ქუთაისიპოსტი

ყოველი დღის მიღმა ათასობით მოვლენა და ადამიანი დგას. წელიწადის თითოეული რიცხვი მრავალ ისტორიას და მოგონებას უკავშირდება.
გთავაზობთ რუბრიკას "რიცხვები და მოვლენები", სადაც წლის ყოველ დღესა და რიცხვში წარსულში მომხდარ სხვადასხვა ფაქტს შეგახსენებთ

დღეს დიდი დღეა. იტალიაში არც მეტი არც ნაკლები ლიბერის დღეს ზეიმობენ. დიახ, დიახ სწორედ იმ რომაული პანთეონის ავენტინური ტრიადის ცრუ-ღმერთს მოიხსენიებენ, ასე რომ შეძრა მთელი საქართველო და იუმორისტული ტექსტებისთვის დიდი მასალა შექმნა. სხვანაირად რომ ვთქვათ 17 მარტი ცრუ-ღმერთობის, იგივე ვასაძეობის დღეცაა.

ირლანდიელები თავიანთ "ღმერთს"უძღვნიან 17 მარტს. დღეს წმინდა პატრიკის ხსენების დღეა, იმ პატრიკის სათავე რომ დაუდო ირლანდიულ ლიტერატურას და ალბათ ყველაფერ ირლანდიურს.

ტაილანდშიც ყავთ თავიანთი ღმერთები. მას მუაი ტაი ქვია და ტაილანდურ კრივს წარმოადგენს. ტაილანდელებმა სწორედ მას მიუძღვნეს 17 მარტი.

1861 წლის 17 მარტს იტალიის სამეფო დაფუძნებულა.

თუმცა ამ ფაქტზე უფრო მნიშვნელოვანი რამ მოხდა 1898 წლის 17 მარტს. ამ დღეს გამოქვეყნდა კლასიკად ქცეული ნეაპოლური სიმღერა O Sole Mio!.

სხვა სიმღერებთან ერთად, ალბათ ამ სიმღერასაც იმღერებდნენ გახარებული და ნასვამი ფინელები 1932 წლის 17 მარტს. ამ დღეს ფინეთში ასიათასობით ბოთლი ალკოჰოლი შემოიტანეს მშრალი კანონის შერბილების ნიშნად.

1959 წლის 17 მარტს ყინულმჭრელი გემი გამოვიდა არენაზე. ამერიკულმა გემმა წარმატებით განახორციელა მისთვის დაკისრებული მისია - ყინულს მოერია და შეცურა ჩრდილოეთ პოლუსზე.

1960 წლის 17 მარტს იაპონიში გაამართლა ახალმა "საკანცელარიო" შინაარსის პროექტმა. ამ დღეს ამომავალი მზის ქვეყანაში გაყიდვაში ფლომასტერები შემოვიდა.