ქუთაისიპოსტი

ქუთაისის ახალგაზრდულ ცენტრში ქართული ფილმის "შემთხვევითი პაემნების" პრემიერა გაიმართა.

ჩვენება საქართველოს კინემატოგრაფიის ცენტრის პროექტის "კინო სკოლაში" ფარგლებში განხორციელდა. "პროექტ "კინო სკოლაში" ფარგლებში გადავწყვიტეთ სხვა აქტივობა შევთავაზოთ ბავშვებს და ახალი ქართული ფილმების ჩვენება მოვაწყოთ. იმერეთის მასშტაბით ამ ტიპის კინოჩვენება პირველად განხორციელდა", - აღნიშნა კინემატოგრაფიის ეროვნული ცენტრის რეგიონალური პროექტების მენეჯერმა თეა გაბიძაშვილმა.
ლევან კოღუაშვილის ფილმის ჩვენებას პროექტში "კინო სკოლაში" ჩართული იმერეთის სკოლების მოსწავლეები და მათი ეპდაგოგები დაესწრენ. მოსწავლეებს ჩვენების ბოლოს რეჟისორთან შეხვედრის შესძლებლობა მიეცათ. შეხვედრა კითხვა-პასუხის რეჟიმში გაგრძელდა.
შეხვედრაზე აღიშიშნა, რომ ფილმი გამორჩეულია სხვა ქართული ფილმებიდან. ბოლო პერიოდის ე.წ. "ბულვარულ" და "ტრადიციულ" ქართულ ფილმებს შორის "შემთხვევით პაემნებში" გამოჩნდა "რეალური ცხოვრება", საშუალო ფენა და მათი პრობლემები.
"გმირი, რომელიც არის ინტელიგენტი კაცი, ყველაფერი აქვს, განათლებულიც არის, თუმცა თითქოს "რაღაც" აკლია რომ რაიმე შედგეს მის ცხოვრებაში. ამაში დავინახე იუმორიც და კეთილშობილებაც. საქართველოში  ადამიანები, გარკვეულ ასაკშიც ბოლომდე ვერ იმკვიდრებენ თავს დ ა ეს "დაუმკვიდრებლობა" ჩვენს დროზე ყვება", - აღნიშნა რეჟისორმა ლევან კოღუაშვილმა.
ლევან კოღუაშვილი საზოგადოებისთვის ცნობილია ფილმებით „ქუჩის დღეები“, „ქალები საქართველოდან“ და სხვები.