ქუთაისიპოსტი

ყოველი დღის მიღმა ათასობით მოვლენა და ადამიანი დგას. წელიწადის თითოეული რიცხვი მრავალ ისტორიას და მოგონებას უკავშირდება.
გთავაზობთ რუბრიკას "რიცხვები და მოვლენები", სადაც წლის ყოველ დღესა და რიცხვში წარსულში მომხდარ სხვადასხვა ფაქტს შეგახსენებთ.



22 თებრვალი ნაციონალური დღესასწაულების სიმრავლით გამოირჩევა. თუმცა 22-ში ერთი საერთაშორისო დღეც აღინიშნება. 22 თებერვალი კრიმინალური დანაშაულების მსხვერპლთა თანადგომის დღეა.

მაშ ასე, ეგვიპტეში დღეს ერთობის დღეს აღნიშნავენ. ინდოეთში - დედისას, კატარში ემირის ტახტზე აბრძანების თარიღია. მექსიკაში გლოვის დღეს აღნიშნავენ, სანტ ლუსიაში დამოუკიდებლობას ზეიმობენ , აშშ-ში - ვაშინგტონის დაბადების დღეს, ცენტრალური აფრიკის რესპუბლიკა -პრეზიდენტისას. 22 თებერვალი იაპონიაში კატების დღეა. ყირგიზეთში კი მიწის მართვის, გეოდეზიისა და კარტოგრაფთა მუშაკების დღე. როგორც ჩანს ძალიან მნიშვნელოვანი პროფესიაა ეს კარტოგრაფობა, რადგან გუშინ ბელორუსებიც ზეიმობდნენ აღნიშნულ მუშაკთა დღეს. ამიტომ მარკ -შეიდერის არ იყოს ერთი- ორი კარგი გეოდეზისტ- კარტოგრაფი ყველას უნდა ყავდეს.

გეოდეზიტები ბევრია, სამაგიეროდ საფრანგეთის მეფე კარლ კარლ VIII იყო ერთადერთი. მან 1495 წლის 22 თებერვალს იტალიური ლაშქრობის ფარგლებში ნეაპოლი უბრძოლველად და "მუქთად"ჩაიგდო ხელში, სამაგიეროდ აშშ-ს მოუწია ფულის გადახდა ფლორიდასთვის 1818 წელს. ადამ-ონისის შეთანხმების საფუძველზე ფლორიდა ესპანეთმა აშშ-ს გადასცა. ამაში ამერიკელებმა სულ რაღაც 5 მილიონი დოლარი გადაიხადეს.

1632 წლსი 22 თებერვალს გალილეო გალილეიმ გამოაქვეყნა მნიშვნელოვანი ნაშრომი "სამყაროს ორი უმთავრესი სისტემის დიალოგი" რამაც დიდი გავლენა მოახდინა ევროპაში ასტრონომიის შემდგომ განვითარებაზე.

22 თებერვალს მნიშვნელოვანი ამბები მოხდა საფრანგეთში:1848 წელს დაიწყო ბურჟუაზიულ-დემოკრატიული რევოლუცია, რომელმაც ივლისის მონარქია დაამხო.
რევოლუციებში საფრანგეთს არ ჩამორჩა მექსიკა და 1913 წლის 22 თებერვალს მოახდინა სახელმწიფო გადატრილება, რომელიც პრეზიდენტის მკვლელობით დასრულდა.

გადატრიალებები განიზრახა პატრიარქმა ნიკონმა და 1653 წელს საეკლესიო რეფორმა განახორციელა , რაც უდიდესი მიღწევით დასრულდა - რეფორმის შედეგად პატრიარქის ტიტულს "უწმინდესი" დაემატა. "

"თხა თხაზე ნაკლები მგელმა შეჭამაო" ამ ანდაზის ურუგვაული ვერსიით იხელმძღვანელა ურუგვაიმ და 1945 წლის 22 თებერვალს გერმანიასა და იაპონიას ომი გამოუცხადა.