ქუთაისიპოსტი

არასამთავრობო ორგანიზაცია "ევროპა ჩვენი სახლია" ქუთაისში ე.წ. ზასტაველობის დღესასწაულის აღნიშვნას ეხმაურება და მას სამარცხვინო ფაქტს უწოდებს.

"ზასტაველობა" ქუთაისში არსებულ უბან "ზასტავაზე" მცხოვრებთა მოთხოვნით და საკრებულოს წევრის ნატო ქატამაძის მხარდაჭერით გაიმართა და სახალხო დღესასწაულის ხასიათი მიიღო. აღნიშნულ დღესასწაულს მიუღებლად მიიჩნევენ "ევროპა ჩვენი სახლია"-ს დამფუძნებლები და განცხადებას ავრცელებენ. რომლის ტექსტს უცვლელად გთავაზობთ.

"პარლამენტის წართმევის შემდეგ, მას მერე რაც დაპირებული საუნივერსიტეტო ქალაქის იდეა ბლეფი აღმოჩნდა, ინდუსტრიის აღორძინებაც წარსულს ჩაბარდა და ყველა დაპირება შეუსრულებელი, მას მერე რაც ქუთაისელმა ემიგრანტებმა ათენში, სალონიკსა და რომში ჩალაგებული ჩანთები ისევ ამოალაგეს, თითქოს იმედის ბოლო ნაპერწკალი კვდებოდა. თუმცა მოულოდნელი ხსნა ქუთაისელი მეოცნებეების ტვინში მომწიფდა. ქუთაისი გადარჩება, ქუთაისი აყვავდება, ქუთაისი იამაყებს, იმიტომ რომ ისტორიული სამართლიანობის აღდგენას "ზასტაველობის ბრწყინვალე დღესასწაულის" აღნიშვნის ტრადიციის განახლება მოჰყვა. დღევანდელი დღიდან აღარ დარდობს ქუთაისი, "ზასტაველობის" აღნიშნვნა ამის უფლებას არ იძლევა. ყველაზე ბედნიერი ლევან ბერძენიშვილია–ის ხომ საპატიო „ზასტაველია“ როგორ უყვარდა ლევანს ქუთაისი, როგორც საპარლამენტო დედაქალაქი, მისი ამაგი დღეის შემდეგ მოიმატებს მისი ახალი სტატუსი სხვა შანსს არ უტოვებს. "ზასტავა" –რუსული სიტყვაა და საგუშაგო კარიბჭეს ნიშნავს აღმოჩნდა რომ ჩვენდა სამარცხვინოდ ეს დღე კარიბჭეა სიბნელესა და სინათლეს შორის ქუთაისს აქვს შანსი გახდეს რეალური საპარლამენტო დედაქალაქი. ქუთაისმა უარი თქვა პროგრესზე და მიიღო "ზასტაველობა", - აღნიშნულია განცხადებაში.