ქუთაისიპოსტი

საკონკურსო ნაშრომების ჩაბარების ბოლო ვადაა 10 ივნისი
ლიტერატურულ კონკურსში ,,მცირე პროზა,"  სტუდენტებს  ეძლევათ შესაძლებლობა, წარმოადგინონ ბოლო პერიოდის ლიტერატურულ პერიოდიკაში გამოუქვეყნებელი პროზაული ნაწარმოებები ( მოთხრობა, ნოველა, ესსე, ჩანახატი) ან პუბლიკაცია ( არ იგულისხმება ინტერნეტის ლიტერატურულ გვერდებზე განთავსება).

კონკურსის მონაწილემ, თაბახის A4 ფორმატით უნდა წარმოადგინოს 1 ან 2 ნაწარმოები ( თითოეული არაუმეტეს 8 – 10 ნაბეჭდი გვერდისა, 4 ეგზემპლარად ),
სტუდენტობის დამადასტურებელი მოწმობა, საკონტაქტო მონაცემები, უმაღლესი სასწავლებლის დასახელება, ფაკულტეტი და კურსი.

საკონკურსო ნაშრომების ჩაბარების ბოლო ვადაა 10 ივნისი;

კონკურსში გამარჯვებულთა ა გამარჯვებულთა დაჯილდოება 16 ივნისს გაიმართება. გამარჯვებულები ოტია იოსელიანის სახელობის I, II, III ფულადი პრემიით, სიგელითა და სამახსოვრო საჩუქრით დაჯილდოვდებიან.

ასევე გამარჯვებული ნაწარმოებები დაიბეჭდება ლიტერატურულ ჟურნალ "ანეულსა" და ,"ლიტერატურულ საქართველოში."

საკონკურსო ნაწარმოებები ელფოსტით, მისამართზე -  This e-mail address is being protected from spambots. You need JavaScript enabled to view it უნდა გადაიგზავნოს და ჩაბარდეს 4 ეგზემპლარად, თბილისის ნ. ბარათაშვილის სახლ - მუზეუმში, ჩახრუხაძის #17 - ში, ყოველდღე, კვირა - ორშაბათის გარდა, 12 დან 17 საათამდე.

კონკურსანტებმა სასურველია განაცხადონ სხვა ჰობის შესახებაც (მუსიკა, მხატვრობა...) რათა დაჯილდოების დღეს მათი მონაწილეობით ჩატარდეს კონცერტი, გამოფენა, მხატვრული კითხვა.

ლიტერატურულ კონკურსში "მცირე პროზა," თბილისის მერიის, თბილისის კულტურული ღონისძიებების ცენტრის მიერ ნიკოლოზ ბარათაშვილის სახელობის სახლ - მუზეუმში ტარდება.