ქუთაისიპოსტი

ქუთაისელი სუტდენტებისთვის განკუთვნილი პროექტი “ჩვენ ვაშენებთ ხიდს“  სოციალურ–საგანმანათლებლო ხასიათს ატარებს და აკაკი წერეთლის სახელწიმწიფო უნივერსიტეტის 24 სტუდენტია ჩართული.

გერმანული აკადემიის კვლევებისა და აკაკი წერეთლის სახელწმიფო უნივერსიტეტის ერთობლივი პროექტის მიზანია იმ სოციალური ფენების საზოგადოებაში ინტეგრირება, რომლებსაც წარმოადგენს მოხუცები და ბავშვთა პანსიონატის აღსაზრდელები. რათა საზოგადოებამ მეტი გაიგოს მათ შესახებ და საზოგადოებას გაუგზავნონ „მესიჯი“, რომ ისინი ჩვენი საზოგადოების წევრები არიან.

სტუდენტებმა გაიარეს სპეციალური შესარჩევი კონკურსი, რათა გამხდარიყვნენ პროექტის მონაწილეები.

პროექტი სამ ეტაპად იყო დაყოფილი, პირველი ეტაპი იყო ტრენინგ–სემინარები, რომლებისთვისაც სპეციალურად ჩამოიყვანეს გერმანიიდან ტრენერები და მონაწილეებს ტრენინგი ჩაუტარდათ შემდეგ თემებზე: დროის მენეჯმენტი, ხარჯთაღრიცხვა და ღონისძიებების დაგეგმარება, მეორე ეტაპზე კი მათ შეასწავლეს თეატრალური უნარ–ჩვევები, კითხვის კულტურა და ცეკვები, მესამე ეტაპი კი უკვე თავად მონაწილეებს უნდა ეთანამშრომლათ ბავშვთა სოფლის აღსაზრდელებთან, რომელიც საღორიაზე მდებარეობს და მოხუცთა პანსიონათთა.

პროექტი დასრულდება 12 დეკემბერს, სადაც მონაწილეები თავიანთ შედეგს დადებენ  ღონისძიების სახით.

მსგავსი მასშტაბის პროექტი პირველად ჩატარდა საქართველოში.

„თავდაპირველად არ მეგონა პროექტი ასე წარმატებით თუ წარიმართებოდა და მეშინოდა კიდეც, მაგრამ ახლა, როდესაც პროექტი სრულდება ბედნიერი ვარ და მეამაყება ის ბავშვები, რომლებიც ჩვენ პროექტს წარადგენენ, ისინი მთელი სულით და გულით მუშაობდნენ და მგონი ხიდი ავაშენეთ კიდეც," -   განაცხადა პროექტის ხელმძღვანელმა მირანდა გობიანმა.


მირიან გოგებაშვილი