ქუთაისიპოსტი

ალფრედ ნობელის პრემია ფიზიოლოგიასა და მედიცინაში იაპონელ იოშინორი ოსუმის გადაეცა.

ნობელის კომიტეტის ოფიციალურ ვებგვერდზე გამოქვეყნებულ განცხადებაში აღნუშნულია, რომ მეცნიერმა აღმოაჩინა თუ როგორ შეიძლება უჯრედები დარჩეს ჯანმრთელი გადამუშავების შემდეგ.

იოშინორი ოსუმი ტოკიოს ტექნოლოგიური ინსტიტუტის პროფესორია.

მან აღმოაჩინა გენი, რომელიც უჯრედულ პროცესს ე.წ აუტოფაგიას არეგულირებს. იაპონელმა მეცნიერმა ამ კონცეფციაზე მუშაობა გასული საუკუნის 80–90–იან წლებში დაიწყო.

ნობელის პრემიის მინიჭებამ იოშინორი ოსუმი გააკვირვა, თუმცა აღნიშნა, რომ ეს მისთვის დიდი პატივია.

ფიზიოლოგიისა და მედიცინის დარგში ნობელის პრემიაზე 270 –ზე მეტი მეცნიერი იყო ნომინირებული.

იაპონელ მეცნიერს კომიტეტი 8 მილიონ შვედურ კრონას (834 000 ევრო) გადასცემს.

ასევე, ცნობილი გახდა, რომ ფიზიკის დარგში ნობელის პრემია, სამ ბრიტანელ მეცნიერს დევიდ თაულესს, მაიკლ კოსტერლიცს და დანკან ჰელდანგს გადაეცა.

"მათ ტოპოლოგიური ფაზური გადასვლის შესახებ მეცნიერების განვითარებაში და ე.წ. "უცნაური მატერიის" კვლევაში განსაკუთრებული წვლილი შეიტანეს და დღემდე უცნობი სამყაროს კარი შეაღეს, სადაც მატერიას სხვადასხვა უცნაური ფორმით არსებობს," – აღნიშნავს ნობელის კომიტეტი.

რაც შეეხება ქიმიის, ეკონომიკური მეცნიერებების, ლიტერატურისა და მშვიდობის პრემიის ლაურეატებს, მათი ვინაობა მოგვიანებით გახდება ცნობილი.