ახალი ამბები
ამას ადასტურებს ძალადობის მსხვერპლთა სამედიცინო ექსპერტიზები. "ახალგაზრდა იურისტთა ასოციაციამ", სხვა ორგანიზაციებთან ერთად, პროტესტის დროს, დაკავებისა და დაკავების შემდეგ ნაცემი აქტივისტების შესახებ მტკიცებულებები შეაგროვა. წინასწარი შედეგების მიხედვით, რომელიც ეყრდნობა ღია წყაროებიდან მოპოვებულ ფოტო და ვიდეო მასალებს, დემონსტრაციებზე დაკავების, ძალადობისა და ფიზიკური დაზიანებების მიყენების 99 შემთხვევა ფიქსირდება, მათ შორის არის 45 ჟურნალისტი. 11 პირის შემთხვევაში კი, დამოუკიდებელი სასამართლო-სამედიცინო შეფასებით, საპოლიციო ძალების მხრიდან გამოყენებულია წამების პრაქტიკა. მტკიცებულებები აჩვენებს მსხვერპლთა ტრამვების შემაშფოთებელ მოდელს, სადაც სახისა და თავის დაზიანებები განსაკუთრებით ხშირია. ბევრმა დაზარალებულმა მიიღო მძიმე დაზიანება, მათ შორის ცხვირის ძვლის მოტეხილობა, თავის ტვინის შერყევები და რბილი ქსოვილების მასშტაბური დაზიანებები. ზოგიერთი შემთხვევა მიუთითებს შესაძლო ნევროლოგიური დაზიანებების არსებობაზე, ასევე, ფსიქოლოგიურ ტრავმებზე.
დემონსტრანტების მიმართ წამების პრაქტიკის გამოყენება სამედიცინო ექსპერტიზებით დადასტურდა
13:00 / 25.12.2024
პროევროპულ აქციებზე,
დემონსტრანტების მიმართ, საპოლიციო ძალების მხრიდან წამების პრაქტიკის
გამოყენება ხდებოდა.
ამას ადასტურებს ძალადობის მსხვერპლთა სამედიცინო ექსპერტიზები. "ახალგაზრდა იურისტთა ასოციაციამ", სხვა ორგანიზაციებთან ერთად, პროტესტის დროს, დაკავებისა და დაკავების შემდეგ ნაცემი აქტივისტების შესახებ მტკიცებულებები შეაგროვა. წინასწარი შედეგების მიხედვით, რომელიც ეყრდნობა ღია წყაროებიდან მოპოვებულ ფოტო და ვიდეო მასალებს, დემონსტრაციებზე დაკავების, ძალადობისა და ფიზიკური დაზიანებების მიყენების 99 შემთხვევა ფიქსირდება, მათ შორის არის 45 ჟურნალისტი. 11 პირის შემთხვევაში კი, დამოუკიდებელი სასამართლო-სამედიცინო შეფასებით, საპოლიციო ძალების მხრიდან გამოყენებულია წამების პრაქტიკა. მტკიცებულებები აჩვენებს მსხვერპლთა ტრამვების შემაშფოთებელ მოდელს, სადაც სახისა და თავის დაზიანებები განსაკუთრებით ხშირია. ბევრმა დაზარალებულმა მიიღო მძიმე დაზიანება, მათ შორის ცხვირის ძვლის მოტეხილობა, თავის ტვინის შერყევები და რბილი ქსოვილების მასშტაბური დაზიანებები. ზოგიერთი შემთხვევა მიუთითებს შესაძლო ნევროლოგიური დაზიანებების არსებობაზე, ასევე, ფსიქოლოგიურ ტრავმებზე.
მტკიცებულებების შეგროვებასა და
დოკუმენტირებაში ჩართულმა ორგანიზაციებმა, შეაგროვეს ძალადობის
მსხვერპლთა ჩვენებებიც, სადაც დემონსტრანტები საუბრობენ პოლიციელების
მიერ ე.წ. "მყარი გარსის ხელთათმანების" გამოყენებაზე, უმეტესად სახის
არეში. როგორც ცნობილია, მსგავსი აღჭურვილობა ზრდის დარტყმის ძალას და
იწვევს მძიმე დაზიანებებს. რამდენიმე დაზარალებულმა, ასევე, აღნიშნა
ნეკნებისა და ხერხემლის დაზიანებები, რაც კიდევ უფრო მეტად უსვამს
ხაზს თავდასხმების სიმძიმეს. გამოძიებისას, ბევრ პირს ასევე
აღენიშნებოდა სისხლჩაქცევები და სიწითლეები ქვედა კიდურებზე,
განსაკუთრებით ბარძაყების უკანა მხარეს, რაც შეესაბამება ჩვენებებს,
რომ მათ იატაკზე ან პირაღმა წოლისას აბიჯებდნენ ფეხებს და სცემდნენ.
დემონსტრანტები ყვებიან, რომ მათ ჯერ ბოჭავდნენ, შემდეგ ურტყამდნენ და
ფეხით დგებოდნენ მათზე, ხშირად ეს ხდებოდა სატრანსპორტო საშუალებაში,
რაც უზრუნველყოფდა მათი მოქმედების საიდუმლოებასა და სრულ
კონტროლს.
მსხვერპლებმა ასევე განაცხადეს, რომ
თავდასხმებს ხშირად თან ახლდა შეურაცხყოფა, მუქარები (მათ შორის
სექსუალური ძალადობის შესახებ) და დამცინავი თუ დამამცირებელი
კომენტარები. რესპონდენტებმა, ასევე, აღნიშნეს ჟურნალისტებზე
თავდასხმებისა და დაკავების შემთხვევები, მათ შორის იმ ჟურნალისტების,
რომელთაც ჰქონდათ შესაბამისი, პრესის აღმნიშვნელი საიდენთიფიკაციო
ნიშანი. მათ თავს დაესხნენ და დააკავეს როგორც დემონსტრაციის ადგილზე,
ისე ახლომდებარე ქუჩებზე.
დოკუმენტირების პროცესის მონაწილე
ორგანიზაციები მოუწოდებენ საერთაშორისო საზოგადოებას დაგმონ
დემონსტრანტების, ადამიანის უფლებადამცველების, ჟურნალისტებისა და
პოლიტიკური აქტივისტების მიმართ წამებისა და არაადამიანური მოპყრობის
სისტემური პრაქტიკა და მოუწოდონ საქართველოს სახელმწიფო ინსტიტუტებს,
უზრუნველყონ დამოუკიდებელი, მიუკერძოებელი და ეფექტური
გამოძიება.
კვლევის წინასწარი შედეგები
ნახეთ აქ:
მსგავსი სიახლეები
12:22 / 26.12.2024
ქუთაისში, მშენებლობის ნებართვისთვის მოსაკრებლის ოდენობა (საანგარიშო ფართობის თითოეული კვადრატული მეტრისათვის), იანვრიდან, 10 ლარამდე გაიზრდება.
11:28 / 26.12.2024
მძიმე ინფრასტრუქტურული და სანიტარული მდგომარეობა; დაწესებულების
გადატვირთულობა; დაწესებულების ეფექტურად მართვისა და საჭიროებების
დროულად უზრუნველყოფისთვის გამოყოფილი რესურსების სიმცირე; დამხმარე
პერსონალის დაბალი ანაზღაურება - ეს ის პრობლემებია, რაც სახალხო
დამცველმა ქუთაისის ფსიქიატრიულ კლინიკაში ვიზიტისას დააფიქსირა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები