საქართველოს 120 მლნ დოლარს გამოუყოფენ
13:06 / 22.05.2015
საქართველოს მთავრობამ და მსოფლიო ბანკმა ორ საფინანსო ხელშეკრულებას მოაწერეს ხელი, რომელიც 120 მილიონი აშშ დოლარის გამოყოფას ითვალისწინებს.
აღნიშნული ხელშეკრულებების ფარგლებში გამოყოფილი თანხა რეკონსტრუქციისა და განვითარების საერთაშორისო ბანკის მიერ კერძო სექტორის კონკურენტუნარიანობის პროგრამული განვითარების პოლიტიკის, ასევე ქვეყანაში ინკლუზიური ზრდის პროგრამული განვითარების პოლიტიკის ღონისძიებების დაფინანსებას ითვალისწინებს.
ხელშეკრულებებს ფინანსთა მინისტრმა ნოდარ ხადურმა და მსოფლიო ბანკის რეგიონულმა დირექტორმა ჰენრი კერალიმ მოაწერეს ხელი. ხელმოწერის ცერემონიალს ეკონომიკის მინისტრის მოადგილე ირმა ქავთარაძეც ესწრებოდა.
როგორც ფინასთა მინისტრმა აღნიშნა, აღნიშნული ხელშეკრულებები ორ სფეროს მოხმარდება, ესენია - საჯარო და კერძო სექტორი.
"ორივე მიმართულებით ღონისძიებების განხორციელება უკვე დაწყებულია, შესაბამისად, ეს თანხა სახელმწიფო ბიუჯეტში იქნება მიმართული და ხორციელდება რეფორმები საჯარო ფინანსების მართვის, ჯანდაცვის, ფასიანი ქაღალდების ბაზრის ჩამოყალიბების, სახელმწიფო შესყიდვების სისტემის სრულყოფის მიმართულებით. ციფრულ მაუწყებლობაზე გადასვლასთან დაკავშირებით. და ა.შ. აღნიშნული ხელშეკრულებები უკვე წარედგინება საქართველოს პარლამენტს რატიფიცირებისთვის, ამის შემდეგ, დაახლოებით, 2 კვირაში ალბათ, ჩვენ უკვე მივიღებთ აღნიშნულ თანხებს", - განაცხადა ხადურმა.
interpressnews.ge
მსგავსი სიახლეები
15:00 / 09.10.2024
იმერეთის რეგიონმა ბოლო ხუთი წლის განმავლობაში ეკონომიკური
განვითარების პოტენციალი და ასობით სამუშაო ადგილი დაკარგა.
13:20 / 18.10.2023
ქუთაისში, ბოლო ერთ წელში, სოციალურად დაუცველთა ბაზაში
რეგისტრირებულთა რაოდენობამ მოიმატა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები