ქუთაისიპოსტი

"მშვიდობა ნიშნავს სულიერ სიმშვიდეს. ეს სულიერი სიმშვიდე ჩვენ არ გვაქვს,"- ამბობს აფხაზეთიდან დევნილი ქალი ფილმში, რომლის ჩვენებაც ქუთაისში გაიმართა.


ფილმი სოციალური სამართლიანობის ცენტრის მიერ ორგანიზებული დისკუსიის ფარგლებში აჩვენეს, დისკუსია მშვიდობის თემას ეხებოდა, უფრო ზუსტად -
"ნამდვილი მშვიდობა - ევროკავშირი და სამშვიდობო პოლიტიკის შესაძლო პერსპექტივებს"
აღნიშნულ თემაზე ისაუბრეს მომხსენებლებმა მედეა ტურაშვილმა, სოციალური სამართლიანობის ცენტრი, მიშა ჯახუამ, მშვიდობის განვითარების ცენტრი და ბადრი ბელქანიამ
ქართულ-აფხაზური კონტექსტი. დისკუსიას მოდერაციას თამთა მიქელაძე უწევდა.

დოსკუსია ფილმის ჩვენებით დაიწყო. შეხვედრაზე წარმოდგენილი ფილმის გმირები, აფხაზეთიდან დევნილები, იხსენებენ აფხაზეთსა და ქართევლებს შორის კონფლიქტის დაწყების და აფხაზეთში მათი ყოფნის ბოლო დღეებს, როცა ვერავის წარმოედგინა, რომ კონფლიქტი ასე ღრმად შევიდოდა. ფილმის გმირები იხსენებენ წარსულ ურთიერთობებს და საუბრობენ იმაზე რამდენად შესაძლებელია აფხაზებთან დიალოგი. რა გამოცდილება გააჩნიათ თავად და ზოგადად როგორ უყურებენ მშვიდობის თემას.
მშვიდობასა და მონობას შორის ზღვარი არ უნდა წაიშალო, აღნიშნავს ერთ- ერთი გმირი.

მშვიდობა არ ნიშნავს კონფლიქტის გაყინვას, ამ თემის წაყრუებას ან უფრო უარესი რეალური მოწინააღმდეგის მიმართ დათმობის პოლიტიკას, აღნიშნავენ ფილმის გმირები.

საქართველოში არ არის მშვიდობა მანამ, სანამ არსებობს რუსეთის მიერ გავლებული მავთულხლართები საქართველოს ტერიტორიაზე, მიაჩნიათ ფილმში მონაწილე აფხაზეთდიან დევნილებს.
დისკუსიის მონაწილეებს ნამდვილი მშვიდობის მიღეწვის რეალურ გზად ევროკავშირი და მისი სამშვიდობო პოლიტიკა ესახებათ.

ამაზე ისაუბრა სოციალური სამართლიანობის ცენტრი წარმომადგენელმა მედეა ტურაშვილმაც.

"ჩვენი მიზანი არის ის, რომ უნდა შევძლოთ აფხაზებთან და ოსებთან თანაცხოვრება. ევროკავშირში გაწევრიანების პერსპექტივა არის უნიკალური საშუალება საქართველოსთვის ამ მიმართულებითაც. ეს რა თქმა უნდა არ არის პანაცეა. ევროაკშირში არის კვიპროსი რომლის ტერიტორიაც გაყოფილია და მისი ნაწილი თურქეთს აქვს ოკუპირებული, თუმცა გამყოფი ხაზის სხვადასხვა მხარეს მცხოვრებ კვიპროსელებს შორის კონფლიქტი არ არის. ძალიან განვითარებული ქვეყანაა. ვაჭრობის თავისუფლება და გადაადგილების შესაძლებლობა. კვიპროსში არავინ განიხილავს კონფლიქტის მოგვარებას ომის გზით.

ევროკავშირისთვის ომი არ არის ის ინსტრუმენტი რომლითაც იგი კონფლიქტს მოაგვარებს, როგორც ევროკავშირის შიგნით, ისე მის გარეთ სხვა ქვეყნებთან
ევროკავშირი სამშვიდობო იდეაზე დაფუძნებული ერთობაა,"- აღნიშნა მედეა ტურაშვილმა.

მომხსენებელმა ბადრი ბელქანიამ ისაუბრა დღევანდელ აფხაზეთში არსებულ სიტუაციაზე იმ განწყობებზე რაც აფხაზურ საზოგადოეაბაში არსებობს.

რუსეთში უკრაინის შეჭრამ მკვეთრად შეცვალა აფხაზების დამოკიდებულება რუსეთთან. მათთვის რუსეთი აღარ განიხილება მშვიდობის გარანტად.

ამასთან ერთად, რუსეთის ზეწოლის მიუხედავად აფხაზეთმა არ მიიღო ბევრი ისეთი კანონი, მათ შორის აგენტების შესახებ კანონი, რაც რუსეთის გავლენას გააძლიერებდა აფხაზეთში.
აფხაზების ეს განწყობა მოლაპარკებების ახალ პერსპექტივას აჩენს,თუმცა საქართველოს ხელისუფლება ამ თემის გარშემო დუმილს ამჯობინებს და არანაირ ნაბიჯს არ დგამს კონფლიქტის მშვიდობიანი მოგვარების ახალი პერსპექტივის გამოსაყენებლად,  აღინიშნა შეხვედრაზე.