ქუთაისის მერია "ტორპედოს" ყიდის
18:34 / 28.07.2021
ქუთაისის საფეხბურთო
კლუბი "ტორპედო" ისევ აუქციონზე გააქვთ.
მერიამ მისთვის ახალი მფლობელის მოძებნა ამ ფორმით გადაწყვიტა. "ტორპედოს" გაყიდვას ადგილობრივი თვითმმართველობა 567 017 ლარად შეეცდება. მერიაში ამბობენ, რომ კლუბის შეძენით რამდენიმე ინვესტორია დაინტერესებული. დღეს, საკრებულოს სხდომაზე საკითხის განხილვას ერთ-ერთი პოტენციური ინვესტორის "ალიანს ჯგუფის" წარმომადგენლები ესწრებოდნენ.
კომპანიის წარმომადგენელმა აუქციონის პირობების გამო უკმაყოფილება
გამოთქვეს და განაცხადეს, რომ მერია კლუბის ფინანსურ დავალიანებასთან
დაკავშირებულ საკითხებს ბუნდოვანს ტოვებს.
"როცა პირობებში წერია, რომ
მყიდველი ვალდებულია აანაზღაუროს კრედიტორის წინაშე არსებული
დავალიანება, ჩვენ არ ვიცით რა დავალიანებაზეა საუბარი. ერთ-ერთ
პუნქტში, ასევე, წერია რომ დაუზუსტებელ ვალდებულებებზეც კი ინვესტორმა
უნდა აიღოს პასუხისმგებლობა. გარდა ამისა, პუნქტებში არ წერია რამდენი
წელი უნდა შეასრულოს ეს პირობები შემსყიდველმა. ის, რაც მოვისმინეთ,
ინვესტორისთვის არ არის მომგებიანი", - განაცხადა ალიანს
ჰოლდინგის სოციალური საკითხების კოორდინატორმა, დავით
ლორთქიფანიძემ.
ქუთაისის მერიამ სააუქციონო
პირობებში სულ 11 ვალდებულება გაწერა. მათ შორის, ინვესტორი ვალდებული
იქნება კლუბში ყოველწლიურად სულ მცირე ერთი მილიონი ლარის ინვესტიცია
განახორციელოს.
ქუთაისის მერიამ "ტორპედო"
აუქციონზე პირველად 2017 წელს გაიტანა. მაშინ კლუბი 300 000 ლარად
გაიყიდა, თუმცა, ზაალ ჩაჩავამ ვალდებულებები ვერ შეასრულა და კლუბი
დატოვა. ამის შემდეგ "ტორპედოთი" იტალიელ ინვესტორთა ჯგუფი
დაინტერესდა, რომლებმაც ასევე, არ შეასრულეს ქუთაისის მერიის წინაშე
აღებული ფინანსური ვალდებულებები.
მსგავსი სიახლეები
13:22 / 21.11.2024
ქუთაისში, მუხნარის ადმინისტრაციულ ერთეულის მოსახლეობას, 13 100
აბონენტს, სასმელი წყალი არ მიეწოდება.
13:00 / 21.11.2024
19 ნოემბრის აქციაზე დაკავებულ მათე დევიძეს, შესაძლოა ბრალი
გადაუკვალიფიცირდეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები