ქუთაისიპოსტი

"გამარჯვების პლატფორმის" ფარგლებში, ენმ-ის თავმჯდომარე ლევან ხაბეიშვილი, პარტიის წევრები და “სტრატეგია აღმაშენებლის“ წარმომადგენლები იმერეთში რეგიონალურ და მუნიციპალურ ლიდერებს შეხვდნენ.

ისინი რეგიონში არსებულ პრობლემებს ეცნობიან და როგორც განმარტეს, „ივანიშვილის რუსული რეჟიმის წინააღმდეგ კოორდინირებული შეტევისთვის ემზადებიან“.

"გამარჯვების პლატფორმის ფარგლებში, ვხვდებით იმერეთის რეგიონალურ ლიდერებს და ვგეგმავთ სექტემბრის აქტივობებს. იცით, რომ უმძიმესი პრობლემები აქვთ ჩვენს მოქალაქეებს ეკონომიკურ- სოციალური მიმართულებით, ამიტომ აუცილებელია, გვქონდეს ყოველდღიური შეხვედრები სხვადასხვა მუნიციპალიტეტში მოსახლეობასთან და გავაკეთოთ პრობლემების ნუსხა. ჩვენ სექტემბერს უნდა შევხვდეთ მომზადებული, რათა რუსი ოლიგარქის, ბიძინა ივანიშვილის წინააღმდეგ ყველა ლოჯისტიკური ცენტრი, მათ შორის ოფისები, გვქონდეს გახსნილი", - განაცხადა ლევან ხაბეიშვილმა.

დღესვე დააფუძნეს იმერეთის რეგიონალური პოლიტიკური საბჭო, რომლის ხელმძღვანელადაც თემურ ცამციშვილი აირჩიეს, მის მოადგილედ კი - მამუკა ბიბილეიშვილი.