ახალი ამბები
მათ შორის არის პოლიტიკოსი გიგი უგულავა. სამინისტროს მიერ გავრცელებული ინფორმაციით, რვავე პირი დაკავებულია და მათ ოთხ წლამდე თავისუფლების აღკვეთა ემუქრება.
შსს-მ თბილისის გასასვლელის გადაკეტვის მცდელობისთვის, სისხლის სამართლის საქმე რვა პირის მიმართ აღძრა
17:36 / 04.02.2025
შსს-მ 2 თებერვალს, მოქალაქეების
მიერ, პროტესტის ნიშნად, თბილისის გასასვლელის ჯგუფურად გადაკეტვის
მცდელობის გამო, სისხლის სამართლებრივი დევნა რვა პირის მიმართ
დაიწყო.
მათ შორის არის პოლიტიკოსი გიგი უგულავა. სამინისტროს მიერ გავრცელებული ინფორმაციით, რვავე პირი დაკავებულია და მათ ოთხ წლამდე თავისუფლების აღკვეთა ემუქრება.
"დაკავებული არიან: 1991 წელს
დაბადებული ი.წ., 1982 წელს დაბადებული ი.ტ., 2004 წელს დაბადებული
ნ.კ., 1992 წელს დაბადებული ვ.ე., 1978 წელს დაბადებული ნ.ქ., 1994
წელს დაბადებული ა.გ., 1992 წელს დაბადებული დ.ბ. და 1975 წელს
დაბადებული გ.უ. როგორც საზოგადოებისთვის ცნობილია, აქციის
მონაწილეებმა მიმდინარე წლის 2 თებერვალს, დღის მეორე ნახევარში,
დაიწყეს შეკრება და მოგვიანებით, მსვლელობით თბილისის გასასვლელის
მიმართულებით გადაინაცვლეს. მიუხედავად შინაგან საქმეთა სამინისტროს
მიერ გავრცელებული გამაფრთხილებელი განცხადებებისა და ადგილზე მყოფი
სამართალდამცველების მხრიდან გაკეთებული არაერთი მოწოდებისა, რომ
აქციის წევრებს არ მოეხდინათ საერთაშორისო მნიშვნელობის საავტომობილო
გზის ბლოკირება , შეკრების დაწყებიდან მალევე აქციის მონაწილეთა
ნაწილი, არ დაემორჩილა პოლიციის კანონიერ მოთხოვნას, გადავიდა გზის
სავალ ნაწილზე და შეეცადა საავტომობილო გზის ბლოკირებას", - ნათქვამია
სამინისტროს მიერ გავრცელებულ განცხადებაში.
განცხადების ბოლოს, უწყება
საავტომობილო გზის ბლოკირებაში მონაწილე სხვა პირების დადგენასა და
პასუხისგებაში მიცემასაც აანონსებს.
დაკავებულების წინააღმდეგ საქმე
სისხლის სამართლის კოდექსის 19-222-ე მუხლითაა აღძრული, რაც
სტრატეგიული ან განსაკუთრებული მნიშვნელობის ობიექტის ჯგუფურად
ბლოკირების მცდელობას გულისხმობს.
2 თებერვალს, მოქალაქეებმა
დედაქალაქის გასასვლელის გადაკეტვა პროტესტის ნიშნად სცადეს.
საპროტესტო აქციაზე მყოფი სამართალდამცველები განსაკუთრებული აგრესიით
გამოირჩეოდნენ. ისინი სასტიკად უსწორდებოდნენ დემონსტრანტებს.
აქტივისტების ნაწილს ჰოსპიტალიზაცია დასჭირდა. ისინი, უმეტესად თავის
არეში მიყენებული დაზიანებებით კლინიკებში მკურნალობენ. დაშავდნენ
მედიის წარმომადგენლებიც. მძიმე დაზიანება მიიღო ტელეკომპანია
"პირველის" ოპერატორმა ნიკო კოკაიამ.
ქვეყანაში 69 დღეა უწყვეტად მიმდიანრეობს საპროტესტო აქციები ახალი არჩვნების დანიშვნისა და პოლიტპატიმრების გათავისუფლების მოთხოვნით. უწყვეტი პროტესტი, ქვეყნის მასშტაბით, მას შემდეგ დაიწყო, რაც 28 ნოემბერს "ქართულ ოცნებაში" განაცხადეს, რომ მომდევნო ოთხი წლის განმავლობაში აღარ დააყენებენ ევროკავშირთან გაწევრიანებისთვის მოლაპარაკების გახსნის საკითხს.
მომიტინგეთა მოთხოვნები უცვლელია: ხელახალი საპარლამენტო არჩევნების ჩატარება და აქციებზე დაკავებულთა გათავისუფლება.
მოქალაქეები ამბობენ, რომ იბრძოლებენ მანამდე, ვიდრე მოთხოვნები არ დაკმაყოფილდება.
ქვეყანაში 69 დღეა უწყვეტად მიმდიანრეობს საპროტესტო აქციები ახალი არჩვნების დანიშვნისა და პოლიტპატიმრების გათავისუფლების მოთხოვნით. უწყვეტი პროტესტი, ქვეყნის მასშტაბით, მას შემდეგ დაიწყო, რაც 28 ნოემბერს "ქართულ ოცნებაში" განაცხადეს, რომ მომდევნო ოთხი წლის განმავლობაში აღარ დააყენებენ ევროკავშირთან გაწევრიანებისთვის მოლაპარაკების გახსნის საკითხს.
მომიტინგეთა მოთხოვნები უცვლელია: ხელახალი საპარლამენტო არჩევნების ჩატარება და აქციებზე დაკავებულთა გათავისუფლება.
მოქალაქეები ამბობენ, რომ იბრძოლებენ მანამდე, ვიდრე მოთხოვნები არ დაკმაყოფილდება.
მსგავსი სიახლეები
11:40 / 05.02.2025
შინაგან საქმეთა სამინისტროს თანამშრომლებმა, მოსამართლის განჩინების
საფუძველზე, უმწეო მდგომარეობაში მყოფი პირის მიმართ განხორციელებულ
ადამიანით ვაჭრობის ბრალდებით 2 პირი დააკავეს.
16:02 / 04.02.2025
სურსათის ეროვნული სააგენტოს ინფორმაციით, ბავშვის სავარაუდოდ წყლით -
„ბაკურიანი ციდა“ ინტოქსიკაციაზე მოკვლევა დაიწყეს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები