ქუთაისიპოსტი

ქუთაისში, ტაქსის გამოძახების სამსახურის Maxim-ს თანამშრომლებს დღეს დილით ოფისის ფასადი და შესასვლელი დაზიანებული დახვდათ.


ფასადზე და შესასვლელზე უცნობდა პირებმა საღებავით გაკეთებული წარწერა დატოვეს "რუსეთი ოკუპანტია".

აღნიშნული შემთხვევა ტაქს Maxim-სა და კომპანიის მძღოლს შორის გაწვეტილ თანამშრომლობას მოჰყვას, რომელმაც ავტომანქანაზე წარწერა გააკეთა - "რუსეთი ოკუპანტია - ხალხნო გამოფხიზლდით". წარწერა ჯემალ ცინარიძეს თავის კუთვნილ ავტომანქანაზე ჰქონდა, რომლითაც Maxim- ში მუშაობდა.

ჯემალ ცინარიძისა და ტაქსის გამოძახების სამსახურ Maxim-ს შორის თანამშრომლობის შეწყვეტასთან დაკავშირებით, კომპანიაში აცხადებენ, რომ კონფლიქტი არ არის პოლიტიკური ხასიათის. "უბრალოდ მძღოლმა დაარღვია კომპანიის მოთხოვნები ტაქსის ავტომობილის გარეგნული სახის შესახებ და უარი თქვა დარღვევის აღმოფხვრაზე," - აცხადებენ კომპანიაში.

"ტაქსის გამოძახების სამსახური "მაქსიმი" არ თამაშობს პოლიტიკურ თამაშს!
ჩვენ მხოლოდ ბიზნესით ვართ დაკავებული ისევე, როგორც ასეულობით სხვა კომპანიები საქართველოში. Maxim-ის მისია იმაში მდგომარეობს, რომ მუდმივად გავაუმჯობესოთ ურთიერთობა მგზავრებსა და მძღოლებს შორის, დავეხმაროთ ადამიანებს თავიანთი მიზნებისკენ სვლაში. სხვა არაფერი.
კომპანია დარეგისტრირებულია და იხდის გადასახადებს საქართველოში. ჩვენ მძღოლებს ვაძლევთ საშუალებას მიიღონ შემოსავალი, ხალხს ვაწვდით ტაქსის გამოძახების თანამედროვე სერვისს. მასში დასაქმებული არიან საქართველოს მოქალაქეები, რომლებმაც გაიარეს სწავლება ყველაზე მაღალი სტანდარტების მიხედვით. ყოველივე ეს ადასტურებს იმას, რომ გვსურს გავაუმჯობესოთ მუშაობა და სერვისის ხარისხი.

ჩვენ ვთანამშრომლობთ დამოუკიდებელ მძღოლებთან. ისინი არ არიან კომპანიის შტატში, შესაბამისად, ჩვენ არ შეგვიძლია რომელიმე მათგანის გათავისუფლება. მაგრამ, თუ მძღოლი არღვევს გადაყვანა-გადაზიდვის წესებს, იწვევს კლიენტებისგან საყვედურებს ან სხვაგვარად აზარალებს კომპანიის იმიჯს, ჩვენ ვწყვეტთ მასთან თანამშრომლობას.

ჩვენ არ ვეწინააღმდეგებით სიტყვის თავისუფლებას. მაგრამ საფირმო ნიშნის მქონე ავტომობილზე, რომელიც წარმოადგენს კომპანიის სახეს, პოლიტიკური ლოზუნგების, სხვა კომპანიების ნიშნების და ა.შ. განთავსება არ შეიძლება. ავტომობილზე, რომელსაც არ აქვს საფირმო ნიშანი, მძღოლს შეუძლია დააწეროს ის, რაც მოესურვება - ამ შემთხვევაში ეს მისი პირადი საქმეა. ჩვენი კომპანია არ ერევა პოლიტიკაში. ამისგან პოლიტიკური სკანდალის შექმნის არავითარი საფუძველი არ არსებობს.

მაგრამ ვიღაცას ძალიან აწყობს სიტუაციის სწორედ პოლიტიკურ ჭრილში წარმოდგენა და არაფრისგან კონფლიქტის შექმნა.

გუშინ ქუთაისში უცნობმა პირებმა დააზიანეს Maxim-ის ოფისის ფასადი და შესასვლელი. მათ არ დაენანათ საღებავი და არ დაეზარათ ტრაფარეტების გაკეთება. ნაკლებად სავარაუდოა, რომ ეს ტაქსის მძღოლს გაკეთებინა. ვანდალიზმზს არავითარი შეხება არ აქვს სიტყვის თავისუფლებასთან. საკუთარი პოლიტიკური შეხედულებების გამოსახატად საქართველოში არსებობს უფრო ცივილიზებული გზები," - აცხადებენ კომპანიაში.

მომხდარ ფაქტთან დაკავშირებით ტაქსი მაქსიმის ადმინისტრაციამ პოლიციას მიმართა.