ქუთაისიპოსტი

„ქართულმა ოცნებამ“, 10 სექტემბერს, 26 ოქტომბრის საპარლამენტო არჩევნებისთვის საარჩევნო სიის პირველი ოცი წევრი წარადგინა.

ისინი საქართველოს პრემიერ-მინისტრმა ირაკლი კობახიძემ დაასახელა. მანამდე მან პარტიის საპატიო თავმჯდომარის, ბიძინა ივანიშვილის საქები განცხადებები გააკეთა და აღნიშნა, რომ დღეს საქართველოს დამოუკიდებლობა, სუვერენულობა, მშვიდობა და სწრაფი ეკონომიკური ზრდა, მისი დამსახურება.

მისივე თქმით, სწორედ ამიტომ, „ქართული ოცნების“ საარჩევნო სიის პირველი ნომერი პარტიის საპატიო თავმჯდომარე, ბიძინა ივანიშვილი იქნება. 

საარჩევნო სიის მეორე ნომრად თავად ირაკლი კობახიძე დასახელდა. მესამე ნომრად კი „ქართული ოცნების“ თავმჯდომარე ირაკლი ღარიბაშვილი. 

მთავრობის საარჩევნო სიაში ასევე მოხვდნენ სპორტსმენები: ლაშა ტალახაძე და გენო პეტრიაშვილი.

„ქართული ოცნების" საარჩევნო სიის პირველი ოცეული ასე გამოიყურება:

1 - ბიძინა ივანიშვილი
2 - ირაკლი კობახიძე
3 - ირაკლი ღარიბაშვილი
4 - შალვა პაპუაშვილი
5 - მამუკა მდინარაძე
6 - თეა წულუკიანი
7 - ლაშა ტალახაძე
8 - ვახტანგ თურნავა
9 - მაკა ბოჭორიშვილი
10 - გენო პეტრიაშვილი
11 - სოზარ სუბარი
12 - მარიამ ქვრივიშვილი
13 - ანრი ოხანაშვილი
14 - ნიკოლოზ სამხარაძე
15 - ეკა ჭიჭინაძე
16 - შოთა ბერეკაშვილი
17 - ლევან მახაშვილი
18 - მიხეილ ყაველაშვილი
19 - გიორგი გაბუნია
20 - ლიკა შარტავა

26 ოქტომბერს საქართველოში საპარლამენტო არჩევნები გაიმართება.