ქუთაისიპოსტი

ყოველი დღის მიღმა ათასობით მოვლენა და ადამიანი დგას. წელიწადის თითოეული რიცხვი მრავალ ისტორიას და მოგონებას უკავშირდება.
გთავაზობთ რუბრიკას "რიცხვები და მოვლენები", სადაც წლის ყოველ დღესა და რიცხვში წარსულში მომხდარ სხვადასხვა ფაქტს შეგახსენებთ.

23 მარტი მეტეოროლოგების დღეა. ეს პროფესია კიდევ უფრო დასაფასებელი ხდება გლობალური დათბობის პირობებში, როდესაც აპრილში თოვლს და ზამთარში 30 გრადუს სითბოს უნდა ელოდე. სამსახურიდან გამოსულმა კი, ზუსტად იცოდე სახლში შენით წახვალ თუ ქარი წაგიღებს.

შუა საუკუნეებში მეტეოროლოგების პროგნოზებზე მეტად რომის პაპის გადაწყვეტილებები აინტერესებდათ. რომის პაპმაც არ დააყოვნა და 1324 წლის 23 მარტს მოახსენა იმპერატორ ლუდვიგ ბავარიელს თუ რა აზრისაც ბრძანდებოდა მასზე. აღნიშნულ დღეს,  რომის პაპმა ეკლესიიდან განკვეთა იმპერატორი ლუდვიგ ბავარიელი.

განკვეთას გადაურჩა ჰენდელი. 1743 წლის 23 მარტს ლონდონში პირველად შესრულდა ჰენდელის ორატორია "მესია".

1841 წლის 23 მარტს რიჩარდ ბირდმა გახსნა ევროპაში პირველი ფოტოატელიე. თუმცა ამერიკამ, ერთი წლით დაასწრო ევროპას.

1848 წლის 23 მარტს უნგრეთმა ავსტრიიდან გამოყოფის შესახებ განაცხადა.

1876 წლის 23 მარტს კი იაბლოჩოვმა ელექტრონული ნათურა დააპატენტა.

სხვადასხვა დენომინაციების და ეკლესიების წამომადგენლები დიდი ბუტიაობით გამოირჩევიან. საუკუნეობით არ ივიწყებენ წყენას. თუმცა ბოლოს მაინც რიგდებიან. 1966 წლის 23 მარტს რომის პაპი 400 წლის განმავლობაში პირველად შეხვდა კენტერბერიის არქიეპისკოპოსს.

2001 წლის 23 მარტს არ გაუმართლა ორბიტალური სადგურ "мир"-ს. იგი წყნარ ოკეანეში, ფიჯის კუნძულებთან ჩავარდა.