კულტურა
პროექტში ჩართულნი იყვნენ იმერეთის მუნიციპალიტეტების როგორც პროფესიონალი, ისე სახალხო თეატრები, როგორც კერძო ტიპის, ისე მუნიციპალური დასები. ჯამში ფესტივალში იმერეთში არსებული ყველა თეატრი მონაწილეობდა.
"ეს მრავალფეროვნება ძალინ საინტერესოა. შეიძლება იყოს სადაო საკითხი, მაგრამ ამასაც აქვს დიდი მნიშვნელობა, როდესაც არაპროფესიონალები გამოდიან პროფესიონალების გვერდით და ისინი იძენენ ახალ გამოცდილებას", - მიაჩნია ფესტივალის ჟიურის წევრ, თეატრმცოდნე ლაშა ჩხარტიშვილს.
გამოცდილების გარდა გამოჩნდა რესურსი, შესაძლებლობები, რაც რეგიონულ თეატრებს აქვთ. "ძალიან ბევრი მცდელობა იყო ნამუშევრების თანამედროვე თეატრთან შესაბამისობაში მოქცევის", - აღნიშნა ჩხარტიშვილმა.
ხაზი გაესვა სამსახიობო შესრულებას, რომელიც ფესტივალის გამორჩეულ და ერთ-ერთ ძლიერ მხარედ დასახელდა.
"სამსახიობო შესაძლებლობები არის მართლაც საბადო ქართული თეატრისთვის. ძალიან ბევრი საინტერესო ახალგაზრდა მსახიობის ნამუშევარი გამოიკვეთა წელს, რაც ძალიან კარგია", - ამბობს ლაშა ჩხარტიშვილი.
სამაგიეროდ სპეციალისტები მოისაკლისებენ ექსპერიმენტებს და სიახლის გაბედულ ძიებებს ავტორთა მხრიდან.
"თეატრალურ სფეროში ამ ფესტივალით, არც შემოქმედებითი და არც ტექნიკური, არც თეატრალური ექსპერიმენტის თვალსაზრისით სიახლე არ მომხდარა. რაღაც მოძველებულ ფორმები იყო, დარჩა შთაბეჭდილება, რომ თეატრები ცდილობდნენ აქცენტი მოწონებაზე გაეკეთებინათ. პირადად მერჩივნა ექსპერიმენტის დონეზე მეხილა სპექტაკლი, ვიდრე რაღაცნაირად კარგად შეფუთულობა ყოფილიყო. თეატრალური ძიება არ იყო, ან ნაკლები დოზით იყო", - ამბობს ხელოვნების სახლი „ღია ჩარჩოს“ წარმომადგენელი ვარლამ ფესტვენიძე.
ფესტვენიძისგან განსხვავებით ფესტივალის ორგანიზატორები გარკვეულ ექსპერიმენტზე მაინც მიუთითებენ და ამ კუთხით გამოყოფენ საჩხერის, ვანისა და ხონის თეატრების სპექტაკლებს. თუმცა იმასაც აზუსტებენ, რომ ექსპერიმენტი "ზომიერების" ფარგლებს არ გასცილებია.
"ზედმეტად გაბედული არაფერი იყო. ყველაფერი გამომდინარეობს იმ მონაცემიდან, სიტუაციიდან და იმ სივრციდან, რომელშიც მონაწილეობენ ეს თეატრები. ისინი ხომ მხოლოდ ფესტივალზე არ ფიქრობენ, არამედ მაყურებელზეც და ასეც უნდა იყოს. ამიტომც, ძალიან ბევერი ნამუშევარი სულაც არ იყო გაბედულად წინგადადგმული ნაბიჯი", - ამბობს ლაშა ჩხარტიშვილი.
სპექტაკლების მიმართ იყო უფრო მკაცრი შეფასებაც და "ჩამორჩენილობის" პრობლემის არსებობის აღიარებაც რეგიონის თეატრებში. "ბევრი მაინც არის ჩარჩენილი უკვე გასული საუკუნის ქართული თეატრის სტილისტიკასა და ესთეტიკაში, რაც დროზე არის მისახედი, გამოსასწორებელი. ქართული თეატრი უნდა განვითარდეს და ეს თეატრებიც უნდა უწყობდეს ამას ხელს. ამ პროცესს არ უნდა ჩამორჩნენ", - ამბობს ლაშა ჩხარტიშვილი.
სპეციალისტები გამოსავალს კარგ დაფინანსებასა და დასის პროფესიონალ რეჟისორებთან მუშაობაში ხედავენ. თუმცა, ესეც მეორეხარისხოვნად მიაჩნიათ თუ არ მოხდა თეატრის ძირითადი დანიშნულების გააზრება.
"თეატრი არის ერთადერთი ხელოვნება, რომელიც თანამედროვე ხელოვნებაა. ის ვერ უსწრებს და ვერც ჩამორჩება დროს. იგი დღევანდელობას უნდა პასუხობდეს აუცილებლად", - მიაჩნია ლაშა ჩხარტიშვილს.
თეატრალური ფესტივალი "თეატრალური იმერეთი" 2002 წლიდან არსებობს. იგი წელს მეშვიდედ ჩატარდა. მასში იმერეთის რეგიონის თეატრების გარდა ცხინვალისა და პოლონეთის ქალაქ ტორუნის თეატრებმაც მიიღეს მონაწილეობა.
„გამორჩეული“ თეატრალური ფესტივალი - სიახლეებითა და ჩამორჩენილობით
15:17 / 12.07.2016
ფესტივალს "თეატრალური იმერეთი -2016 "-ს გამორჩეულის კვალიფიკაცია
მიეცა. ეს სტატუსი მისი მონაწილეების მრავალფეროვნებით აიხსნა.
პროექტში ჩართულნი იყვნენ იმერეთის მუნიციპალიტეტების როგორც პროფესიონალი, ისე სახალხო თეატრები, როგორც კერძო ტიპის, ისე მუნიციპალური დასები. ჯამში ფესტივალში იმერეთში არსებული ყველა თეატრი მონაწილეობდა.
თუმცა, იგივე გამორჩეულობა საკამათოც გახდა, რადგან ფესტივალი
კონკურსს გულისხმობდა - შეჯიბრს პროფესიულსა და მოყვარულ თეატრებს
შორის. ამიტომ თეატრების არათანაბარ "წონით კატეგორიაში" მოხვედრას
თეატრის მოყვარულთა ერთი ნაწილის მხრიდან მიზანშეუწონლობა ეწოდა.
მაგრამ ამას არ ეთანხმებიან ფესტივალის წარმომადგენლები.
"ეს მრავალფეროვნება ძალინ საინტერესოა. შეიძლება იყოს სადაო საკითხი, მაგრამ ამასაც აქვს დიდი მნიშვნელობა, როდესაც არაპროფესიონალები გამოდიან პროფესიონალების გვერდით და ისინი იძენენ ახალ გამოცდილებას", - მიაჩნია ფესტივალის ჟიურის წევრ, თეატრმცოდნე ლაშა ჩხარტიშვილს.
გამოცდილების გარდა გამოჩნდა რესურსი, შესაძლებლობები, რაც რეგიონულ თეატრებს აქვთ. "ძალიან ბევრი მცდელობა იყო ნამუშევრების თანამედროვე თეატრთან შესაბამისობაში მოქცევის", - აღნიშნა ჩხარტიშვილმა.
ხაზი გაესვა სამსახიობო შესრულებას, რომელიც ფესტივალის გამორჩეულ და ერთ-ერთ ძლიერ მხარედ დასახელდა.
"სამსახიობო შესაძლებლობები არის მართლაც საბადო ქართული თეატრისთვის. ძალიან ბევრი საინტერესო ახალგაზრდა მსახიობის ნამუშევარი გამოიკვეთა წელს, რაც ძალიან კარგია", - ამბობს ლაშა ჩხარტიშვილი.
სამაგიეროდ სპეციალისტები მოისაკლისებენ ექსპერიმენტებს და სიახლის გაბედულ ძიებებს ავტორთა მხრიდან.
"თეატრალურ სფეროში ამ ფესტივალით, არც შემოქმედებითი და არც ტექნიკური, არც თეატრალური ექსპერიმენტის თვალსაზრისით სიახლე არ მომხდარა. რაღაც მოძველებულ ფორმები იყო, დარჩა შთაბეჭდილება, რომ თეატრები ცდილობდნენ აქცენტი მოწონებაზე გაეკეთებინათ. პირადად მერჩივნა ექსპერიმენტის დონეზე მეხილა სპექტაკლი, ვიდრე რაღაცნაირად კარგად შეფუთულობა ყოფილიყო. თეატრალური ძიება არ იყო, ან ნაკლები დოზით იყო", - ამბობს ხელოვნების სახლი „ღია ჩარჩოს“ წარმომადგენელი ვარლამ ფესტვენიძე.
ფესტვენიძისგან განსხვავებით ფესტივალის ორგანიზატორები გარკვეულ ექსპერიმენტზე მაინც მიუთითებენ და ამ კუთხით გამოყოფენ საჩხერის, ვანისა და ხონის თეატრების სპექტაკლებს. თუმცა იმასაც აზუსტებენ, რომ ექსპერიმენტი "ზომიერების" ფარგლებს არ გასცილებია.
"ზედმეტად გაბედული არაფერი იყო. ყველაფერი გამომდინარეობს იმ მონაცემიდან, სიტუაციიდან და იმ სივრციდან, რომელშიც მონაწილეობენ ეს თეატრები. ისინი ხომ მხოლოდ ფესტივალზე არ ფიქრობენ, არამედ მაყურებელზეც და ასეც უნდა იყოს. ამიტომც, ძალიან ბევერი ნამუშევარი სულაც არ იყო გაბედულად წინგადადგმული ნაბიჯი", - ამბობს ლაშა ჩხარტიშვილი.
სპექტაკლების მიმართ იყო უფრო მკაცრი შეფასებაც და "ჩამორჩენილობის" პრობლემის არსებობის აღიარებაც რეგიონის თეატრებში. "ბევრი მაინც არის ჩარჩენილი უკვე გასული საუკუნის ქართული თეატრის სტილისტიკასა და ესთეტიკაში, რაც დროზე არის მისახედი, გამოსასწორებელი. ქართული თეატრი უნდა განვითარდეს და ეს თეატრებიც უნდა უწყობდეს ამას ხელს. ამ პროცესს არ უნდა ჩამორჩნენ", - ამბობს ლაშა ჩხარტიშვილი.
სპეციალისტები გამოსავალს კარგ დაფინანსებასა და დასის პროფესიონალ რეჟისორებთან მუშაობაში ხედავენ. თუმცა, ესეც მეორეხარისხოვნად მიაჩნიათ თუ არ მოხდა თეატრის ძირითადი დანიშნულების გააზრება.
"თეატრი არის ერთადერთი ხელოვნება, რომელიც თანამედროვე ხელოვნებაა. ის ვერ უსწრებს და ვერც ჩამორჩება დროს. იგი დღევანდელობას უნდა პასუხობდეს აუცილებლად", - მიაჩნია ლაშა ჩხარტიშვილს.
თეატრალური ფესტივალი "თეატრალური იმერეთი" 2002 წლიდან არსებობს. იგი წელს მეშვიდედ ჩატარდა. მასში იმერეთის რეგიონის თეატრების გარდა ცხინვალისა და პოლონეთის ქალაქ ტორუნის თეატრებმაც მიიღეს მონაწილეობა.
მსგავსი სიახლეები
11:29 / 12.11.2024
პირველად იმერეთის რეგიონში, ტყიბულის მუნიციპალიტეტში, ლეგენდარული
იტალიური ჯგუფის RICCHI E POVERI-ის კონცერტი გაიმართება.
09:16 / 08.11.2024
ქუთაისელი მევიოლინე გვანცა ბუცხრიკიძე მანჰეტენის ორკესტრში სოლისტად აირჩიეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები