ქუთაისიპოსტი

ფლოტის განახლება, გაფართოების შესაძლებლობა და ხარჯების შემცირება - აღნიშნული მოტივით კომპანია ვიზეარი ახალ თვითმფრინავებს შეიძენს.

კომპანიის წარმომადგენლის, მაია ჩიტაიას ინფორმაციით, ვიზეარი 146 ახალ, ეარბასის ტიპის A320ნეო თვითმფრინავს შეიძენს.

მისივე ცნობით, ცენტრალური და აღმოსავლეთ ევროპის წამყვანმადაბალბიუჯეტიანმა ავიაკომპანია ვიზეარმა კონკურენტული შერჩევის პროცესის შედეგად, კომპანიამ ეარბასთან ერთად ხელი მოაწერა თანამშრომლობის მემორანდუმს, რომელიც დამატებით 146 ეარბასის ტიპის თვითმფრინავის შესყიდვას უკავშირდება.

თვითმფრინავებით მომარაგება 2022 წელს დაიწყება და დასრულდება 2025-2026 წლებისთვის.

თვითმფრინავების საფასური17.2 მილიარდ აშშ დოლარს შეადგენს.

"ჩვენ დარწმუნებულები ვართ, რომ ეს მნიშვნელოვანი სიახლე იქნება ვიზეარისთვის, რადგან ჩვენ ვაგრძელებთ ინდუსტრიის წამყვანი მაჩვენებლის ზრდას და ვაფართოებთ ჩვენს ბაზარს როგორც ევროპის მასშტაბით, ასევე მის ფარგლებს გარეთაც," - ამბობს ვიზეარის აღმასრულებელი დირექტორი ჯოზეფ ვადია.

ავიაკომპანია ვიზეარი არის ცენტრალური და აღმოსავლეთ ევროპის უმსხვილესი დაბალბიუჯეტიანი ავიაკომპანია, რომლის საჰაერო ფლოტი მოიცავს 86 ეარბას A320 და A321 ტიპის საჰაერო ხომალდს.

ავიაკომპანია მომხმარებელს სთავზობს ავიარეისებს 550 მიმართულებით 28 ბაზირებული აეროპორტიდან, რითაც ერთმანეთთან აკავშირებს 43 ქვეყნის 144 ქალქს.

კომპანიის ცნობით, ვიზეარის გუნდი, რომელიც დაახლოებით 3,300 ავიაციის პროფესიონალისაგან შედგება, მომხმარებელს სთავაზობს უმაღლესი ხარისხის სერვისს და ბილეთებს ყველაზე დაბალ ფასად, რის გამოც, ვიზეარი 2017 წლის 31 მარტის ფინანსური შედეგების მონაცემებით 23,8 მილიონზე მეტმა მგზავრმა აირჩია.

"ვიზეარი" ქუთაისის საერთაშორისო აეროპორტიდან ფრენებს ბერლინის, მემინგემის, დორტმუნდის, ლონდონის, მილანის, თესალონიკის, ლარნაკას, სოფიას, ბუდაპეშტის, ვილნიუსის, ვარშავასა და კატოვიცეს მიმართულებით ახორციელებს.

"ვიზეარი" ქუთაისში 2012 წლიდან ოპერირებს.