამთვიანი უწყვეტი პროტესტის მონაწილეებს მხოლოდ ინვესტორმა კომპანიამ უპასუხა და თქვა, რომ მათგან, ვინც პირი ამოიკერა, ნაწილი შეთავაზებულ კომპენსაციაზე უარს ამბობს, ნაწილს კი ეკომიგრანტის სტატუსი აქვს.
დღეს შუქრუთში პირის ამოკერვისა და შიმშილობის დაწყების პირველი დღეა. ადგილობრივები ამბობენ, რომ ვიდრე კომპანია არ შეწყვეტს მათი სახლების დანგრევას, უკვე მიყენებული ზიანისთვის კი სათანადო ანაზღაურებას არ გასცემს, პროტესტი გაგრძელდება.
შუქრუთელების მდუმარე პროტესტი (ფოტო)
19:15 / 11.05.2021
თითქმის სამი თვეა ჭიათურაში,
კოროხნალის მაღაროსთან, ადგილობრივებსა და "ჯორჯიან მანგანეზის"
თანამშრომლებს თანაარსებობა უწევთ.
მაღაროელები მუშაობენ, შუქრუთელები კი მათ მუშაობას აპროტესტებენ. ამ ხნის განმავლობაში ადგილობრივები ცდილობდნენ ხელისუფლებისთვის ხმა მიეწვდინათ და ეთქვთ, რომ პროცესი, რომელსაც "ჯორჯიან მანგანეზი" შუქრუთში აწარმოებს, მათ სახლებს ძირს უთხრის და დანგრევით ემუქრება.
პროტესტის 85-ე დღეს კი შუქრუთელებმა ხელისუფლების ყურადღების
მიპყრობა პროტესტის უკიდურესი ფორმით - პირის
ამოკერვით სცადეს.
ადგილობრივები ამბობენ, რომ კომპანიამ განადგურებული სახლების სანაცვლოდ სათანადო კომპენსაცია უნდა გადაიხადოს.
"მიწასთან გაასწორა სოფელი
და პასუხისმგებლობასაც არ იღებს. ჩვენ პირველ რიგში ვითხოვთ ჩვენი
კერძო საკუთრების უპირობო და სამართლიან ანაზღაურებას. მოვიდნენ,
ჩაერთონ სახელმწიფოს წარმომადგენლები და ნახონ რა ხდება აქ",
- ამბობს სერგო მოდებაძე, რომელმაც პროტესტის უკიდურეს ზომას მიმართა
და პირი ამოიკერა.
"28 სოფელია მიწასთან
გასწორებული მას შემდეგ, რაც "ჯორჯიან მანგანეზმა" აქ მოპოვებითი
სამუშაოები დაიწყო. ახლა თუ შუქრუთს აქვს ეს პრობლემა, მალე სხვა
სოფლებშიც იგივე მოხდება. მომდგარია უკვე ღია კარიერი სოფელ
პერევისასთან და იზრდება არეალი, სადაც მადანი უნდა მოიპოვონ.
პირდაპირ უწერია კომპანიას ხელშეკრულებაში, რომ აქვს უფლება ღია
კარიერული წესით მოიპოვოს მადანი.ეს არის შეუქცევადი პროცესი, რაც
ანადგურებს სოფელს", - ამბობს ერთ-ერთი ადგილობრივი, გიორგი
ნეფარიძე, რომელმაც ასევე პირი ამოიკერა.
რა ხდება შუქრუთში, სახელმწიფო არც მაშინ ინტერესდება, როცა ადამიანები პროტესტის უკიდურეს ფორმას მიმართავენ. სამთვიანი უწყვეტი პროტესტის მონაწილეებს მხოლოდ ინვესტორმა კომპანიამ უპასუხა და თქვა, რომ მათგან, ვინც პირი ამოიკერა, ნაწილი შეთავაზებულ კომპენსაციაზე უარს ამბობს, ნაწილს კი ეკომიგრანტის სტატუსი აქვს.
"ჯორჯიან მანგანეზის"
წარმომადგენელმა ვლადიმერ სალაძემ პროცესს
მართული უწოდა.
"იმ სამი პიროვნებიდან, რომლებმაც
მოაწყვეს აქცია, ორი მათგანის მფლობელობა არის შეფასებული კერძო
აუდიტის მიერ. თანხა აღემატება საბაზრო ღირებულებას. რაც შეეხება
მესამე პიროვნებას, აღნიშნული ოჯახი არის ეკომიგრანტი და 2018
წელს აღნიშნული ოჯახი დაკმაყოფილდა საცხოვრებელი სახლით. გვრჩება
შთაბეჭდილება, რომ პროცესები მართულია გარკვეული ჯგუფების მიერ", -
განაცხადა ვლადიმერ სალაძემ.
კოროხნალის მაღაროში პროცესი გრძელდება. კომპანია აქტიურად აგრძელებს მადნის მოპოვებას.
კოროხნალის მაღაროში პროცესი გრძელდება. კომპანია აქტიურად აგრძელებს მადნის მოპოვებას.
დღეს შუქრუთში პირის ამოკერვისა და შიმშილობის დაწყების პირველი დღეა. ადგილობრივები ამბობენ, რომ ვიდრე კომპანია არ შეწყვეტს მათი სახლების დანგრევას, უკვე მიყენებული ზიანისთვის კი სათანადო ანაზღაურებას არ გასცემს, პროტესტი გაგრძელდება.
შუქრუთის მოსახლეობა მადნის მოპოვების
პროცესში მიყენებული ზიანის ანაზღაურებას გასული წლის მარტშიც
ითხოვდა. პანდემიის პირობებში დაწესებული შეზღუდვების მიუხედავად, მათ
მაღაროს პიკეტირება მოახდინეს, თუმცა, პრობლემა არ მოგვარდა.
შპს "ჯორჯიან მანგანეზი" ჭიათურა-საჩხერის მუნიციპალიტეტში მანგანუმის მადნის სამთო მოპოვების ლიცენზიის მესაკუთრეა. ის მოპოვებით საქმიანობას ჭიათურის მთლიან ტერიტორიაზე (16 430 ჰექტარზე) ახდენს.
ამავე თემაზე:
"გვრჩება შთაბეჭდილება, რომ პროცესები მართულია" - "ჯორჯიან მანგანეზი" შუქრუთის პროტესტზე
სოფელი, რომელიც შესაძლოა ჩაიძიროს (ფოტო/ვიდეო)
ჭიათურაში მოსახლეობის პროტესტზე "ჯორჯიან მანგანეზი" განცხადებას ავრცელებს
„ჯორჯიან მანგანეზი“ შუქრუთის მოსახლეობას სასამართლოში უჩივის
ჭიათურაში კომპენსაციების მიღების მოთხოვნით სამმა ადგილობრივმა პირი ამოიკერა
შპს "ჯორჯიან მანგანეზი" ჭიათურა-საჩხერის მუნიციპალიტეტში მანგანუმის მადნის სამთო მოპოვების ლიცენზიის მესაკუთრეა. ის მოპოვებით საქმიანობას ჭიათურის მთლიან ტერიტორიაზე (16 430 ჰექტარზე) ახდენს.
ამავე თემაზე:
"გვრჩება შთაბეჭდილება, რომ პროცესები მართულია" - "ჯორჯიან მანგანეზი" შუქრუთის პროტესტზე
სოფელი, რომელიც შესაძლოა ჩაიძიროს (ფოტო/ვიდეო)
ჭიათურაში მოსახლეობის პროტესტზე "ჯორჯიან მანგანეზი" განცხადებას ავრცელებს
„ჯორჯიან მანგანეზი“ შუქრუთის მოსახლეობას სასამართლოში უჩივის
ჭიათურაში კომპენსაციების მიღების მოთხოვნით სამმა ადგილობრივმა პირი ამოიკერა
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები