ახალი ამბები
"თუკი ჩვენთვის არ შეიძლება გადაადგილება სოფელ ნამოხვანში და ეს, თურმე საფრთხეს წარმოადგენს. მაშინ, არც მათ უნდა მიეცეთ გადაადგილების საშუალება. თუკი არ გაითვალისწინებს მთავრობა ჩვენს მოთხოვნებს, მაშინ აქცია შეიცვლის მასშტაბს და ადგილსაც. გადავინაცვლებთ თბილისში, თუმცა, ჯერ აქ ვიდგებით. კმარა ასეთი შეურაცხმყოფელი ქმედება", - განაცხადეს რიონის ხეობაში გიგანტური ჰესების მშენებელ კომპანია "ენკას" ოფისთან შეკრებილებმა.
კმარა ასეთი შეურაცხმყოფელი ქმდება - აქტივისტებმა "ენკასთან" გზა გადაკეტეს
17:51 / 13.04.2021
რიონის ხეობის მცველებმა და
მათმა მხარდამჭერბმა კომპანია "ენკას" ოფისთან გზა
გადაკეტეს.
"თუკი ჩვენთვის არ შეიძლება გადაადგილება სოფელ ნამოხვანში და ეს, თურმე საფრთხეს წარმოადგენს. მაშინ, არც მათ უნდა მიეცეთ გადაადგილების საშუალება. თუკი არ გაითვალისწინებს მთავრობა ჩვენს მოთხოვნებს, მაშინ აქცია შეიცვლის მასშტაბს და ადგილსაც. გადავინაცვლებთ თბილისში, თუმცა, ჯერ აქ ვიდგებით. კმარა ასეთი შეურაცხმყოფელი ქმედება", - განაცხადეს რიონის ხეობაში გიგანტური ჰესების მშენებელ კომპანია "ენკას" ოფისთან შეკრებილებმა.
ხეობაში გადაადგილება 3 აპრილიდან შეზღუდულია,
ხოლო 11 აპრილს სოფელ ნამოხვანში ხეობის მცველების მიერ განთავსებული
კარვები აიღეს და ადგილი მძიმე ტექნიკით გადახნეს. მიზეზი, როგორც
შინაგან საქმეთა სამინისტროში განმარტეს, მდინარე რიონის შესაძლო
ადიდებაა.
ადგილობრივებს გუმათჰესთან ერთი
კარავი აქვთ გაშლილი, რომლის იქითაც პოლიციას ე.წ.
ბლოგ საგუშაგო აქვთ მოწყობილი. შესაბამისად, გადაადგილება
შეზღუდულია.
აღსანიშნავია, რომ კომპანია "ენკას"
დირექტორმა ვარლამი გოლეთიანი საჯარო დისკუსიაზე გამოიწვია, რაზედაც
ხეობის მცველების უარი მიიღო.
"პრემიერ-მინისტრთან გვაქვს
კითხვები", - აცხადებენ მცველები.
გუმათჰესთან,
სადაც ორი დღეა პროტესტის ახლი კერაა, სიტუაცია უცვლელია.
ტერიტორია გადაკეტილი აქვთ სამართალდამცვლებს, რომელთა უპრეცენდენტო
რაოდენობაა მობილიზებული.
რიონის ხეობაში 433 მგვტ. სიმძლავრის ჰესს
კომპანია "ენკა" აშენებს. მთავრობასა და ინვესტორს შორის გაფორმებული
ხელშეკრულება უკვე შეისწავლეს სპეციალისტებმა და მას საქართველოს
ინტერესების საზიანო უწოდეს.
გარდა
ხელისუფლების მიერ აღებული კოლოსალური ფინანსური ვალდებულებებისა,
ექსპერტები საუბრობენ ჰესის ნეგატიურ შედეგებზე. მათი თქმით, ჰესი
სრულად შეცვლის ხეობის მიკროკლიმატსა და ბიომრავალფეროვნებას, კაშხლის
დაზიანების შემთხვევაში კი 34 მეტრიანი ტალღა 19 წუთში გადაუვლის
ხეობას და მიაღწევს ქუთაისამდე.
ამავე თემაზე:
ამავე თემაზე:
აქციის მონაწილეები
კომპანია "ენკას" ოფისთან გზას გადაკეტავენ
მსგავსი სიახლეები
17:21 / 22.11.2024
25 ნოემბერს, როცა "ქართული ოცნება"
ახალი პარლამენტის ლეგიტიმაციის ცნობას გეგმავს, საპროტესტო აქცია
გაიმართება საკანონმდებლო ორგანოს უკან.
15:01 / 22.11.2024
პირველი დეკემბრიდან პირველ მარტამდე, გზის ცალკეულ მონაკვეთებზე
სატრანსპორტო საშუალების ზამთრის საბურავებით მოძრაობა სავალდებულოა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები